Jean 19:9 - New Testament in Mitsogo

⁹ Pilate amanika éengéa na gô eba ôtsundédu oma na ameevôa Jésus mbe: ?Omaviga gôni? Ivô Jésus asimôsiié.

Jean 19:9 ပူးပေါင်းရင်းမြစ်များ

Matthieu 26:63

Jésus asibubué. Asisiié ta n’ogi. Pene amoomba évovo n’edi mbe: Gô ina aNzambé amonyo, nagôévôa mbe ti éwe ôaabéa me. ?Ewe te Christ ône amatômu na Nzambé‐a? ?Ewe te Muana ANzambé‐a?

Matthieu 27:27

Migodemie mimakea na Jésus na gô wene môkii gô gatse eba amôtômine atsenge. Na géômbége samigode gémaseta Jésus.

LUC TSANGO EAMOSOBA EMATENDA 23:9

Hérode ameevôa Jésus pingô yanyivô ivô Jésus asimôbiké.

Jean 18:28

Oma amanôtôga na Jésus gô eba aCaïphe, pene adeekedi adigondoku. Amakea n’edi na gô eba amôtômine atsenge atsundéda oma. Emabaka n’ôngôngôe wetso. Ajuif asiengéé anguene gô ebee ône kabaga ookua mige na kabaga asabôngama gôéaa suetine éaPâque.

Jean 18:33

Pilate amanika éengéa na gô ebedi ôtsundédu oma. Amabambéa Jésus gôéwesea na amamôévôa mbe: ?Ewe te môtômine aAjuif-a?

Jean 18:34

Jésus amamôévôa dôta mbe: ?Ovovi nane te gô matasa momuene, vo te mane mookiô éwe n’ene oma-a?

Jean 18:37

Pilate amamôévôa mbe: ?Tambô éwe te môtômine-a? Jésus amamônikéda mbe: Otsimi. Me te môtômine. Namabôtu na namaviga na gô tsengene me te mbangine éaKumu amabégô mapie. Muetso andé gô mabégô mapie ookéô ôgie wami.

Jean 19:10

Pilate amavovo na Jésus mbe: Ewe ôpipa me. ?Osasiia gôvovo me-a? ?Osamenya mbe me nandé n’enyanga gôégônzeegeda na gôéénda éwe ôkomedu va gésumu-a?

Jean 19:8

Vamookô Pilate nane, amatsôpu na gomo.

Jean 8:14

Jésus amabika mbe: Buéyé mbe nanigôéké mane mami memuene, menyani mbe mandéké ti mapie. Me tsabômu gômaviga me. Tsabômu dôta gôkea me. Géé anye, gômaviga me na gôkea me, anye nôsamenya.

Philippiens 1:28

Nômbiasinga adudeoe wanyô anôétsa gomo. Bôkédee wanyô te gémbégéa gétubéda mabégô mabaé. Gôndé adudeoe wanyô gétubéda mbe ahkea te gô nzéa éebungana. Gôndé anye gétubéda mbe nôkea te gô nzéa éagéobogeo. Gémbégéage sanyô sabôkédé géviga te gôndé Nzambé.