Jean 17:3 - New Testament in Mitsogo

³ Monyoe amôbô na môbô ôkegea mbe, omee ane angavamba n’ewe Nzambé épo éapie ôsaba na gégoni. Ekegea dôta mbe angavamba na Jésus-Christ, ône amatôma éwe.

Jean 17:3 ပူးပေါင်းရင်းမြစ်များ

Marc 9:37

One agobeda viana gandé éevi gô inami, agobedi na me. Na ône agobedi me eembe agobedi te na ône amakudéga me.

LUC TSANGO EAMOSOBA EMATENDA 9:48

Jésus amanigôa aneengie mbe: One agobeda viana gandé évi gô inami, agobedi te na me. Na ône agobedi me eembe agobedi te na ône amatôma me. Menyani mbe va gatse anyô, ône ootéa éasugéda amuene, pene te angô.

Jean 10:36

Tambô na me, Nzambé amasevôa me na amatôma me na gô tsina. ?Nayee nôénda me mbe neenza Nzambé? ?Te gôpandôédi me mbe me te Muana ANzambé-a?

Jean 11:42

Gôndé memuene tsabômu mbe ôndé gôéaabéa me kuka yetso. Ivô n’atsatsee navovo n’ewe te gôndé omeaa aseti me adua, kabaga atsuma paga mbe tsitômu n’ewe.

Jean 14:26

Môwedine wanyô te Gédidi SaNzambé, géngatôméô anye na Téta géngaviagana me. Génganôéékéda na génganôbangôéda metso mameekéda me anye.

Jean 17:18

Ewe ômatôma me mbe: Kiaka na gô tsina. Me dôta namatôma ahngô mbe: Kiakani tsinane nyetso.

Jean 17:21

Nagôduka Téta mbe angô muetso angaba môvo na wa n’oo, gandé éwe môvo n’ami. Me dôta nandé môvo n’ewe. Nagôduka mbe anguene angaba n’evamba gômbe asi tsengene asangatsuma paga mbe me tsitômu n’ewe.

Jean 17:23

Me nandé gôndé ahngô. Ewe ôndé gôndé me. Vane gô évambee éne éavitoo, asi tsengene angeena na vede mbe te éwe ômatôma me na éwe ônyôngéô omee woo ganyôngéô éwe me.

Jean 17:25

Téta, kumu éetsimama, asi tsengene asamenya éneegeda éwe, géé me tsabômu égôneegeda. Omee woo adua asabômu mbe te éwe ômatôma me.

Jean 17:8

Me nameetsa ahngô mabégôme mamadiia me gôndé éwe. Ahmamasinga. Ahmanigôgéô na gô pie mbe me namaviga te gôndé éwe g’ôba. Ahsitsuma me paga mbe: ôsikudégu na Nzambé.

Jean 3:17

Nzambé amatôma Muanedi na gô tsina, kaka gôéeséda oma ivô te mbe oma muetso angoobou n’edi.

Jean 3:34

One amatômu na Nzambé avovo te mane maNzambé gôébégô Nzambé, ône asaba na guma eetsa oma Gédidi sedi gésaba n’okana.

Jean 5:44

Nônyôngéô éakuméda anyene n’anyene. Anye nôsanyôngéô ékumédu n’amuene Nzambé. ?Nôngamôétsa mitéma mianyô nayee?

Jean 6:57

Téta, ône amatôma me, andé na monyo. Monyoe wami te angô. Endé te nane. One aa ôtôé wami na anyua nzinaye yami, monyoe wedi te me.

Jean 7:29

Me te tsamôbômuni. Gôébégô me namaviga te vandé angô. Na te angô amatôma me.

Jean 8:19

Apharisien ameevôa Jésus mbe: ?Tétoo andé gôni? Jésus amaabéa ahngô mbe: Anye nôsamenya me. Nôsamenya dôta na Téta. Anye mbe nômenya me, mbe nômenyi dôta na Téta.

I Corinthiens 15:34

Anye tsikani diyunga yasagô ganôsaba na mitéma. Tsikani matasa mabévani. Nanôbeenda mbe avo va gatse anyô nôsamenya Nzambé ta na pesu. Te tsoyi épôni gôndé wa n’anyô.

I Corinthiens 8:4

Ebégôe étôbuta émenyani te éangôéé. Nyama émadeekedu mbumba ?wa n’anyô tôngoongôa éaa yangô‐a? Tôsabômu mbe mbumba ésaba sôma gédôngani sangudi gô tsengene. Gôndé te Nzambé épo na koo.

II Corinthiens 4:6

Nzambé va mbeego amavovo mbe: Nanyôngéô mbe gévede gétana va gatse evitsi. Na Nzambé nene te épo na éne étanéda gévede sedi gô mitéma miasô n’anyô. Gévedege sedi géne gétômenyeda nzéa éagévede. Na gô nzéa nene we tôena ôbébayi ôtubéda ôndômba aNzambé gô gédimo saJésus‐Christ.

Philippiens 3:10

Me Paul tsabuta mabégô mayekani. Ena ébuta me, te gôémenya mabégô maChrist metso, na gôémenya ngudi yedi, dine dimakundua angô g’ôwa. Nanyôngéô égésangana gô magugame medi. Nanyôngéô égono n’edi g’ôwee wedi.

Philippiens 3:8

Kaka mayanza matévo maka gébé na tsoongo gôndé me, te na metso mamisôba moongôa môma ékôndéga gôndé me. Naviia metso mane ngima gô éne émadenga me éôtéa ényepa na metso mane. Namadenga Kumu ami. Nabuta émenya angô, Jésus‐Christ. Gôndé angô namaviia mane mami metso ngima. Nabono mangô ti eembe te tôbi, buta mbe nadiia mane maChrist metso.

1 Thessaloniciens 1:9

Muetso anigôana gamakeneanye we vamatsiga we na gôndé anye. Anigôa gamaviianye mbumbaye ngima gôégéngôga na gôndé Nzambé mbe nômôyanzéa, angô Nzambé apie Kumu amonyo.

II Thessaloniciens 1:8

Asi g’ôba angavigédu na Nzambé atsiga na soto géyôani gôésiséda ane asineegede Nzambé n’ane asigobede Tsangô Eamôsôba éaKumu asô n’anyô Jésus‐Christ.

Hébreux 3:1

Navovo n’anye, ana aTétee n’ami agô mbumu éaNzambé nômabambéô na Nzambé na gô mbumu éedi. Bononi miso manyô na gôndé Jésus, ône amatômu na Nzambé gôéba môsungéyi amôténdéda asô n’anyô, ône ôtôékéda oma.

II Pierre 1:2

Mate medi na gétabé sedi géaangané n’anyô minya mietso gôébégô anye nôsabômu Nzambé na Kumu asô n’anyô Jésus.

II Pierre 1:3

Ngudi yaNzambé dimatôétsa éetso étôdugéda gô monyo eetsimama agégesanganéô samitéma miasô n’anyô na Nzambé. Ngudi yaNzambé dimenyeda wa n’anyô ône amatôbambéa gôédengana n’edi g’ôndômbedi na gô géneega samuene.

II Pierre 1:8

Okô mabégôme metso mane mandé gôndé anye na mayekegea, mangô makoa anye nôka oma angudi, gôéyanzéa na gôémenya Kumu asô n’anyô Jésus‐Christ.

I Jean 1:2

Vamatsutsuga monyoe ône tômeena angô. T’ebandô we tôndé mbangiye gôénôtsuéa tsangône na tônôékéda mane mamonyoe ôdôô amôbô na môbô ône amabaka vavo na Téta Nzambé.

I Jean 1:3

One ômeena we na ône ômookô we te angô ôtsuéa we anye. Te mbe nôngagésangana môvo n’asô na vitoone éndé n’asô na Téta Nzambé na Muanedi Jésus‐Christ.

I Jean 2:23

Ekegea te nane. One akina Muana ANzambé Jésus, akina dôta na Téta Nzambé. One asinga Muana asinga na Téta.

I Jean 4:6

Géé gôndé wa n’anyô, tôndé asi Nzambé. One asabômu Nzambé, atôôkéô. Géé ône asamenya Nzambé asatôôkéô. Te gô mônongoe ône tômenya étatôa Gédidi sapie na gédidi sadiboe.

I Jean 5:20

Tôsabômu dôta mbe Jésus Muana ANzambé amaviga na gô tsina amatôétsa éodo gôémenya Nzambé, angô ône apie. Wa n’anyô tôndé môvo na Nzambé ône apie te gô ngudi yaMuanedi Jésus. Te angô Nzambé apie na Kumu amonyo amôbô na môbô.