Jean 3:16 - New Testament in Mitsogo

¹⁶ Menyani mbe Nzambé amanyôngéô oma muetso pepe. Ameetsa Muanedi ekika, gômbe ône eetsa môtémedi wetso na gôndé angô gébé na paga asangawa ivô andé na monyo amôbô na môbô.

Jean 3:16 ပူးပေါင်းရင်းမြစ်များ

Matthieu 9:13

Kiakani nôkeékédu éne étôtanga gô Matendeo MaNzambé mbe: Me nanyôngéô te asi ngeba. Tsabuta ane eetsa digondoku yanyama. Me Jésus tsiviga gôébambéa ane anyepani, ivô namaviga gôébambéa abévie gôékoa mitéma miaô.

Marc 12:6

One amôyusumédu amasanéakani na kumu te muanedi amômôgôô amôtéma. Amamôtôma môyusumédue na gô tsaga. Ameenda mbe: akeneyie angameweda muanami.

LUC TSANGO EAMOSOBA EMATENDA 2:14

Kumédani Nzambé gô tungu yag’ôba na gô Tsina gôbaké gétabé gôndé oma anyôngéô angô.

Jean 1:14

Ogi ômakoga môma. Angô kumu amabégô mapie, amanyônganéô na Tétedi vamadigaangô va tsina va gatse awa n’anyô. Tômeena ôbébayi wetso ondômbee wedi, te ône ookumakee ômeetsô angô na tétedi, angô Muana ekika.

Jean 1:18

Gôsaba môma ameena Nzambé, ivô amuene muana ekika angô te Nzambé, na andé vavo na Tétedi amamôtsutsuéda.

Jean 1:29

Ovo enyaa Jean ameena Jésus aviga na gôndé angô na amapandôéda mbe: Nôeni, ôdôô te môpaga endombo ômakudéga Nzambé gôéba ôgondoku gôéyôhu mbe anganôtôa ébévee éamitéma mioma muetso ava tsina.

Jean 10:28

Me neetsa mangô monyo amôbô na môbô na masangawa. Gôsaba môma oongôa émawata gô mogo mami.

Jean 3:15

Gômbe ône eetsa môtémedi wetso na gôndé me angaba na monyo amôbô na môbô.

Jean 3:18

One eetsa Muana ANzambé môtémedi wetso aseetsô ôési. Ivô ône aseetsa Muana ANzambé môtémedi wetso amani éétso ôési te gôtsumangô mane maMuana ekika ANzambé paga.

Jean 3:36

One eetsa môtémedi wetso na gôndé Jésus, Muana ANzambé, andé na monyo amôbô na môbô. One aseetsa môtémedi wetso na gôndé Jésus asaba na monyoe ône ta na pesu na Nzambé amôena ôpisa.

Jean 6:40

Ene ényôngéô Téta te mbe muetso ane eena Jésus Muana ANzambé na ahmôétsa mitémamie, angaba na monyo amôbô na môbô. Na me Jésus nangaatimôa gô nyee amôyusumédu.

Romains 5:10

Vamabaka wa n’anyô tôgébaka adudeo aNzambé, ôwa aJésus ômatôvambéda na Nzambé. Tambô na ndéône edué éka wa n’anyô évambevo na Nzambé, monyo aJésus ôndé gô mitéma misaô n’anyô ôtôôboo.

Romains 5:8

Ivô Jésus-Christ amasinga éwa gôndé wa n’anyô tômabaka tôgébaka abévie. Tôéna étondo éena Nzambé gôndé wa n’anyô oma te gô éne.

Romains 8:32

Nzambé asibé na ninga gôétôétsa Muanedi na amadeekeda angô gôéwa gôndé wa n’anyô muetso. Buéyé muanedi amatôétsa ?tambô na éômee éetso nayee asangatôétsa éangô?

Ephésiens 2:4

Ivô ngeba yaNzambé diyeka na étondo éedi éndéké évôni.

II Thessaloniciens 2:16

Amuene Kumu asô n’anyô Jésus‐Christ, na Tétasô n’anyô Nzambé atônyôngéô na amatôétsa gô ngeba yedi gékasôgédéô gésakôdéakani, na ébégô éatsoongone éténdéda we.

Tite 3:4

Ivô Mooboyi asô n’anyô Nzambé amatsutsuéda ngeba yedi n’etondo éedi gôndé oma.

Hébreux 2:9

Ivô tôena môvo, te Jésus amasugéa pesu andéô na gô tsina otômu asi g’ôba ayanzie aNzambé gôéwa gôndé oma muetso gô ngeba yaNzambé. Gô ndéô nedué tômôena abatédu na gô gédigaa sokumaka na sondômba, gôébégô éowa ôdagani ômawa angô gôndé oma.

I Jean 3:1

Eenakani ganyôngéô Téta Nzambé wa n’anyô. Angô atônyôngéô ti v’ekôdéô éenyôngéô, t’ebandô tôtetu mbe ana aNzambé ag’ôbôtu. Na tôndéké anedi apie. Asi tsengene asamenya Nzambé ?nayee angamenya wa n’anyô gôénigôgéô mônongoe wasô n’anyô tôndé anedi? Asangamenya.

I Jean 4:19

Enyônganéô éndé n’asô n’anyô, mapangame te Nzambé amapanga ényôngéô wa n’anyô.

Gétsutsuéô 1:5

Nôédiia dôta te gôndé Jésus‐Christ. Angô mbangi éaNzambé ésapatakani. Angô Jésus te Muana ANzambé amapanga ébôtuni. Na angô amapanga ékunduga g’ôwa andé na monyo amôbô na môbô. Jésus te Kumu akumu yetso ditôma va tsina. Angô atônyôngéô. Amawa gôétôoboo gô ébévee éasô n’anyô.