Jean 3:17 - New Testament in Mitsogo

¹⁷ Nzambé amatôma Muanedi na gô tsina, kaka gôéeséda oma ivô te mbe oma muetso angoobou n’edi.

Jean 3:17 ပူးပေါင်းရင်းမြစ်များ

Matthieu 1:23

Tômbô madeo asigésangana na mômôgôô angatsua émé. Angabôta muanamômôgôô. Angamôôga mbe Emmanuel. (Evéndégéô mbe Nzambé andé n’asô n’anyô.)

Matthieu 18:10

Nôwema kabaga nôbévéda muana, buéyé mbe agébaka môgemôge. Muana na muana andé na môsi g’ôba môyanzi aNzambé gôésungéa angô na pitsi n’omanda va mbene aTéta, ône andé g’ôba. [

Matthieu 18:11

Gôébégô me, Muana Amôma namaviga gôéoboo ane amadimbanani.]

LUC TSANGO EAMOSOBA EMATENDA 19:10

Me Muana Amôma namaviga gôébuta na gôéoboo ane amadimbanani.

LUC TSANGO EAMOSOBA EMATENDA 9:56

Me Muana Amôma tsiviga gôédimbanéda oma. Namaviga gôéoboo angô. Amakea na gô nyene mbôka.

Jean 1:29

Ovo enyaa Jean ameena Jésus aviga na gôndé angô na amapandôéda mbe: Nôeni, ôdôô te môpaga endombo ômakudéga Nzambé gôéba ôgondoku gôéyôhu mbe anganôtôa ébévee éamitéma mioma muetso ava tsina.

Jean 10:36

Tambô na me, Nzambé amasevôa me na amatôma me na gô tsina. ?Nayee nôénda me mbe neenza Nzambé? ?Te gôpandôédi me mbe me te Muana ANzambé-a?

Jean 11:42

Gôndé memuene tsabômu mbe ôndé gôéaabéa me kuka yetso. Ivô n’atsatsee navovo n’ewe te gôndé omeaa aseti me adua, kabaga atsuma paga mbe tsitômu n’ewe.

Jean 17:18

Ewe ômatôma me mbe: Kiaka na gô tsina. Me dôta namatôma ahngô mbe: Kiakani tsinane nyetso.

Jean 17:21

Nagôduka Téta mbe angô muetso angaba môvo na wa n’oo, gandé éwe môvo n’ami. Me dôta nandé môvo n’ewe. Nagôduka mbe anguene angaba n’evamba gômbe asi tsengene asangatsuma paga mbe me tsitômu n’ewe.

Jean 17:23

Me nandé gôndé ahngô. Ewe ôndé gôndé me. Vane gô évambee éne éavitoo, asi tsengene angeena na vede mbe te éwe ômatôma me na éwe ônyôngéô omee woo ganyôngéô éwe me.

Jean 17:25

Téta, kumu éetsimama, asi tsengene asamenya éneegeda éwe, géé me tsabômu égôneegeda. Omee woo adua asabômu mbe te éwe ômatôma me.

Jean 17:3

Monyoe amôbô na môbô ôkegea mbe, omee ane angavamba n’ewe Nzambé épo éapie ôsaba na gégoni. Ekegea dôta mbe angavamba na Jésus-Christ, ône amatôma éwe.

Jean 17:8

Me nameetsa ahngô mabégôme mamadiia me gôndé éwe. Ahmamasinga. Ahmanigôgéô na gô pie mbe me namaviga te gôndé éwe g’ôba. Ahsitsuma me paga mbe: ôsikudégu na Nzambé.

Jean 20:21

Jésus amoomba ékôndéga ahngô mate mbe: Gétabé gébaké gôndé anye. Vane amatôma ahngô mbe: Gamatômu me na Téta, me dôta nanôtôma mbe: Kiakani.

Jean 3:34

One amatômu na Nzambé avovo te mane maNzambé gôébégô Nzambé, ône asaba na guma eetsa oma Gédidi sedi gésaba n’okana.

Jean 5:36

Kaka Jean anganônigôa mane mandé n’ami. Jean te mbangi ivô mane mandé n’ami masakôdéa na mane medi matévo. Mayanzame meenda me te mbangi énigôa anye mônongoe wami na gamatômu me na Téta.

Jean 5:38

N’anye nôsasinga mabégô medi meengéa gô mitéma mianyô, te gôgétsumakanye ône amatômangô paga.

Jean 5:45

Kaka me nanganôsunda va mbene aTéta. One anganôsundani te Moïse, ône atanganédanye mbe tsoongone éasô te angô.

Jean 6:29

Jésus amanigôa ahngô mbe: Eyanza évôni ényôngéô Nzambé mbe nôyanza éangô te mbe nôétsa mitéma mianyô na gôndé ône amatôma angô na gô tsina.

Jean 6:38

Me namasuma g’ôba gôéénda éne ényôngéô Nzambé ône amatôma me kaka éne ényôngéô memuene.

Jean 6:40

Ene ényôngéô Téta te mbe muetso ane eena Jésus Muana ANzambé na ahmôétsa mitémamie, angaba na monyo amôbô na môbô. Na me Jésus nangaatimôa gô nyee amôyusumédu.

Jean 6:57

Téta, ône amatôma me, andé na monyo. Monyoe wami te angô. Endé te nane. One aa ôtôé wami na anyua nzinaye yami, monyoe wedi te me.

Jean 7:29

Me te tsamôbômuni. Gôébégô me namaviga te vandé angô. Na te angô amatôma me.

Jean 8:11

Môgetone amaabéa Jésus mbe: Te nane Kumu ami, gôsiba môma. Jésus amamôénda mbe: Tambô na me muetso, tsagôétsa ôési. Kiaka. Ivô ômbioomba.]

Jean 8:42

Jésus amavovo n’ahngô mbe: Nzambé, mbe na gô pie Tétanyô, anye mbe nônyôngéô me gôébégô me namaviga g’ôba gôndé Nzambé gamanyôngéô angô. Me tsiviga gô ényanga éamemuene. Namatômu te tômugu.

I Jean 2:2

Amuene Jésus‐Christ amadeekedu na Nzambé gôéwa gômbe ébévee éasô n’anyô ésingéô kokoo. Kaka éne éasô n’anyô étévo ivô te na éne éoma muetso.

I Jean 4:14

We tômamôenani tôtsua tsangône mbe: Téta Nzambé amakudéga Muanedi Jésus gôéba Mooboyi oma muetso.