Jean 17:6 - New Testament in Mitsogo

⁶ Me namamenyeda éwe gôndé oma amayuua éwe va gatse asi tsengene. Omaweseda ahngô na gôndé me. Omeaa te woo. N’ewe ômeetsa me ahngô. N’ahngô amagobeda ôgie woo.

Jean 17:6 ပူးပေါင်းရင်းမြစ်များ

Jean 1:18

Gôsaba môma ameena Nzambé, ivô amuene muana ekika angô te Nzambé, na andé vavo na Tétedi amamôtsutsuéda.

Jean 12:28

Ah Téta mbe inee éoo éneegedu. Ogie ômookanô ôvovo g’ôba mbe: Namamana éétsa inee éami géneega sondômbee wetso. Na éngoomba ékumédu.

Jean 15:19

Anye mbe nôndé n’evamba na tsengene, asi tsengene mbe asanganôvinga gôndé anye géengi gévo n’ahngô. Géé anye nômasevou n’ami, namanôtatôa gôndé asi tsengene, nôsabadô gééngi gévo n’ahngô. T’ebandô anôvinga.

Jean 15:3

Gakeedu géétété mitabémie mibévani, mônongovo anye nômakeedu na mane mameekéda me anye gôénônôtôa mane mabévani.

Jean 15:7

Okô nôndé môvo n’ami, na mabégô mami mandé gô mitéma mianyô, dukani éne ényôngéô anye, n’anye nôngeetsô éangô.

Jean 17:12

Vamabaka me nagébaka n’ahngô, namakenea ahngô gô ényangee éainee éôô, te éne émeetsewe me. Nameebakanéda ahngô gôsibé ta na môvo amadimbanani. Buétsé te ône ameendô gô Matendeo moo mbe angakea te nane.

Jean 17:14

Nameetsa ahngô mabégô moo. Asi tsengene avinga ahngô to gôsabahngô n’evamba na mabégô matsengene, te mônongovo gandé me gébé n’evamba na mabégô matsengene.

Jean 17:16

Ahsaba n’evamba na mabégô matsenge te mônongovo gandé me gébé n’evamba na mabégô matsengene.

Jean 17:2

Omani éétsa me ényanga gôétôma oma muetso, gômbe neetsa monyoe amôbô na môbô gôbdé ane amamana éwe ésevoa gôéétsa me.

Jean 17:24

Téta, éwe ômeetsa me ahngô. Me nanyôngéô mbe gôngaba me, n’ahngô dôta ahngaba wangô. Gômbe angeena ôbébayi ondômbee wami. Te ôndômbee ômeetsô me n’ewe gamootéa éwe ényôngéô me, bandôa v’ebandô tsinane madeo ésikanô.

Jean 17:26

Me namagômenyeda gôndé ahngô. Na nangoomba éahmenyeda gandé éwe. Vane étondoe éndé n’ewe gôndé me, éngaba gôndé ahngô. Na me dôta nangaba gôndé ahngô.

Jean 17:7

Ahngô ahsabômudô mbe éetso émeetsewe me, éviga te gôndé éwe.

Jean 18:9

Gô ébégôe éne gômeenanô éne émavovo Jésus na Nzambé mbe: Va gatse ane ameetsewe me Téta, me tsidimbanédé ta na môvo.

Jean 6:37

Muetso eetsô me na Téta Nzambé aviga na gôndé me, tsangamôpatsa na gô mbadi ivô angeengéa na gôndé me.

Jean 6:39

Oôkôni éne ényôngéô ône amatôma me. Asanyôngéô mbe me nadimbanédana ta na môvo va gatse ane ameetsangô me. Anyôngéô mbe gô nyee amôyusumédu me nangakundua omami muetso g’ôwa.

Jean 8:51

Nanôbeenda ébégôe édué éapie mbe, ône agobeda mane mavovo me asangatsiga gô tsenge éowa.

Jean 8:52

Vane Ajuif amatsuma Jésus paga mbe: Na gô pie vavovo éwe vane tôena mbe ôtômu na gédidi gébévani. Bonoko, Abraham amawa. Apandôédi amatasa maNzambé amawa. Géé éwe, ôénda mbe: One agobeda mane mavovo me asaviwa.

Mayanzame 13:48

Vamookô ane asaba Ajuif ookô ôgie ône amatsôkéa na amakuméda Kumu na Mane Mamavovo angô. Muetso ane amasevou na Nzambé gôédiia monyo ôsakôdéakani amakoa matasa maô gôétsa Nzambé mitémamie.

Romains 11:2

Nzambé asikiné omedi, ane amasevoa angô va mbeego mbe: adua te omami. Nôsabômu éne émasemba Elie Nzambé gôndé ana aIsraël ématendu gô Matendeo maNzambé.

II Corinthiens 4:6

Nzambé va mbeego amavovo mbe: Nanyôngéô mbe gévede gétana va gatse evitsi. Na Nzambé nene te épo na éne étanéda gévede sedi gô mitéma miasô n’anyô. Gévedege sedi géne gétômenyeda nzéa éagévede. Na gô nzéa nene we tôena ôbébayi ôtubéda ôndômba aNzambé gô gédimo saJésus‐Christ.

Colosses 3:16

Singani mbe meekédu maChrist masakônda ta n’ebégô évo, maba na gédigaa gô mitéma mianyô. Ikédanani na evédanani anyene na anyene n’ebagé n’eodo. Imbani mimbô na kônda na géembi gôéneegeda na gôékuméda Nzambé na mitéma mianyô mietso gô mane meendiô anye na Nzambé.

II Timothée 1:13

Ewe Timothée, bangôa mavovia mami mapie mbe te mônongoe ôngadeka éwe gôéékéda. Sipa na bôkédé gô nzéa éaJésus étôkeani édué na gô étondo éedi étôdiia gô vitoone éndé wa n’anyô na Jésus‐Christ.

Hébreux 2:12

Amavovo mbe: Nzambé ami, nanganigôa ana aTétee n’ami inee éoo. Nangatôa mimbô magéneega soo va mbene asi mbumu éoo.

Hébreux 3:6

Ivô Jésus‐Christ amabaka na môvinéné gô éyanzee éedi. Angô Muana, ameetsô ôtômu na Tétedi gôétôma eba aNzambé wetso. Wa n’anyô te ebedi ôkô tôsamôtsuma paga na tôétsa mitémamie gôndé ône atôténdédani.

I Pierre 1:1

Oô te me Pierre. Namatômu na Jésus‐Christ. Nakudéga gésangô gegé na gôndé anye nômasevou na Nzambé na nômapanzangana na gô tsengeye yetso. Anye nôndé g’ôgenda gô Pont, avo gô Galatie, avo gô Cappadoce, avô dôta gô Asie na Bithynie.

I Jean 5:20

Tôsabômu dôta mbe Jésus Muana ANzambé amaviga na gô tsina amatôétsa éodo gôémenya Nzambé, angô ône apie. Wa n’anyô tôndé môvo na Nzambé ône apie te gô ngudi yaMuanedi Jésus. Te angô Nzambé apie na Kumu amonyo amôbô na môbô.

Gétsutsuéô 2:13

Angô mbe: Me tsabômu gôdigaanye. Nôdigaa ti pidi gô mbôka éamuene Satan. Anye nôndéké môvo n’ami. Gô vitoone éndé anye n’ami nôsiagané n’ami buéyé gô ndéône édangi émayôhu môékédine wami eendô mbe Antipas. Amayôhu te gô mbôkane édigaa Satan.

Gétsutsuéô 3:10

Anye nôsikiné môtômee wami gôéenea me na môvinéné. Na me dôta nanganôkenea gô ndéô éagékuanô gévôni géngeenanô gô tsina gôékanéga asi tsengeye yetso yava tsina.

Gétsutsuéô 3:8

Angô mbe: Me tsabômu metso mane meendanye. Me tsabômu mbe anye nôsaba na ngudi éébéyée nane nôgobeda ôgie wami na nôsitsiké nzéane éami. Me nanôkukéa ômbaa ôsangoongôa ékukéga môma.