Jean 3:5 - New Testament in Mitsogo

⁵ Jésus amamônikéda mbe: Me nagôbeenda na gô pie mbe: ôkô môma asibôtu na meba, na Gédidi SaNzambé, asangatsôkéa ôtômue aNzambé na mateme medi.

Jean 3:5 ပူးပေါင်းရင်းမြစ်များ

Matthieu 18:3

Jésus amatubéda mbe: Me nanôbeenda ébégô édué éapie. Okô anye nôsakoa mitéma mianyô gôéba mônongovo ga muanéngé, nôsangeengéa g’ôkumu aNzambé.

Matthieu 19:24

Na me noomba énônigôa édué gô tsava mbe éndé ti édagani nyama épôni gôédugu gô épôdéké èatsôngi na éôtéa ti édagani gôndé gékiti gôéasugéda amuene gôétômu na Nzambé.

Matthieu 21:31

Jésus ameevôa adeekedi adigondoku n’anigôi amige mbe: ?Va gatse ana abaé, ône ameenda éne émanyôngéô tétedi indaa? Ahmaabéa Jésus mbe: Te ône amapanga. Na Jésus amanigôa mbe: Nanôbeenda na gô pie mbe anye n’egébuéaka g’ôkumu aNzambé, abongi adepu na akeyi agésasô angapanga ébuéa.

Matthieu 28:19

Te ébandô nanôtôma mbe: Kiakani na gô tsengeye yetso. Ikédakani oma muetso gôéba aneengie ami gôékea nzéepo n’ami. Nôétsa ahngô bateme gô ina aTéta Nzambé, na Muanedi Jésus, na Gédidi sedi Sapie.

Matthieu 3:11

Me nanôbatésa na meba gôétubéda mbe anye nôkoi mitéma mianyô. Ivô gô ngimami gôviga muene anganôbatésa na Gédidi SaNzambé na soto. Ngudi yedi diôtéa dine yami. Gétôkôtôkô ôgoeyee, géôté môtsé. Me te gétôkôtôkô. Angô te môtsé. Ivô tsaba pengo gétôkôtôkô. Nandé ti gô tsina asangô.

Matthieu 5:20

Me nanôbeenda na gô pie mbe gôndé anye gôéengéa g’ôkumu aNzambé, géndégégéé, buétsé te nôgobeda éne ényôngéô Nzambé, éôtéa égobeda na éne éApharisien n’anigôi amige miaNzambé.

Marc 10:14

Vamookô Jésus nane asiene buedi na amavovo n’aneengie mbe: Tsikani anee avigéké na gôndé me. Nômbioobma édékéda ahngô. Okumu aNzambé ôndéké gôndé muetso andé mônongo ône.

Marc 16:16

One eetsa môtémedi na eetsô bateme, te angô angoobouni. Ivô ône aseetsa môtémedi angeesédu na g’ôwa.

Marc 9:47

Okô mbe isoe yoo éndé ga pagô gôégôkubéda gô mabégô mabévani yuua éangô. Gôndé éwe gôéengéa g’ôkumu aNzambé n’eso évo ésadaga. Ivô gôékea na gô mungu asoto na miso mabaé te éne édagani.

LUC TSANGO EAMOSOBA EMATENDA 13:24

Gényôgani gôéengéa g’ômbee ôgeôge. Menyani na gô pie mbe ayekani anganyôngéô éengéa gô angô ivô asangoongôa.

LUC TSANGO EAMOSOBA EMATENDA 13:3

Ti me, nanôbeenda mbe, kaka nane. Okô anye nôsikoa mitéma mianyô nôngawa te mônongovo.

LUC TSANGO EAMOSOBA EMATENDA 13:5

Ti me nanôbeenda mbe kaka nane. Okô anye nôsikoa mitéma mianyô nôngawa te mônongovo.

Jean 1:13

Ana aNzambé ahmabôtu n’edi. Obôtue ône kaka ône anzina, na ône otô, vo ône etondo éamôma gabôtu môma na môma n’edi.

Jean 3:3

Jésus amasiia n’edi mbe: Nagôbeenda na gô pie mbe, ôkô môma asibôtu ôbôtu amôbaé, ône aGédidi SaNzambé, asangoongôa émenya mbe ôkumu aNzambé ôndéké.

Jean 3:4

Nicodème amamôévôa mbe: ?Payi oongôa éômba ébôtu nayee? ?Angeengéa gô ébuyi éayeedi gôébôtu kukane éamôbaé-a?

Mayanzame 2:38

Pierre amanigôa ahngô mbe: Koani mitéma mianyô gôéba wene mônongo oma. Buedi mbe môma na môma abatésu gô ina aJésus-Christ, gômbe ébévee éanyô ésingéô na Nzambé kokoo. Vane Nzambé anganôétsa Gédidi sedi, ôbiia.

Mayanzame 3:19

Tambô koani mitéma mianyô gôéba wene mônongo oma. Géngôgani na gôndé Nzambé mbe anônôtôa ébévee éanyô.

Romains 14:17

Okumu aNzambé ôsangono na môyakô na meba. Oôtéa mane. Mabégô mokumu aNzambé te metsimama, na magétabé, na magényonga meetsa Gédidi SaNzambé.

Romains 8:2

Gôébégô ôtômu aGédidi SaNzambé, géne gétôvambéda monyovo na Jésus-Christ, gémayuua me g’ôtômu amabégô mabévani na g’ôtômu owa.

I Corinthiens 15:50

Oôkôni éne ébuta me énônigôa ana aTéta. Ene émavangôni éndé éotô na nzina ésaba na tsoongo g’ôkumu aNzambé. Géne sapitsi yatangaga, gésaba n’evamba na géne samôbô na môbô.

I Corinthiens 2:12

Wa n’anyô asi mbumu éaNzambé tôsiitsô gédidi géndé gô tsengene. Wa n’anyô tômadiia Gédidi géviga gôndé amuene Nzambé na sangô gétôtubéda metso mane matôétsô na Nzambé.

I Corinthiens 6:11

Nôeni minongomie mimabaka avo va gatse anyô. Ivô nômagôgédu ébévee éanyô na nômasevou na nômayuu gôéba oma aNzambé. Gô ina aKumu Jésus‐Christ na gô ngudi yaGédidi SaNzambé nômatsimamédu ti eembe nôsabadô n’oési va mbene aNzambé.

Galatie 6:15

Ogeetuyee, ôsageetuyee ésaba ébégô. Ene éndé ébégô évôni te gôékoga pepe wene mônongo amôma.

Ephésiens 5:26

Christ ameenda nane gôékoa mbumune yedi mbe éviia mane matsengene ngima gôéba môvo n’amuene Nzambé. Amamigôgéda na meba na ôgie wedi.

I Pierre 1:2

Anye madeo nôsibôtu nômasevou na Téta Nzambé gamavanganô mbe eenda te nane. Nzambé amakoa anye omedi gô ngudi yaGédidi sedi gômbe anye nôngagobeda Jésus‐Christ. Te nzina yedi dimeetama gôndé oma muetso digôgéda anye mitéma. Te mbe mate maNzambé na gétabé sedi géyekegee gôndé anye.

I Pierre 3:21

Mebame mane mamabaka gémébégéa sabateme éne éagéobogeo sasô n’anyô deo noo. Bateme, kaka gégôgédéô sevindo éotô. Ivô bateme te môma adeekeda muanga amôtémedi na gôndé Nzambé mbe amôgôgéda. Deo noo batemene yangô éoboo wa n’anyô gô ngudi yagékundugéô saJésus‐Christ.

I Jean 2:29

Nôsabômu mbe Christ te Kumu éetsimama. Na vane nôsabômu dôta mbe ône eenda étsimama andé muana aNzambé ag’ôbôtu.

I Jean 5:1

One eendô mbe muana aNzambé to ône asatsuma paga mbe Jésus te Christ ône amakudégu na Nzambé. One anyôngéô tétee anyôngéô dôta n’anedi.