Jean 20:1 - New Testament in Mitsogo

¹ Pitsine éamapanga éatsono n’ongôngô na kué, Marie môsi Magdala amakea gôébuéa gô ngii. Ameena mbe étaé évôni émakukéguku ngiine éamôdungutu émakandanganédu na va kôgangô.

Jean 20:1 ပူးပေါင်းရင်းမြစ်များ

Matthieu 27:56

Va gatse aô gômabaka Marie, môsi môsenge aMagdala, na Marie yeene aJacques na Joseph, na gômabaka dôta yeene anee aZébédée.

Matthieu 27:60

Amamôgunya gô ngiine éeduku éamôdungutu émasigédangô gô tsina amôkôdi amataé. Ngiine te éamuene Joseph émeendahngô mbe: Nangagunyu te gô yangô. Amakandanganéda étaé évôni gôékukéga ngiine, na amakea.

Matthieu 27:64

Tambô itsa ôtômu mbe ngiine ékekeneo na migode pitsi ditatô kabaga aneengi edi aviga gôéesua nzumbine na kabaga avovo mbe: Atimôgi g’ôwa. Vane ôboe amôyusumédu ôngootéa ône amapanga.

Matthieu 27:66

Amakea. Amananéga gémbégéa samôge amôtômi atsenge mbe: Nômbiabanda. Na migode mimatema gôékenea ngiine.

Matthieu 28:1

Nyee edunda aAjuif ômoota. Vamageeô manyaa tsono, Marie môsi Magdala na mavo Marie amakea na gô ngii.

Matthieu 28:2

Tsina na tsina tsinane ématatéa pepe. Môsi g’ôba amavigédu na Nzambé na amakandanganéda étaé na va kôbangô angiine. Amadigaa gô ngongo etaé.

Marc 15:46

Joseph amasômba môkanda avembo osunu ôvôni. Amapotoo nzumbine gô gésumu sowa. Ahmamôdipôa na môkanda avembo. Amamôgunya gô éduku éamôdungutu émasigô gô tsina amôkôdi. Amakandanganéda étaé évôni gôékukéga ngiine.

Marc 16:9

Vamakunduga Jésus g’ôwa nyaa tsono n’ongôngôe wetso, amapanga étsutsuga vandé Marie môsi Magdala. Marieme mane te ône amabaka na édidi tsambué émakuséda Jésus.

Jean 11:38

Môtéma aJésus omeena panda na ômadita vamakeangô na gô ngii. Ngiine te édukue éamôdungutu émakukégu n’etaé évôni v’ombee.

Jean 11:41

Etaé émakôngégu. Jésus amabôkaméa na g’ôba gôévovo na Nzambé mbe: Téta, nagôkuméda gôôkéyiô éwe me.

Jean 19:25

Avo agetoe amatema va tsina agésumuge gémabôkédu Jésus. Môvo môgeto te yeedi, môvo dôta te mônône ayeedi. Môvo te Marie môgaya aClopas, na mavo Marie te môsi Magdala.

Jean 20:26

Pitsi génana dimoota, aneengie aJésus amoomba éduga vavo gô eba, ahngô na Thomas muetso. Ebee ômabaka ômabandéku na môsapi. Ivô tsina na tsina Jésus amatsiga amatema va gatse aô na amavovo mbe: Gétabé gébaké gôndé anye.

Mayanzame 20:7

Samedi na dikoo tômabaka muetso kôkangana vavo gôéaa tabudé éaKumu Jésus. Paul amabaka gôéongô we tômeetsa Jésus mitémamie ndongi. Gômabakangô na môtôôe n’ongôngôe, ameekéda ngu na va gatse apitsi.

I Corinthiens 16:2

Nyaa tsono wetso, môma na môma avagé na akenee amuene ôkabô adode ôndé kuanakue n’ene édiiangô. Gômbe vangaviga me tôsangadinga gôékôkanganéda dodeye dine.

Gétsutsuéô 1:10

Gô nyee ômasevoa Kumu, Gédidi SaNzambé gémeengéa pepe gôndé me. Namookô gô ngimami ôgie angudi ôvovo ga gémbômba.