Jean 18:4 - New Testament in Mitsogo

⁴ Jésus asibômu mbe: panda yedi yetso dingabuéa te gôndé me. Amawesea na vandé géômbége samigode na ameevôa ahngô mbe: ?Anye nôbuta nda?

Jean 18:4 ပူးပေါင်းရင်းမြစ်များ

Matthieu 16:21

Bandôa nyoone Jésus amapandôéda aneengi edi na vede mbe: Engaba mbe me nangakea na gô Jérusalem gôngeena me maguga mamootéani. Peeye na tsesu yadeekedi adigondoku, n’anigôi amige miaNzambé angatseda me. Nangayôhu. Gô mbene apitsi dibaé, éne éamôtatô nangakunduga.

Matthieu 26:2

Anye nôsabômu mbe ngima amene te suetine ééndô mbe Pâque. Gô suetine, me Muana Amôma nangakabô gôébôkédu va gésumu sowa.

Matthieu 26:21

Vamabakahngô gôéaa Jésus amapandôéda mbe: Nanôbeenda na gô pie mbe va gatse anyô nôaa n’ami, môvo angakaba me.

Matthieu 26:31

Jésus ameevéda aneengi edi mbe: Ti éne éngabuéa gôndé me na pitsine, anye nôngatsika me. Te gatôtanga gô Matendeo MaNzambé mbe: Môkeneyi amandombo angayôhu. Na mandombome mangapanzangana metso.

LUC TSANGO EAMOSOBA EMATENDA 24:44

Te vane Jésus amabangôéda ahngô mbe: Nôeni, metso mane mamavovo me vamabaka me n’anye, mane mamatendu gô miganda miaMoïse na mine miapandôédi, na mine miamimbô, mimeevédaka anye mbe gôndé Jésus éngaba te nane. Menyani mbe mamani éenanô.

Jean 13:1

Emabaka te nyee ômabambana na sueti éaPâque. Jésus asibômu mbe, ndéône ébuéyi gôndé angô gôénôtôga gô tsengene na gôékea na gôndé Tétedi. Bandôa v’ebandô môtémedi ômanyôngéô omee wedi ava tsina. Gényônganéôge géné gésinôtôgé ngu na v’ekôdéô.

Jean 13:11

(Jésus asibômu ône angamôkabani, t’ebandô ameenda mbe: Nôsaba muetso nômagôgéani.)

Jean 18:5

Migodemie amanikéda angô mbe: We tôbuta te Jésus, môsi Nazareth. Jésus angô mbe: Nangôô. Amuene Judas, môkabine aJésus amadenganô vangô na migodemie.

Jean 18:7

Jésus amoomba éévôa ahngô mbe: ?Anye nôbuta nda? Migodemie mimaabéa mbe: We tôbuta te Jésus, môsi Nazareth.

Jean 19:28

Va mbenene vane, Jésus asibômu mbe mabégô metso magôgi na amaadôngana mbe: Nookô sôé. G’ôgie ône ômeenanô éne émeevéda Matendeo MaNzambé.

Jean 6:64

Avo va gatse anyô, nôgétsumaka me paga. (Jésus amavovo nane gôébégô amuene asibômuku bandôa gômapanga, ane asangamôétsa mitémamie na dôta ône angamôkabani.)

Mayanzame 2:28

Ewe ômenyeda me nzéa ébuéda môma gô monyo. Osaagana n’ami na ôkasôgéda me.

I Pierre 4:1

Christ ameena maguga g’ôtô, tambô n’anye dôta oodedani mitéma mianyô étasevo n’edi gôébibéda maguga. Gôébégô ône abibéda maguga g’ôtô aseena panda étsika mabégô mabévani.