Jean 3:18 - New Testament in Mitsogo

¹⁸ One eetsa Muana ANzambé môtémedi wetso aseetsô ôési. Ivô ône aseetsa Muana ANzambé môtémedi wetso amani éétso ôési te gôtsumangô mane maMuana ekika ANzambé paga.

Jean 3:18 ပူးပေါင်းရင်းမြစ်များ

Marc 16:16

One eetsa môtémedi na eetsô bateme, te angô angoobouni. Ivô ône aseetsa môtémedi angeesédu na g’ôwa.

Jean 1:12

Buéyé nane, avo amasinga Ogi na ameetsa angô mitémamie. Ahngô te ane ameetsô na Nzambé ngudi yekoga anedi apie.

Jean 1:18

Gôsaba môma ameena Nzambé, ivô amuene muana ekika angô te Nzambé, na andé vavo na Tétedi amamôtsutsuéda.

Jean 20:31

Ivô mane mamatenduni éma, mamatendu gômbe anye nôngamenya na gô pie, mbe Jésus te Christ Muana ANzambé. Na veetsanye Jésus mitéma mianyô mietso, nôndé na monyo apie.

Jean 3:16

Menyani mbe Nzambé amanyôngéô oma muetso pepe. Ameetsa Muanedi ekika, gômbe ône eetsa môtémedi wetso na gôndé angô gébé na paga asangawa ivô andé na monyo amôbô na môbô.

Jean 3:36

One eetsa môtémedi wetso na gôndé Jésus, Muana ANzambé, andé na monyo amôbô na môbô. One aseetsa môtémedi wetso na gôndé Jésus asaba na monyoe ône ta na pesu na Nzambé amôena ôpisa.

Jean 5:24

Jésus amavovo mbe: One ookô mane mavovo me na eetsa môtémedi wetso na gôndé Nzambé, ône amatôma me, andé na monyo amôbô na môbô. Namani émôyuua gô môtsundu. Anôtôgi g’ôwa, aka na monyo.

Jean 6:40

Ene ényôngéô Téta te mbe muetso ane eena Jésus Muana ANzambé na ahmôétsa mitémamie, angaba na monyo amôbô na môbô. Na me Jésus nangaatimôa gô nyee amôyusumédu.

Jean 6:47

Me nanôbeenda ébégôé éapie édué mbe, ône eetsa me môtémedi wetso andé na monyo amôbô na môbô.

Romains 5:1

Endé te nane. Wa n’anyô tômeetsa Jésus mitéma miasô n’anyô gémôtsumé paga, tôenanô na Nzambé ti eembe tôsaba n’oési. Na tôdigaa n’edi na gétabé gô ngudi yaKumu Jésus-Christ.

Romains 8:1

Ekôdéô éebégôe te édué. Gôsabadô géesédéô gôndé ane andé na vitoo na Jésus-Christ.

Romains 8:34

?One angeeséda ane amasevouni indaa? Kaka Christ. Gôébégô te Jésus-Christ amawa, na va ngongone vane amakunduga. Na angô andé digaa gô géeyo gémôgôô saNzambé gôétôsungéa.

Hébreux 12:25

Bakani n’ekena gôégobeda ône avovo n’anye. Oma aIsraël amakina ôgie ône ava tsina ômeevéda ahngô éne émavovo Nzambé. N’ahngô asiôngôé ébusuga tsôgôône émeetsô ahngô. Eembe ti n’one atôôkô avovo ôgi ag’ôba. Okô tômôgéngôgéyi magotome masô n’anyô ?tôngabusuga ôpisedi nayee?

Hébreux 2:3

Tasani gôndé wa n’anyô tôngeenda nayee gôébusuga tsôgôô, ôkô tôbéyi na mbôôkô gô géobogeo gémakônzéô wa n’anyô. Amuene Kumu amapanga énigôa gébogeoge gémakônzuni. Na va mbenene vane, avo amookôni amawanyéda Ogie amapanga moonga mbe: Osapata.

Hébreux 3:19

Vane wa n’anyô tôena na vede mbe omeaa asiôngôé éengéa na gô tungu éagévôgiméô, te gô pagaye yaô.

I Jean 3:23

Oôkôni éne étôma angô wa n’anyô. Nzambé angô mbe: Ombiasôôa ina aMuanami Jésus‐Christ. Christ dôta amatôma wa n’anyô mbe: Nyônganéôni anyene n’anyene.

I Jean 4:9

Nôeni étondo éaNzambé gôndé wa n’anyô éenanô. Angô amakudéga Muanedi ékika na gô tsina gômbe wa n’anyô tôba na monyo gô ngudi yedi.

I Jean 5:10

Na vane ône eetsa môtémedi wetso na gôndé Muana ANzambé ookô gô môtémedi mbe mane mavovo Nzambé mandé ti mapie. Géé ône atsuma Nzambé paga eenda Nzambé mbe, môsi ooboe, gôébégô asaditéga mane manigôa Nzambé maMuanedi.

I Jean 5:12

One andé na Jésus Muana ANzambé gô môtémedi andé na monyo. One asaba na Jésus Muana ANzambé gô môtémedi asaba na monyo.