Jean 3:2 - New Testament in Mitsogo

² Nicodème amakea na gôndé Jésus na pitsi. Amamômekeda mbe: Môékédi, tômenya mbe Nzambé amatôma éwe gôéékéda we. Môma asoongôa éénda émbégéa ényônganéôni éne ééndewe, buétsé te Nzambé amôétsa ngudi.

Jean 3:2 ပူးပေါင်းရင်းမြစ်များ

Matthieu 22:16

Ahmatôma avo aneengie aô na avo ava géômbé saHérode gôévovo na Jésus mbe: Môékédi, tôsabômu mbe mane mavovo éwe te mapie matévo. Oékéda môdigédi apie ônyôngéô Nzambé. Gô meekédu moo ôsaba na ônzenze amôma. Ahmanyôngéôyee, ahsamanyôngéôyee, ébégôe te éanguene.

Matthieu 23:7

Ahnyôngéô émekedu n’oma mbe: Môékédi, Môékédi.

Matthieu 23:8

Ivô nanôongô ndongi mbe nônasinga oma anômekeda mbe: môékédi. Gôébégô anye muetso te ana aTétee atévo. Môékédine wanyô te môvo.

Marc 12:14

Ahmaviga na gôndé Jésus. Ahngô mbe: Môékédi, tôsabômu mbe éwe ôvovo te mane mapie matévo. Gô meekédu moo ôsaba n’onzenze gôndé môma. Ahnyôngéôyee mangô vo ahsanyôngéôyee mangô, ébégôe te éanguene. Osatatôa oma. Avoni na ageage ôsabono gô éne. Oékéda môdigédi apie ônyôngéô Nzambé. Beenda we gô mitôma mimatsikéô we ?we tôvanéa César, môtômi atsenge depune vo tôsavana?

Jean 1:38

Jésus amagéngôga gôébono ane amôaanda gô ngima, na ameevôa ahngô abaé mbe: ?Anye nônyôngéô ndé? Omee amavovo n’edi mbe: Rabbi, tubéda we gôdigaa éwe. (Vamavovo angô mbe: Rabbi, te gôémômekeda mbe: Môékédi.)

Jean 10:38

Géé me, nayanza te mane manyôngéô Téta, n’anye nôgétsumaka me paga. Béyé gatsumanye me paga, singani mane meenanye me nayanza. Vane paga yanyô dinganôtôga. N’anye nôngamenya mbe na gô pie, Téta Nzambé andé môvo n’ami. Na me dôta nandé môvo n’edi.

Jean 12:37

Buéyé gameenda Jésus mabégô mayekani mamisôba mangudi yaNzambé mamatsapéô oma, ahngô asimookéô.

Jean 14:10

Tambô ôgétsumaka paga gôénda me mbe me nandé môvo na Téta. Na Téta dôta andé môvo n’ami. Metso mavovo me n’anye muetso, kaka mamemuene. Téta, ône andé môvo n’ami, adugéda te mane manyôngéô angô.

Jean 15:24

Mbe tsitubédéké gôndé asi tsengene mayanza mavôni masienanô na mbeego ahngô mbe asaba n’oési gô mane maô mabévani. Ivô ahngô ameena mane mamayanza me mamisôba, na ahngô avinga wa na Téta Nzambé muetso.

Jean 2:11

Géne te gémbégéage samapanga gématubéda Jésus oma ondômbedi. Amayanza ébégôé évôni éne ématsapéô oma na ésiôngôé môma ésupua te gô mbôkane ééndô mbe Cana gô tsenge éaGalilée. Aneengi edi asitsumédô ôtômue wedi paga.

Jean 20:16

Jésus amavovo n’edi mbe: Marie. Tsina na tsina amagéngôa na gôndé Jésus na amasémana g’ôgi edi aHebreu mbe: Rabbouni. (G’ôgi aGétsogo mbe: Môékédine wami na môtômine wami.)

Jean 3:26

Aneengie amakea na gôndé Jean na amamôningôa mbe: Môékédi, ôsabômu vamabaka wa n’anyô gô dipo tsényé yambéne ééndô mbe Jourdain. Obangôa mômôgôône amabaka n’ewe na ômanigôa we mônongoe wedi. Oeni, andé te gôéétsa oma bateme. Na muetso akea te na gôndé angô.

Jean 4:31

Vamakea môgeto nône, aneengie amavooto Jésus mbe: Môékédi, ôeni môyakôe, aaka.

Jean 5:36

Kaka Jean anganônigôa mane mandé n’ami. Jean te mbangi ivô mane mandé n’ami masakôdéa na mane medi matévo. Mayanzame meenda me te mbangi énigôa anye mônongoe wami na gamatômu me na Téta.

Jean 6:2

Géômbé gévôni gémaanda Jésus te vameenahngô gémbégéa sangudi yaNzambé vamadôngéda Jésus abeeyie.

Jean 7:31

Va gatse omee ane, gômabaka ayekani amamôétsa mitémamie gébé na paga. Ahngô mbe: Vangaviga Christ, ône angatômu na Nzambé ?émbégéa éangudi yaNzambé éngatubédangô éngootéa éyéka na éne étubéda mômôgôô noo-a? Esangootéa éyeka. Gôsaba muene angavigani.

Jean 9:16

Avo Apharisien amavovo mbe: One amayanzéa éwe ébégôe éne, ka asiviga gôndé Nzambé. Mbe amatômuku na Nzambé angô mbe asikékôa môge anyee edunda. Avo dôta amavovo mbe: ?Angô mbe môma môbévani angoongôa éénda ébégô ényônganéôni esôbasôbana we nayee? Apharisien amasaganédana anguene te gô ébégôe éne.

Mayanzame 10:38

Nômookô gamakudéga Nzambé Gédidi Sedi na gôndé Jésus môsi Nazareth, gôémôétsa ényanga. Nôsabômu gamakénga Jésus gô tsengene nyetso. Amayanza mabégô manyônganéôni. Na amadôngéda ane amadigaa gô tsina otômu ayabédé. Gôébégô Nzambé asiaaganéké n’edi.

Mayanzame 2:22

Pierre amavovo mbe: Anye oma aIsraël, ôôkôni mabégô mema. Nzambé gô inedi ameetsa anye Jésus môsi Nazareth. Enyanga éndé n’edi éaNzambé émeenanô gô mane mameendangô va gatse awa n’anyô. N’anye nôsabômu gameenda Jésus mavétô, n’embégéa éangudi yaNzambé, na mabégô manyônganéôni masoongôa môma ésupua.

Philippiens 1:14

Buéyé n’ana aTétee amootéa éétsa Kumu Jésus mitéma miaô gémôtsumé paga, te vameenahngô me nandé gô tsôgôô. Vane bôkédée waô ômoomba ékôndama gôénigôa Mane Mamavovo Nzambé gébé na gomo.