Jean 2:11 - New Testament in Mitsogo

¹¹ Géne te gémbégéage samapanga gématubéda Jésus oma ondômbedi. Amayanza ébégôé évôni éne ématsapéô oma na ésiôngôé môma ésupua te gô mbôkane ééndô mbe Cana gô tsenge éaGalilée. Aneengi edi asitsumédô ôtômue wedi paga.

Jean 2:11 ပူးပေါင်းရင်းမြစ်များ

Jean 1:14

Ogi ômakoga môma. Angô kumu amabégô mapie, amanyônganéô na Tétedi vamadigaangô va tsina va gatse awa n’anyô. Tômeena ôbébayi wetso ondômbee wedi, te ône ookumakee ômeetsô angô na tétedi, angô Muana ekika.

Jean 1:17

Mige na mitôma miaNzambé mimaviga na tétasô Moïse. Mate mapie metso mamaviga na Jésus-Christ. Môétsine te Nzambé.

Jean 1:43

N’ongôngôe ône Jésus amatimôga gôékea na gô tsenge éaGalilée. Amawanya na Philippe na amavovo n’edi mbe: Oka n’ami nzéepo.

Jean 1:50

Jésus amabika n’edi mbe: Ewe ôyavôga éétsa môtémee gôéndi me mbe nagôeni gô tsina ofiguier. Te buedi. Ivô ôngeena na mavo mabégô mavôni madeo masienewe.

Jean 10:41

Oma ayekani amaviga na gôndé ahngô. Amavovo anguene mbe: Amuene Jean asiyanza mabégô mavôni mamisôba masoongôa môma ésupua. Ivô mane mamanigôa angô mamômôgôô noo, asipaté.

Jean 11:15

Vasidenganô wa n’anyô vabeeki Lazare, môtémami ôena gényônga gôndé anye, na éne éngeenanye. Anyedô, nôsangadôtsuma me paga. Okani na vandé angô.

Jean 11:47

Apharisien na tsesuye yadeekedi adigondoku amadigaa gô kundu éaô épôni gôévanga gépangô. Amavovo anguene mbe: ?Tôéndani nayee na mômôgôô nône? Angô aseendô gôéyanza mabégô manyônganéôni masoongôa môma ésupua.

Jean 12:18

T’ebandô géômbé gévôni gémakea gôéwanyéda Jésus vamatsigangô gô Jérusalem. Ahsibômu mbe, ôdôô te ône amatubéda gémbégéa gévôni sangudi yaNzambé gôékundua Lazare g’ôwa.

Jean 12:37

Buéyé gameenda Jésus mabégô mayekani mamisôba mangudi yaNzambé mamatsapéô oma, ahngô asimookéô.

Jean 12:41

Esaïe amapandôéda mabégôme mane te gômeenangô ôbébayi ôtubéda ôndômbee aNzambé na amanyôngéô émôkuméda.

Jean 14:13

Ene édukanye me gôéénda, me nangeenda gômbe Téta angakumédu gô ina aMuanedi.

Jean 16:27

Menyami mbe amuene Téta anônyôngéô. Anônyôngéô gôébégô anye nônyôngéô me, na anye nôsatsuma me paga mbe tsivigé gôndé Nzambé.

Jean 16:30

Vane tôôkô mbe éwe ôsabômu ti mabégô metso. Ondé na ngudi yeaabéa nyivô, we gégôbambéé yangô. T’ebandô tôsatsuma éwe paga mbe ôsivigé gôndé Nzambé.

Jean 2:1

Vamoota pitsi dibaé oma amaduga gô Cana éndé gô tsenge éaGalilée gôébôngôa yômba. Yene aJésus amadenganô.

Jean 2:23

Gô ndéô éasueti éaPâque, Jésus amadenganô gô Jérusalem. Ayekani ameetsa angô mitémamie miaô gômeenahngô mane mamayanza Jésus mamisôba matsapéô môma na masoongôa angô ésupua.

Jean 3:2

Nicodème amakea na gôndé Jésus na pitsi. Amamômekeda mbe: Môékédi, tômenya mbe Nzambé amatôma éwe gôéékéda we. Môma asoongôa éénda émbégéa ényônganéôni éne ééndewe, buétsé te Nzambé amôétsa ngudi.

Jean 4:3

Vamookô Jésus oma avovo nane, amanôtôga gô tsenge éaJudée gôénika na gô tsenge éaGalilée.

Jean 4:46

Jésus amatsiga gô Cana. Te mbôkane émakoangô mebame maka maduku gô ndéône éasueti éayômba. Wangô gômabaka môma môvôni okumaka, môtômi atsenge. Muanedi amômôgôô amabaka na beeaga gô mbôka ééndô mbe Capernaüm.

Jean 4:54

Vamadôngéda Jésus muanee, te ébégô éamôbaé évoni émanyônganéôni na ésoongôa môma énigôa émayanzangô vamavigangô gô Judée na gô Galilée.

Jean 5:23

Endé te mbe oma muetso angagobeda Muanee mônongovo gagobeda oma Tétee. One asagobeda Muanee, asagobeda na Tétene, angô môtômine aMuanee.

Jean 6:14

Oma ameena ébégôe évôni émayanza Jésus ésoongôa môma ésupua. Amasôbasôbana mbe: Mômôgôône ôdôô te na gô pie môpandôédi atômiô na Nzambé na gô tsengene, avigini.

Jean 6:2

Géômbé gévôni gémaanda Jésus te vameenahngô gémbégéa sangudi yaNzambé vamadôngéda Jésus abeeyie.

Jean 6:26

Jésus amabika n’ahngô mbe: Nanôbeenda na gô pie mbe anye nôbuta me te gôngutédi me anye na mipembamie. Nôsabuta me gôeni anye ngudi yaNzambé.

Jean 6:30

Oma amamôévôa mbe: ?Gôétubéda we ngudiye yoo ôngeenda nayee? ?Ongatubéda we gémbégéa ndé géngeetsa we éwe mitémamie? Yanza va miso masô ébégô ényônganéôni ésoongôa môma ésupua.

Jean 7:31

Va gatse omee ane, gômabaka ayekani amamôétsa mitémamie gébé na paga. Ahngô mbe: Vangaviga Christ, ône angatômu na Nzambé ?émbégéa éangudi yaNzambé éngatubédangô éngootéa éyéka na éne étubéda mômôgôô noo-a? Esangootéa éyeka. Gôsaba muene angavigani.

Jean 9:16

Avo Apharisien amavovo mbe: One amayanzéa éwe ébégôe éne, ka asiviga gôndé Nzambé. Mbe amatômuku na Nzambé angô mbe asikékôa môge anyee edunda. Avo dôta amavovo mbe: ?Angô mbe môma môbévani angoongôa éénda ébégô ényônganéôni esôbasôbana we nayee? Apharisien amasaganédana anguene te gô ébégôe éne.

II Corinthiens 3:18

Wa n’anyô muetso tôsaba gamabaka Moïse na gédimô gémapikô na môkanda. Tôndé na édimô éasô n’anyô éava vede étana n’obébayi ôtubéda ôndômba ôndé na Kumu. Na wa n’anyô tôndéké tômakoamani tôgono na amuene Kumu. Ondômbee n’obébayi wedi aNzambé ôndé n’asô n’anyô deo noo, madeo ôsigono n’one ôngaba n’asô n’anyô. Eetso éne te éyanza éaGédidi SaKumu gô mitéma miasô n’anyô.

II Corinthiens 4:17

Tômenya mbe maguga meena we madita, tambô mandé te na soa na masadingani. Na mangô matôkônzéa ôndômba ôvôni ôsakôdékani ôndé vavo na Nzambé.

II Corinthiens 4:6

Nzambé va mbeego amavovo mbe: Nanyôngéô mbe gévede gétana va gatse evitsi. Na Nzambé nene te épo na éne étanéda gévede sedi gô mitéma miasô n’anyô. Gévedege sedi géne gétômenyeda nzéa éagévede. Na gô nzéa nene we tôena ôbébayi ôtubéda ôndômba aNzambé gô gédimo saJésus‐Christ.

I Jean 5:13

Nanôtendéa mabégô mema gôndé anye nômeetsa Jésus Muana ANzambé mitéma mianyô mietso te anye nôsabômu mbe nôndé na monyo amôbô na môbô.