Jean 2:16 - New Testament in Mitsogo

¹⁶ Amavovo n’asômbédi amabembi mbe: Nôtôgani egô na yômee yanyô. ?Anye nôbévéda eba aTéta ôka eba ayôkô nayee?

Jean 2:16 ပူးပေါင်းရင်းမြစ်များ

Matthieu 21:12

Jésus ameengéa na gô eba aNzambé. Amadenga ayôkô asômba na asômbéda gô eba aNzambé. Jésus amapatsa ahngô. Amatinda tabudéye yapukanédi adode. Amakuéséda na dikôndiye yasômbédi amabémbi.

Matthieu 21:13

Vane Jésus amanigôa ahngô mbe: Matendeo MaNzambé matôbeenda mbe: Ebami ôngamenyanganô mbe eba ôsambédu Nzambé. Ivô anye nôkoyi eba ôdôô ôka gésoméô seesui.

Matthieu 22:5

Ivô muetso ahmabambéôkôni asivigé. Ahmakea môvo môvo gô mayanza maô. Môvo na gô tsagedi. Môvo g’ôyôkô edi.

Marc 11:17

Vane ameekéda ahngô mbe: Matendeo maNzambé matôbeenda mbe: Ebami ôngamenyanganô mbe, eba oma muetso gôévovo na Nzambé. Ivô anye nôkoyi eba ôdôô ôka gésoméô seesui.

LUC TSANGO EAMOSOBA EMATENDA 2:49

Jésus amaabéa ahngô mbe: ?Anye nôbuti me gôndé? ?Anye nôsamenya mbe gésooge sami géndé te gô eba aTéta égô-a?

Jean 10:29

Téta, ône ameetsa me mangô, ootéa na ngudi n’enyanga amuetso. Gôsaba môma angawata sôma gô mogo maTéta.

Jean 2:15

Vane Jésus amanika môkodie minikô minayi gôékônza môbitô. Amapatsa asômbédie gô eba aNzambé na angô. Te omee na mandombome, na pagasaye yaô yetso. Amatinda tabudéye yapukanédi adode na ameetaméda dode yaô.

Jean 20:17

Jésus amamôdékéda mbe: Ombiabanda me ta me madeo tsibuéa na gôndé Téta. Tambô éwe kiaka, ôkenigôa ana aTétee n’ami mbe nakeyi na gôndé ône andé Tétene yami, te ône andé tétene yanyô. Nakeyi na gôndé Nzambé ami, n’angô te Nzambéne éanyô.

Jean 5:17

Ivô Jésus amanikéda ahngô mbe: Téta, ône andé g’ôba ayanza kuka yetso. Na me te mônongovo. Nayanza te kuka yetso.

Jean 8:49

Jésus angô mbe: Me tsaba na gédidi gévani. Me nagobeda Tétene éami, n’anye nôkina égobeda me.

I Timothée 6:5

T’ebandô pagaye yaô disakôdéa, gôébégô mitéma miaô mindé mimayungani na misamenya mabégô mapie. Ahngô amenya mbe môma agobeda Nzambé te gôédiia ôkitie.

II Pierre 2:3

G’ônzôô waô adiiaga ahngavooto anye na meekédu maô mooboe mavakangô, buta mbe ahngô ahtsôbôga vakambi ahngô. Môtsundédi aô andé va magô bandôa va mbeego. Môbunganédi aô andé ti gôévéngéa ahngô.