Jean 3:34 - New Testament in Mitsogo

³⁴ One amatômu na Nzambé avovo te mane maNzambé gôébégô Nzambé, ône asaba na guma eetsa oma Gédidi sedi gésaba n’okana.

Jean 3:34 ပူးပေါင်းရင်းမြစ်များ

Matthieu 12:18

Nzambé amavovo mbe: Bononi môyanzine amasevoa me. Angô te ône wami amôtôma amiso. Me namônyôngéô na nzoo na gô môtéma. Gédidi sami géndé n’edi. Angeevéda asi tsengeye yetso mônongoe ôngatsundéda me ahngô.

LUC TSANGO EAMOSOBA EMATENDA 4:18

Gédidi SaKumu Nzambé géndéké gôndé me. Amasevôa me gôétsua Tsangône yedi Eamôsôba na gôndé misuga. Amatôma me gôédôngéda mitéma mindé gô panda. Amatôma me gôénigôa géobogeo sedi na gôndé asi tsôgôô. Amatôma me gôépôéda miso masi pogu, ôbiia. Amatôma me gôénzeegeda ane andé gô tsina otômu akumu édagani.

Jean 1:16

Wa n’anyô muetso tômani édiia ôkabô okitie ôndé n’edi. Tômadiia te mate makôndamani.

Jean 15:26

Môwedine wanyô angaviga. Angô te gédidi gépandôéda mabégô mapie mandé na Nzambé. Gédidige géne géviga g’ôba gôndé Téta. Nangagétôma na gôndé anye gô ina aTéta. Sangô te mbangine yami.

Jean 16:7

Me nanônigôa ébégô éapie édué. Bangôani éangô. Gébatéô sami na g’ôba te ébégô éamôsôba gôndé anye. Okô tsibata, Môwedi mbe asangaviga na gôndé anye. Okô vakea me, nanganôkudégéa Môwedi.

Jean 3:17

Nzambé amatôma Muanedi na gô tsina, kaka gôéeséda oma ivô te mbe oma muetso angoobou n’edi.

Jean 5:26

Menyani mbe amuene Téta te Kumu amonyo. Andé na ngudi yeetsa môma monyo, te mônongovo dôta ameetsa Muanedi ényanga eba Kumu amonyo gôéétsa môma monyo.

Jean 7:16

Jésus amanigôa ahngô mbe: Menyani mbe meekédume meekéda me, kaka mami. Maviga te gôndé Nzambé ône amatôma me.

Jean 8:40

Géé anye, bononi geendanye. Me nanônigôa mane mapie matubédu me na Nzambé. Gô mangô anye nôbuta éyôha me. ?Abraham amanôtubéda te nane-a? Angô asiindé nane.

Jean 8:47

One eenda mbe Téta te Nzambé, anyôngéô éôkô te mane mavovo Nzambé. Géé anye, nôsanyôngéô éôkô mane mavovo Nzambé, t’ebandô neendi mbe tétanyô kaka Nzambé.

Mayanzame 1:2

ngu na nyee ômatômbu angô na Nzambé na g’ôba. N’egébataka na g’ôba, Jésus te amamana éétsa mitômamie na ndongiye gôndé aneengi edi, ane amasevou na amatômu na amuene Jésus. Amavovo n’ahngô te gô ngudi yaGédidi SaNzambé.

Mayanzame 10:38

Nômookô gamakudéga Nzambé Gédidi Sedi na gôndé Jésus môsi Nazareth, gôémôétsa ényanga. Nôsabômu gamakénga Jésus gô tsengene nyetso. Amayanza mabégô manyônganéôni. Na amadôngéda ane amadigaa gô tsina otômu ayabédé. Gôébégô Nzambé asiaaganéké n’edi.

Romains 8:2

Gôébégô ôtômu aGédidi SaNzambé, géne gétôvambéda monyovo na Jésus-Christ, gémayuua me g’ôtômu amabégô mabévani na g’ôtômu owa.

Ephésiens 3:8

Va gatse asi mbumu éaNzambé muetso gô omee abobo, môyusumédue te me. Buéyé mbe nane, Nzambé amasevoa me gôénigôa Tsangô Eamôsôba gôndé ane asaba Ajuif. Tsangône te éokiti agétangégé ôtôdiia gôndé Jésus‐Christ.

Colosses 1:19

Gôébégô Nzambé amanyôngéô édigaa na éenanô gô ôtô aMuanedi.

Colosses 2:9

Menyani mbe Christ te ôtô ômeengéa Nzambé gôéenanô na vede gôndé angô.

Gétsutsuéô 21:6

Na ôgie ômoomba évovo mbe: Eetso édimbani. Me navovoni te Alpha na Oméga, événdégéô mbe, v’ebandô ametso te me, na v’ekôdéô ametso te me. Me te mapangame. Me te môyusumédue. One ookô sôé nangamôétsa meba magéenza magô gétôka géétsa monyo.

Gétsutsuéô 22:1

Môsi g’ôba môyanzi aNzambé amatubéda me, Jean mbéne éameba meetsa monyo. Mbéne éndé n’obébayi ga géenô. Tsôngôye yambéne éne ékusa gô gédigaa sokumaka gédigaa Nzambé na Môpaga.