Jean 17:9 - New Testament in Mitsogo

⁹ Me navovo n’ewe Nzambé te gôndé ahngô. Tsavovo gôndé asi tsengene. Navovo n’ewe te gô ane amawesedewe na gôndé me, gôébégô ahngô te woo.

Jean 17:9 ပူးပေါင်းရင်းမြစ်များ

LUC TSANGO EAMOSOBA EMATENDA 22:32

Ivô me nasambédi gôndé éwe kabaga môtémoo ôba na paga gôénôtôga gôndé me. N’ewe vangakoga éwe na gôndé me, ôodeda ana aTétee noo agô mbumu éaNzambé.

LUC TSANGO EAMOSOBA EMATENDA 23:34

Jésus amasambéda mbe: Téta, singéa ahngô kokoo. Ahsamenya éne ééndahngô. Migode mimatséva na nzéké gôésevoa éduani éaJésus énganyôngéô angô.

LUC TSANGO EAMOSOBA EMATENDA 8:34

Vameena akeneyie anguduye éne émabuéani, ahmayavôga ékea gôébeenda oma gô mbôka na gô mitsaba mbe: Nguduye digudi.

Jean 14:16

Nangaduka Téta gôénôtôméa muene môwedi asanganôtôga gôndé anye. Môwedine ône te Gédidi gétsutsuéda mabégô mapie maNzambé.

Jean 17:2

Omani éétsa me ényanga gôétôma oma muetso, gômbe neetsa monyoe amôbô na môbô gôbdé ane amamana éwe ésevoa gôéétsa me.

Jean 17:20

Osambôe wami ôsakôdéa n’ahngô atévo. Navovo n’ewe dôta gôndé ane angeetsa me mitémamie gô meekédume maô.

Jean 17:6

Me namamenyeda éwe gôndé oma amayuua éwe va gatse asi tsengene. Omaweseda ahngô na gôndé me. Omeaa te woo. N’ewe ômeetsa me ahngô. N’ahngô amagobeda ôgie woo.

Jean 6:37

Muetso eetsô me na Téta Nzambé aviga na gôndé me, tsangamôpatsa na gô mbadi ivô angeengéa na gôndé me.

Jean 6:39

Oôkôni éne ényôngéô ône amatôma me. Asanyôngéô mbe me nadimbanédana ta na môvo va gatse ane ameetsangô me. Anyôngéô mbe gô nyee amôyusumédu me nangakundua omami muetso g’ôwa.

Hébreux 7:25

T’ebandô Jésus andé na ngudi gôétôoboo deo noo, ngu na gô mbene n’okendô. Angô oboo ane aviga na gôndé Nzambé gô inedi gôébégô andé monyo môbô na môbô gôévovo na Nzambé gôésungéa omee ane.

Hébreux 9:24

Gôébégô Christ asiengéé gô tsongo éadisambô édigaa Nzambé émasaaô na môma mbe Christ adeekeda amuene gône. Eba ôsaa môma gôéneegeda Nzambé te makanégéda mone apie ag’ôba. Jésus ameengéa na g’ôba gôéadeekeda amuene te gôétôsungéa va mbene aNzambé deo noo.

I Jean 5:19

Tôsabômu mbe tôndéké ana aNzambé na tsengene nyetso éndéké gô tsina otômu aMôbévine.

Gétsutsuéô 12:9

Gényogonyogo géne gémapatsédu. Te angô nyogone éambeego étetu mbe yabédé, na Satan, abôméda oma muetso. Amapatsô na gô tsina, angô n’ayanzi edi muetso.

Gétsutsuéô 13:8

Oma muetso ava tsina anganeegeda te Genyamanyamage géne. Ekegea mbe, muetso te ane ahsaba na mina maô mamatendu v’ebandô atsina n’oba gô miganda miamonyo. Migandamie te mine miaMôpaga ômayôhuni.

Gétsutsuéô 20:15

One asangadenganô inedi ématendu gô miganda miamonyo angagunyu na gô mungu asoto.