Jean 3:21 - New Testament in Mitsogo

²¹ Géé mômane ayanza mane mapie manyôngéô Nzambé anyôngéô mbe gévedege gétana gôndé angô. Gôgobedangô Nzambé anyôngéô mbe ésimee éedi éamisôba éenanô na vede.

Jean 3:21 ပူးပေါင်းရင်းမြစ်များ

Jean 1:47

Vameena Jésus Nathanaël aviga ga vane gôéwanya na Jésus, amavovo mbe: Ii, ôdôô te môsi éongo éaIsraël apie. Asaba na mangônzô.

Jean 3:20

Mômane ayanza mabégô mabévani adudu gévede na asasinga sangô gétana gôndé angô. Eena gomo kabaga mane medi mabévani meenanô na vede v’ekanga.

Jean 5:39

Anye nôvasa Matendeo MaNzambé, nôbuta édiia monyoe amôbô na môbô ôtasanye mbe ôndé gô mangô. Tambô mangô te mbangi énigôa gôndé me.

Jean 7:17

One andé na môtéma ôgobeda Nzambé asatsapéô gô meekédume mami. Asabômu mbe ône asavovo gô ényangee éedi, avovo te gô ényangee éaNzambé.

I Corinthiens 15:10

Veenanye me deo noo, me nandé nane te gô mate meetsô me na Nzambé. Mate medi mamayanza gôndé me na ngudi dipôni. Eenakani, éne éyanzéa me Nzambé éôtéa n’ene éyanza akasô muetso. Ivô kaka me, te mateme maNzambé mane.

II Corinthiens 1:12

Bononi éne éndéké n’asô eekédi gôényemôga na ékasôga gôndé anye. Mianga miamitéma miasô mitôtsundéda géesédé we môdigédie wasô na mônongoe wasô ônyepani va gatse ane asavamba na Nzambé na dôta va gatse anye. Tôdigaa n’oma muetso na mavôma maviga gôndé Nzambé gébé na buembe. Te éodo émeetsa Nzambé we étôtévéda nzéa, kaka éodoe ébôtu na môma.

Galatie 6:8

Okô môma agaaba mane mabévani manyima môtémee, angô akandéda te ôwa. Na môma agaaba mane manyôngéô Gédidi SaNzambé, sangô gékandéda angô monyo amôbô na môbô.

Ephésiens 5:9

Va tungune éndé gévede veenanô ésima éetso éamisôba, n’etsimama, na mabégô metso mapie.

Philippiens 1:11

Osambôe wami te mbe mônongoe wanyô ôbaké ga géétété samôsôba gébôta miônda miedi miamisôba. Te mbe Jésus‐Christ, ône andé gô mitéma mianyô atsigédé ésimee éedi éamisôba gô môdigédie wanyô. Vane Nzambé angakumédu na géneegage setso.

Philippiens 2:13

Menyani mbe Nzambé asatsika éyanza gô mitéma mianyô. Ayanza mbe nôôkô tsôvé gôémôgobeda. Na ayanza mbe nôndéké na ngudi gôékea gô nzéane émakônzangô gôndé anye.

Colosses 1:29

Gôémangôa éyanzee éne, nagényôga ti na ngudi yetso dipôni diitsô me na Christ na diduméda gôndé me.

Hébreux 13:21

Nanyôngéô mbe Nzambé, môétsi agétabé, anôétsa ngudi gôéénda mane mamisôba na gôéyanza mane manyôngéô amuene. Te mbe éné étômangô éenanô gô midigédi miasô n’anyô gô ndugi yaJésus‐Christ. Te mbe ôndômbee wetso ôbaké gôndé Jésus‐Christ, môbô na môbô. Amen.

I Pierre 1:22

Nômagôgéda mitéma mianyô vamagobedanye mabégô mapie. Na nômadiia étondo éapie éana aTétee. Te vane nyônganéôni pepe anyene n’anyene na mitéma mianyô mietso.

I Jean 1:6

Okô tôénda mbe: Me nandé môvo na Nzambé, tambô tôvovo nane tôndé gô évitsi, na tôpata. Tôpata gô mavovia na gô ésima.

III Jean 1:11

Omami amôtéma tsikani éénda tsingayi gô mane mabévani. Indakani tsingayi gô mane mamisôba. One eenda mane mamisôba kuka yetso, angô te môvo na Nzambé. One eenda mane mabévani miso medi masabono gôndé Nzambé.

Gétsutsuéô 3:15

Angô mbe: Me tsabômu metso mameendanye. Va gatse ami nookô anye mbe nôsaba na sodi, nôsaba n’epiô. Me nanyôngéô mbe oma abaké gô épiô, kôndi nane abaké gô sodi.