Jean 4:24 - New Testament in Mitsogo

²⁴ Nzambé te Gédidi. Te ôtômu mbe môma awedéô na Gédidige géne gôéneegeda Nzambé gô mabégô medi mapie.

Jean 4:24 ပူးပေါင်းရင်းမြစ်များ

Jean 4:23

Gô ndéône évigani, na yangô émani éviga, Gédidi SaNzambé géétsa oma ngudi yeneegeda Nzambé, ône aseenanôni, angô kumune amabégô mapie. Nzambé anyôngéô aneegedie apie amôneegeda nane, pati tungu.

II Corinthiens 1:12

Bononi éne éndéké n’asô eekédi gôényemôga na ékasôga gôndé anye. Mianga miamitéma miasô mitôtsundéda géesédé we môdigédie wasô na mônongoe wasô ônyepani va gatse ane asavamba na Nzambé na dôta va gatse anye. Tôdigaa n’oma muetso na mavôma maviga gôndé Nzambé gébé na buembe. Te éodo émeetsa Nzambé we étôtévéda nzéa, kaka éodoe ébôtu na môma.

II Corinthiens 3:17

Menyani mbe vatôôkô éva mbe: Kumu, événdégéô mbe Gédidi SaNzambé. Gô tungu édenganô Gédidi SaKumu, wangô gôdenganô dôta na mitéma mimakusa gô évitsi.

Philippiens 3:3

Gégeetéôge saô kaka géne sapie. Géne sapie te géne sasô n’anyô tôseetsa mitémamie gô ésôgee na gô ésimee éotô. Tôtsôkéa te Jésus‐Christ na tôyanzéa Nzambé gô ngudi yaGédidi sedi.

I Timothée 1:17

Tôkumédéni, na tôneegedeni gédundé Kumu asô n’anyô amôbô na môbô, ône amawani, na aseenanôni, angô Nzambé ésaba na gégoni. Amen.