Jean 3:27 - New Testament in Mitsogo

²⁷ Jean amaabéa ahngô mbe: Môma asoongôa éba na sôma, buétsé te Nzambé amôétsa sangô.

Jean 3:27 ပူးပေါင်းရင်းမြစ်များ

Matthieu 21:25

?One amatôma Jean gôébatésa oma indaa? ?Te Nzambé‐a? ?Vo te oma? Beendani me. Ahmatsunda anguene na anguene mbe: Okô tôvovo mbe te Nzambé amatôma Jean, angô angatôévôa mbe: ?Tambô ébégô ndé anye nôsisingé mabégô medi?

Matthieu 25:15

Amakabéa ayanzie ôkitie wedi, môma na môma ngu na mônongoe angudiye yedi. One amapanga amamôétsa dode yedi yabi ditayi. One amôbaé amamôétsa dode yedi yabi dibaé. Na ône amôtatô amamôétsa dode yedi yaabi ôvo. Vane môtômine amakea.

Marc 13:34

Jésus angô mbe: Te gandé môma akea môtôô. Atsika ebedi na ayanzi edi. Eetsa ahngô ényangee. Atsikéa môma na môma n’edi éyanza. Avovo na môkenene ombee mbe: Ombieeboga vio.

Jean 10:41

Oma ayekani amaviga na gôndé ahngô. Amavovo anguene mbe: Amuene Jean asiyanza mabégô mavôni mamisôba masoongôa môma ésupua. Ivô mane mamanigôa angô mamômôgôô noo, asipaté.

Jean 6:65

Jésus amoomba énigôa mbe: Nôeni ébandôe évovi me mbe gôsaba môma oongôa éwesea gôésinga me, amuene Nzambé gémôétsé tsôvé gôéwesea.

Romains 1:5

Nzambé amasingéa me mbe nasevou na nakudégu na Jésus gômbe angô anganeegedu. Gésooge sami te gôéweseda na gôndé Nzambé oma ahndé gô tsengeye yetso mbe eetsé Jésus mitéma miaô gémôtsumé paga, na agobédé angô.

Romains 12:6

Nzambé amatôétsa môma na môma wedi môgôô te ôbiia, mbe ayanzé na angô. Okô môvo va gatse awa n’anyô andé na môgôô gôépandôéda ndongi diviga gôndé Nzambé, buedi mbe apandôédéké te gamatômu angô na Nzambé na gandé angô gébé na paga gôndé Nzambé.

I Corinthiens 1:1

Oô te me Paul namasevou gamanyôngéô amuene Nzambé. Namakudégu na Jésus‐Christ. We tôvovoni, te me Paul na Sosthène muana aTétene n’anyô agô mbumu éaNzambé.

I Corinthiens 12:11

Migôômie mietso mine miétsô te na Gédidi gévo te géne SaNzambé. Gékaba miangô ôvo ôvo géenza, ganyôngéô amuene Gédidi.

I Corinthiens 15:10

Veenanye me deo noo, me nandé nane te gô mate meetsô me na Nzambé. Mate medi mamayanza gôndé me na ngudi dipôni. Eenakani, éne éyanzéa me Nzambé éôtéa n’ene éyanza akasô muetso. Ivô kaka me, te mateme maNzambé mane.

I Corinthiens 3:5

Beendani me ?ône atetu mbe Apollos indaa? ?Na ône atetu mbe Paul indaa? ?Apollos na Paul kaka ayanzi aNzambé‐a? We tôndé ti ayanzi aNzambé na gô ngudi yameekédume mamanôékéda we, anye nômagésangana môtémovo na Nzambé. We eekédi tômayanza te éne émeetsô we na Kumu gôéyanza.

I Corinthiens 4:7

?One amanyepeda éwe mbe ôsaba gandé akoo indaa? ?Kaka Nzambé‐a? Eetso éndé n’ewe te Nzambé ameetsa éwe éangô. Endéké te nane. ?Onganyemôga ômuene gô éne éndé n’ewe nayee? ?Osidiié éangô éetso te ôbiia‐a?

Galatie 1:1

Oô te me Paul nanôtendeani. One amasevoa me na amatôma me gô éyanzee édué te Jésus‐Christ na Tétedi Nzambé, ône amakundua angô g’ôwa. Gôndé oma, kaka ahngô amatôma me.

Ephésiens 1:1

O te me Paul namasevou na Nzambé na namatômu na Jésus‐Christ gôétsua tsangô éedi. Nanôtendéa, anye asi mbumu éaNzambé nôndé gô Ephèse. Anye nôsitatôané gô vitoone éndé n’anye na Jésus‐Christ.

I Timothée 2:7

T’ebandô Jésus amatôma me gôénigôa ômbanzee wedi na gôndé ane asaba Ajuif. Me tsapata. Nanônigôa te mane mapie mayanza me. Nameekédangô Mabégô Metso MaPie maNzambé mbe eetsa mitéma miaô gô mangô gébé na buétsé.

Jacques 1:17

Ekamô éetso na éenza éetso éamisôba éviga g’ôba gôndé Nzambé angô te môvangi agévede. Amuene asakoga na asaba na gédinadina gépenganani.