Jean 4:15 - New Testament in Mitsogo

¹⁵ Vane môgetone amamôduka mbe: Môékédi, itsa me mebame mane, kabaga nookôdô sôé na kabaga navigadô gôébuéta meba éva.

Jean 4:15 ပူးပေါင်းရင်းမြစ်များ

Jean 4:16

Jésus amatôma môgetone mbe: Kiaka, ôkebambéa mômioo, nôviga muetso abaé.

Jean 6:26

Jésus amabika n’ahngô mbe: Nanôbeenda na gô pie mbe anye nôbuta me te gôngutédi me anye na mipembamie. Nôsabuta me gôeni anye ngudi yaNzambé.

Jean 6:34

Oma amaduka Jésus mbe: Kumu, kuka yetso iitsa we mipembamie mine.

Jean 6:35

Jésus amapandôéda angô mbe: Me te môpemba ôétsa môma monyo. One aviga na gôndé me asangadôôkô nzaa. One eetsa me môtémedi asangadôôkô sôé.

Romains 6:23

Môvanô ôétsa ébévee gôndé môma te ôwa. Ivô éne éétsa Nzambé ôbiia gôndé môma te monyo amôbô na môbô gôédigaa na vitoo na Kumu asô n’anyô Jésus-Christ.

Romains 8:5

Gôébégô ane adigaa gô ébéva gamabôtu ahngô, matasame maô metso te gô mane manyima yôtô yaô. Ivô ane adigaa évambevo na Gédidi SaNzambé, matasa maô metso te gô mane manyôngéô Gédidige géne.

I Corinthiens 2:14

Môma, gamabôtu angô gô tsengene, asangoongôa énigôgéô mabégô mapie matsutsuu na Gédidi SaNzambé. Mabégôme mane mandé matsôga gôndé môma nône. Angô asangoongôa éôkô mangô. Mabégô MaNzambé maseeo te na Gédidi SaNzambé.

Jacques 4:3

Nôduka, nôsadiia. Te gôdukanye na matasa mabévani. Ene édukanye te gôndé anyene gôédugéda manyima manyô mabévani.

I Jean 5:20

Tôsabômu dôta mbe Jésus Muana ANzambé amaviga na gô tsina amatôétsa éodo gôémenya Nzambé, angô ône apie. Wa n’anyô tôndé môvo na Nzambé ône apie te gô ngudi yaMuanedi Jésus. Te angô Nzambé apie na Kumu amonyo amôbô na môbô.