Jean 4:14 - New Testament in Mitsogo

¹⁴ One anganyua meba mangamôétsa me, asangoombadô éôkô sôé. Na mebame mangamôétsa me mangakoga gôndé angô gétôka gébunduga wene monyo, ône amôbô na môbô.

Jean 4:14 ပူးပေါင်းရင်းမြစ်များ

Matthieu 25:46

Asi géeyo gégeto angakedu na gô soto géseemakani. Géé asi géeyo gémôgôô angeengéa na gô monyo ôsakôdéakani.

Matthieu 5:6

Ti gô gényônga géndé n’anye nôena tsôvé na nônyima mane manyôngéô Nzambé. Amuene Nzambé angeesta anye mangô.

Jean 10:10

Muisui aviga te gôéésua, na gôéyôa na gôébunza. Me namaviga te mbe wa na môma tôngaba monyovo. Mônongoe amonyo ône, te ône ôsoongôa môma ésupua.

Jean 11:26

One adôngani na eetsa me môtémedi gébé na paga asangatsiga gô tsenge éowa. ?Oôkiô gavovi me-a?

Jean 4:10

Jésus amamônigôa mbe: Mbe ômenyiki éne éndé na Nzambé gôégôétsa, na mbe ômenyiki ône agôduki meba manyuakaga, éwe mbe te ômôdukini. Angô mbe te agôétsi meba meetsa monyo.

Jean 4:11

Môgetone amatsapéô mbe: Ah Môékédi, éwe gébé na môdômbô ?ôseena gatiba édukue ébuétu meba? ?Ongabuéta mebame meetsa monyo nayee?

Jean 4:13

Jésus amasupua angô mbe: Oeni, muetso ane anyua meba magétôka gegé, angoomba éôkô sôé.

Jean 4:36

One ayanza gôékôkéga na gôéengéda éne émagaabôkôni adiia môvanô. Agono na ône andé gôéweseda oma na gô monyo amôbô na môbô. Vane môgabine, na môkôkégine angatsôkéa muetso abaé gényônga gévo.

Jean 6:27

Tsikani éyanza gô môyakô ôbooni. Yanzani gô môyakôe ôdingani na ôétsa monyo ôsakôdéakani. Téta Nzambé ameemba me Muana Amôma ndémbô éenyangee éedi, t’ebandô nandé na ngudi yenôétsa môyakôe ône.

Jean 6:35

Jésus amapandôéda angô mbe: Me te môpemba ôétsa môma monyo. One aviga na gôndé me asangadôôkô nzaa. One eetsa me môtémedi asangadôôkô sôé.

Jean 6:58

Nôeni môpembee apie ômaviga g’ôba ôsagono n’one ômaa peeye yanyô dimawani. One angaaka môpemba ônônigôi me, angaba na monyo amôbô na môbô.

Jean 7:37

Gô sueti nene, pitsine éamôyusumédu te pitsine épôni. Te pitsine ématema Jésus va mbene agéômbége. Muetso amookô vameekédangô mbe: One ookô soé avigé na gôndé me gôényua.

Romains 5:21

Va mbeego ébéva émabaka n’otômu gôétôétsa ôwa. Ivô ndéô yedi ngeba yaNzambé dindé n’otômu gô étsimama éedi gôétôétsa monyo amôbô na môbô. Monyoe ône ôndéké gôndé Kumu asô n’anyô Jésus-Christ.

Romains 6:23

Môvanô ôétsa ébévee gôndé môma te ôwa. Ivô éne éétsa Nzambé ôbiia gôndé môma te monyo amôbô na môbô gôédigaa na vitoo na Kumu asô n’anyô Jésus-Christ.

II Corinthiens 1:22

Te Nzambé amatôétsa ndémbô éainedi. Angô dôta amayuéséda mitéma miasô n’anyô na Gédidi sedi gétôtubéda mbe tôndé na tsoongo va mbene aNzambé na mbe tôngadiia metso mamavanga angô gôndé wa n’anyô.

Ephésiens 4:30

Nônanikéda Gédidi SaNzambé gévii gô mane meendanye. Sangô te ndémbô éamakuéta Nzambé gôndé anye. Sangô te môkodi ômatôkatôni gôétôbandôéda mbe nyovo Nzambé angatôyuua gô tsinane édué.

I Pierre 1:22

Nômagôgéda mitéma mianyô vamagobedanye mabégô mapie. Na nômadiia étondo éapie éana aTétee. Te vane nyônganéôni pepe anyene n’anyene na mitéma mianyô mietso.

I Jean 5:20

Tôsabômu dôta mbe Jésus Muana ANzambé amaviga na gô tsina amatôétsa éodo gôémenya Nzambé, angô ône apie. Wa n’anyô tôndé môvo na Nzambé ône apie te gô ngudi yaMuanedi Jésus. Te angô Nzambé apie na Kumu amonyo amôbô na môbô.

Gétsutsuéô 7:16

Vandé ahngô vane ahsangookôdô nzaa na sôé. Omandee akômbéne na géviôviô sedi gésangoomba édenga ahngô.

Gétsutsuéô 7:17

Gôébégô Môpaga ôndé va ngenge agédigaa sokumaka ôndéké môkeneyi aô akeda ahngô na gô gétôka sameba meetsa monyo. N’amuene Nzambé angakôbôa kebaye yetso yagô miso maô.