Jean 19:4 - New Testament in Mitsogo

⁴ Pilate amoomba ékusa gô ebedi gôévovo n’Ajuif mbe: Nôvenga, nanôkusédéa angô na va mbadi. Mavooe vane nôngookô gavovi me mbe me tsiena ta n’oési ôvo gôndé mômôgôô nône mbe ayôhu.

Jean 19:4 ပူးပေါင်းရင်းမြစ်များ

Matthieu 27:19

Vamadigaa Pilate gô eba amisoso gôétsundéda ébégôé, môgayedi amakudéga angô ôgie mbe: Me na pitsi neeni panda na ndotine éeni me gôndé mômôgôô nône. Ombiakuyaméa gô ébégôe éne. Môma nône asaba n’oési.

Matthieu 27:24

Vane Pilate amatsapéô. Ameenda mbe: Me tsabadô n’ogi. Oma anguene n’anguene amabandôa étsangatsangana gôévévéa ane asibaké n’ahngô étasevo gôéyôha Jésus. Na vane Pilate amabongo meba. Amoovôa mogome va mbene oma muetso. Pilate amavovo mbe: Bongoni ébégôe. Me tsaba g’ôwee amômôgôô nône. Nômôyôhéyee, nôsamôyôhéyee, memuene Pilate nayuégi gô éne.

Matthieu 27:4

Amavovo mbe: Gôkabi me môma agébé n’ôési mbe ayôhu, me neendi ébégô ébévani. Amôgôôe amaabéa angô mbe: We tôsaba gô éne. Ene ébégô te éômuene.

Matthieu 27:54

Môsi Rome, môtômi amigode, na migode miedi mimabaka gôéwema Jésus, ameena gamatatéa tsinane na mavo mabégô mamabuéani. Ahmookô gomo. Ahmavovo mbe: Na gô pie, ôdôô te ti Muana ANzambé.

LUC TSANGO EAMOSOBA EMATENDA 23:4

Pilate amavovo na tsesu yadeekedi adigondoku na géômbége mbe: Me tseena ébégô éeséda Jésus.

LUC TSANGO EAMOSOBA EMATENDA 23:41

Môtsundue asô n’oo te kuanakue. Tôdii diési gô mabégô masô n’oo mabévani. Ivô Jésus asiinda ta n’ebégô évo ébévani.

LUC TSANGO EAMOSOBA EMATENDA 23:47

Môtômi amôkama amigode amatema va kôbangô agésumuge. Vameenangô mane mabuéni amakuméda Nzambé mbe: Na gô pie, mômôgôô noo asibévéké.

Jean 18:33

Pilate amanika éengéa na gô ebedi ôtsundédu oma. Amabambéa Jésus gôéwesea na amamôévôa mbe: ?Ewe te môtômine aAjuif-a?

Jean 18:38

Pilate amamôévôa mbe: ?Mane mapie, mandé? N’emana évovo nane, Pilate amoomba ékusa gô ebedi gôévovo n’Ajuif. Angô mbe: Me tsiena ébégôe mbe mômôgôône ôdôô ayôhu.

Jean 19:6

Ivô vameena tsesu yadeekedi adigondoku na migode miaô eena Jésus, amaadôngana mbe: Komedani angô va gésumu sowa. Komedani angô va gésumuge. Pilate amavovo n’ahngô mbe: Bongokoni angô. Komedani angô anyene va gésumuge. Géé gôndé me, tseena ébégô éeyôhéda angô.

II Corinthiens 5:21

Jésus‐Christ asibaké n’ebéva ivô Nzambé amakoa angô aka môbévi gô ébévee éasô n’anyô. Wa n’anyô dôta tôsibaké n’etsimama ivô Nzambé amakoa we tôka tômatsimamédu gô étsimamee éaJésus.

Hébreux 7:26

Jésus te môdeekedi môvôni adigondoku. Mbeka angô, wa n’anyô oma mbe tôsaba na tsoongo. Andé n’etsimama éetso. Asaba n’ebéva. Asaba na ébégô ébévani ta n’evo. Amaaganédu n’oma abévani gôétômbu na gô ngongo gômadigédu angô.

I Pierre 1:19

Ivô anye nômoobou n’osunu ôvôni anzina yaChrist. Andé ga éndombo ésaba éagékonzo na ésaba n’evisô.

I Pierre 2:22

Angô asiindé ta n’ebévani évo. Gô mônyedi gôsikusé ébégô éoboe ta n’evo.

I Pierre 3:18

Christ amuene amawa ôwa ôvo gô ébévee éetso. Angô môma amatsimamani amawa gôndé oma abévani. Oweedi ôbuéda wa n’anyô na gôndé Nzambé. Oma amayôha angô g’ôtô. Nzambé amakundua angô gô ngudi yaGédidi sedi.

I Jean 3:5

Nôsabômu mbe Jésus‐Christ amaviga gôénôtôa gôndé môma na môma ébévee éedi. Gôndé angô Jésus, gôsaba ébégô ébévani ta n’evo.