Jean 2:23 - New Testament in Mitsogo

²³ Gô ndéô éasueti éaPâque, Jésus amadenganô gô Jérusalem. Ayekani ameetsa angô mitémamie miaô gômeenahngô mane mamayanza Jésus mamisôba matsapéô môma na masoongôa angô ésupua.

Jean 2:23 ပူးပေါင်းရင်းမြစ်များ

LUC TSANGO EAMOSOBA EMATENDA 8:13

Mibiemie miagô mataé te gandé oma ookô meekédume na ahsinga mangô na gényônga. Na mabégô masasipa gô mitéma miaô. Ahkenea mabégôme te pesu andéô. Nyaa apanda ôkanégu angô ahtsika mangô na ahnika na gô ngima.

Jean 11:45

Gô géômbé sAjuif gémaviga gôémôgeda Marie, ayekani ameena éné émeenda Jésus. Amamôétsa mitéma miaô.

Jean 2:11

Géne te gémbégéage samapanga gématubéda Jésus oma ondômbedi. Amayanza ébégôé évôni éne ématsapéô oma na ésiôngôé môma ésupua te gô mbôkane ééndô mbe Cana gô tsenge éaGalilée. Aneengi edi asitsumédô ôtômue wedi paga.

Jean 2:13

Vamabaka ndéône éasuetine éaPâque émawesea, Jésus amakea na gô Jérusalem.

Jean 3:2

Nicodème amakea na gôndé Jésus na pitsi. Amamômekeda mbe: Môékédi, tômenya mbe Nzambé amatôma éwe gôéékéda we. Môma asoongôa éénda émbégéa ényônganéôni éne ééndewe, buétsé te Nzambé amôétsa ngudi.

Jean 4:45

Vamatsigangô gô Galilée, asi tsengene amamôtsôkéa. Anguene amadenganô gô Jérusalem gô ndéône éasueti éaPâque, na ahmeena mane mameenda Jésus gô pitsiye yasueti.

Jean 5:36

Kaka Jean anganônigôa mane mandé n’ami. Jean te mbangi ivô mane mandé n’ami masakôdéa na mane medi matévo. Mayanzame meenda me te mbangi énigôa anye mônongoe wami na gamatômu me na Téta.

Jean 6:14

Oma ameena ébégôe évôni émayanza Jésus ésoongôa môma ésupua. Amasôbasôbana mbe: Mômôgôône ôdôô te na gô pie môpandôédi atômiô na Nzambé na gô tsengene, avigini.

Jean 6:2

Géômbé gévôni gémaanda Jésus te vameenahngô gémbégéa sangudi yaNzambé vamadôngéda Jésus abeeyie.

Jean 7:31

Va gatse omee ane, gômabaka ayekani amamôétsa mitémamie gébé na paga. Ahngô mbe: Vangaviga Christ, ône angatômu na Nzambé ?émbégéa éangudi yaNzambé éngatubédangô éngootéa éyéka na éne étubéda mômôgôô noo-a? Esangootéa éyeka. Gôsaba muene angavigani.

Galatie 5:6

Okô tôndéké na vitoo na Jésus‐Christ, tôgeetuyee, tôsageetuyee, ésaba ébégô. Ene éndéké n’ebégô te mbe tôôtéé ényôngéô Nzambé na tômôétsé mitéma miasô mietso gébé na paga.

I Jean 3:23

Oôkôni éne étôma angô wa n’anyô. Nzambé angô mbe: Ombiasôôa ina aMuanami Jésus‐Christ. Christ dôta amatôma wa n’anyô mbe: Nyônganéôni anyene n’anyene.