Jean 17:23 - New Testament in Mitsogo

²³ Me nandé gôndé ahngô. Ewe ôndé gôndé me. Vane gô évambee éne éavitoo, asi tsengene angeena na vede mbe te éwe ômatôma me na éwe ônyôngéô omee woo ganyôngéô éwe me.

Jean 17:23 ပူးပေါင်းရင်းမြစ်များ

Jean 10:38

Géé me, nayanza te mane manyôngéô Téta, n’anye nôgétsumaka me paga. Béyé gatsumanye me paga, singani mane meenanye me nayanza. Vane paga yanyô dinganôtôga. N’anye nôngamenya mbe na gô pie, Téta Nzambé andé môvo n’ami. Na me dôta nandé môvo n’edi.

Jean 13:35

Nôngamenyanganô n’oma muetso mbe aneengie aJésus te gônyônganéô anyene n’anyene.

Jean 14:10

Tambô ôgétsumaka paga gôénda me mbe me nandé môvo na Téta. Na Téta dôta andé môvo n’ami. Metso mavovo me n’anye muetso, kaka mamemuene. Téta, ône andé môvo n’ami, adugéda te mane manyôngéô angô.

Jean 14:23

Jésus amanigôa mbe: Okô môma anyôngéyiô me angagobeda éne évovo me. Téta angamônyôngéô. Vane wa na Téta tôngaviga na gôndé angô gôédigaa gô môtémedi.

Jean 15:9

Me nanyôngéô anye mônongovo ganyônganéô me na Téta. Nômbianôtôga gô évambee éndé anye n’ami.

Jean 16:27

Menyami mbe amuene Téta anônyôngéô. Anônyôngéô gôébégô anye nônyôngéô me, na anye nôsatsuma me paga mbe tsivigé gôndé Nzambé.

Jean 17:11

Me nanôtôgi tsabadô gô tsengene, géé ahngô asinôtôga, agébaka gô tsengene. Me naviga te na gôndé éwe. Nagôduka Téta Nzambé, kenea ahngô gô ényangee éainee éoo, te ane ameetsewe me. Nanyôngéô mbe ahngô abé môvo gandé wa n’oo tôndé môvo.

Jean 17:21

Nagôduka Téta mbe angô muetso angaba môvo na wa n’oo, gandé éwe môvo n’ami. Me dôta nandé môvo n’ewe. Nagôduka mbe anguene angaba n’evamba gômbe asi tsengene asangatsuma paga mbe me tsitômu n’ewe.

Jean 17:24

Téta, éwe ômeetsa me ahngô. Me nanyôngéô mbe gôngaba me, n’ahngô dôta ahngaba wangô. Gômbe angeena ôbébayi ondômbee wami. Te ôndômbee ômeetsô me n’ewe gamootéa éwe ényôngéô me, bandôa v’ebandô tsinane madeo ésikanô.

Jean 17:26

Me namagômenyeda gôndé ahngô. Na nangoomba éahmenyeda gandé éwe. Vane étondoe éndé n’ewe gôndé me, éngaba gôndé ahngô. Na me dôta nangaba gôndé ahngô.

Jean 17:3

Monyoe amôbô na môbô ôkegea mbe, omee ane angavamba n’ewe Nzambé épo éapie ôsaba na gégoni. Ekegea dôta mbe angavamba na Jésus-Christ, ône amatôma éwe.

Jean 17:8

Me nameetsa ahngô mabégôme mamadiia me gôndé éwe. Ahmamasinga. Ahmanigôgéô na gô pie mbe me namaviga te gôndé éwe g’ôba. Ahsitsuma me paga mbe: ôsikudégu na Nzambé.

Jean 3:17

Nzambé amatôma Muanedi na gô tsina, kaka gôéeséda oma ivô te mbe oma muetso angoobou n’edi.

Jean 6:56

One angaaka ôtôe wami na anganyuaka nzina yami andéké monyovo n’ami. Me dôta nandé monyovo n’edi.

I Corinthiens 1:30

Nzambé amanôgésanganéda monyovo na Jésus‐Christ. Gô ngudi yaNzambé, angô Christ te éodo éasô n’anyô. Gôndé angô Christ, tômatsimamédu gébé n’oési va mbene aNzambé. Na tôka môvo na Nzambé tômaviia mane matsengene ngima gô pitsi yasô yava tsina. Gôndé Christ tôndéké tômoobouni.

II Corinthiens 5:21

Jésus‐Christ asibaké n’ebéva ivô Nzambé amakoa angô aka môbévi gô ébévee éasô n’anyô. Wa n’anyô dôta tôsibaké n’etsimama ivô Nzambé amakoa we tôka tômatsimamédu gô étsimamee éaJésus.

Galatie 3:28

Tambô gôsabadô ôkabô va gatse Ajuif n’ane ahsaba Ajuif, va gatse avéga n’ane asaba avéga, va gatse amôgôô n’ageto. Muetso tôndé môvo na vitoo na Jésus‐Christ.

Philippiens 3:15

Wa n’anyô tômadinga gô mabégô mema na tôsaba ana avembo gô mbumu éaNzambé, buedi mbe tôbaké muetso n’etasee gôédiia éne éndé v’ekôdéô. Buéyé gandé avo va gatse anyô na mene matasa, amuene Nzambé anganôtévéda éne éapie.

Colosses 1:28

T’ebandô tônigôa oma muetso Tsangô éaChrist, ône amasevou na Nzambé. Tôevéda na tôéékéda môma na môma. Tôénda nane n’ekena éetso buta mbe tôtsigéda môma na môma va mbene aNzambé, kaka mbe andéké ana avembo gô mabégô maNzambé, ivô mbe andé môma amadômbéa gô vitoone éndé n’edi na Jésus‐Christ.

Colosses 2:2

Nagenya gôndé anye te mbe mitéma mianyô miyôé na bôkédé gébé na gomo, na mbe nôbaké muetso n’evambevo na vitoo. Na mbe nôbaké n’eodo éapie gôébégô éangô te ôkiti ôvôni ônôsuméda mitéma. Eodoe éne énômenyeda matasa maNzambé masinigôganéô na mbeego. Na mangô te amuene Christ.

Colosses 3:14

Va ngongo ametso mane nyepedani mônongoe wanyô n’etondo gôébégô éangô te évamba ékata mitéma mianyô gôéba na vitoo épo.

I Pierre 5:10

Nzambé, Kumu éangeba yetso, amanôbambéa gô ina aJésus‐Christ gôéba g’ôndômbedi amôbô na môbô. Vangamana anye ésindéa maguga gô pesu aviyénza, amuene Nzambé anganôbôngaméda, anganôsipéda, anganôkasôgéda na anganôodeda pepe géniké ngima.

I Jean 1:3

One ômeena we na ône ômookô we te angô ôtsuéa we anye. Te mbe nôngagésangana môvo n’asô na vitoone éndé n’asô na Téta Nzambé na Muanedi Jésus‐Christ.

I Jean 3:1

Eenakani ganyôngéô Téta Nzambé wa n’anyô. Angô atônyôngéô ti v’ekôdéô éenyôngéô, t’ebandô tôtetu mbe ana aNzambé ag’ôbôtu. Na tôndéké anedi apie. Asi tsengene asamenya Nzambé ?nayee angamenya wa n’anyô gôénigôgéô mônongoe wasô n’anyô tôndé anedi? Asangamenya.

I Jean 4:19

Enyônganéô éndé n’asô n’anyô, mapangame te Nzambé amapanga ényôngéô wa n’anyô.

Gétsutsuéô 3:9

Oôkôni éne éngeenda me ane andé aneegedi aSatan. Ahngô apatie eenda mbe: We te Ajuif, tambô kaka Ajuif. Nangatsôpa ahngô nakudéga ahngô gôésiba mabongome va mbene anyô gôénôneegeda. Ahkinéyee. Gô éne ahngeena gootéa me ényôngéô anye.