Jean 17:22 - New Testament in Mitsogo

²² Me nameetsa ahngô ôndômbee okumakee ômeetsô me n’ewe, te mbe angaba môtémovo gandé wa n’oo tôndé môtémovo.

Jean 17:22 ပူးပေါင်းရင်းမြစ်များ

Marc 6:7

Amabambéa aneengie edi nzima n’abaé na amakeda ahngô abaé abae gô mbôkaye. Ameetsa ahngô ényanga gôétôma édidi ébévani.

LUC TSANGO EAMOSOBA EMATENDA 22:30

Gômbe nôngaa na nônganyua va tabudé éami g’ôkumu ami. N’anye nôngadigaa gô édigaa éokumaka gôétsundéda nzima na mabôta mabaé maIsraël.

Jean 1:14

Ogi ômakoga môma. Angô kumu amabégô mapie, amanyônganéô na Tétedi vamadigaangô va tsina va gatse awa n’anyô. Tômeena ôbébayi wetso ondômbee wedi, te ône ookumakee ômeetsô angô na tétedi, angô Muana ekika.

Jean 1:16

Wa n’anyô muetso tômani édiia ôkabô okitie ôndé n’edi. Tômadiia te mate makôndamani.

Jean 14:20

Gô nyaa ôvigani ône, anye nônganigôgéô mbe me Jésus nandé gôndé Téta. Na anye nôndé gôndé me. Me dôta nandé gôndé anye.

Jean 17:24

Téta, éwe ômeetsa me ahngô. Me nanyôngéô mbe gôngaba me, n’ahngô dôta ahngaba wangô. Gômbe angeena ôbébayi ondômbee wami. Te ôndômbee ômeetsô me n’ewe gamootéa éwe ényôngéô me, bandôa v’ebandô tsinane madeo ésikanô.

Mayanzame 5:41

Ane amatômukuni amanôtôga gô eba amisoso. Amatsôkéa na gényônga gévôni mbe: Nzambé amasevoa we gôétubédu gékuanô saina aJésus.

Romains 8:30

V’ebandô Nzambé amasevoa ane angaba eedi na amabambéa ahngô. Ane amabambéôni, na amaabéani, Nzambé amatsimaméda ahngô ti eembe asaba n’oési va mbene edi. Ane amatsimaméduni, Nzambé amagésangana n’ahngô g’ôbébayi ôtubéda ôndômbee wedi.

II Corinthiens 3:18

Wa n’anyô muetso tôsaba gamabaka Moïse na gédimô gémapikô na môkanda. Tôndé na édimô éasô n’anyô éava vede étana n’obébayi ôtubéda ôndômba ôndé na Kumu. Na wa n’anyô tôndéké tômakoamani tôgono na amuene Kumu. Ondômbee n’obébayi wedi aNzambé ôndé n’asô n’anyô deo noo, madeo ôsigono n’one ôngaba n’asô n’anyô. Eetso éne te éyanza éaGédidi SaKumu gô mitéma miasô n’anyô.

II Corinthiens 5:20

We gébika saChrist tôvovo n’anye, ti eembe te amuene Christ avovo n’anye. Tônôbambéa ti eembe te amuene Nzambé anôbambéani. Tônôgondo gô ina aJésus‐Christ mbe singani angô gôénikéa évambédu évambevo na Nzambé.

II Corinthiens 6:1

T’ebandô we eekédi tôyanza évévé éyanzevo na Nzambé, tônôtôma mbe: Nômbiasinga édimbanéda ngeba dimeenanô anye na Nzambé.

Ephésiens 2:20

N’anye dôta nômani égésu gô eba ôsaaô va ngongo obôga. Obôgee te eekédi amasevou na amatômu na Christ, na te apandôédi amatasa maNzambé. Eengôe ésipa ebee te amuene Jésus‐Christ.

Philippiens 1:29

Bangôani mbe Nzambé amatôétsa ébégô évôni ôbiia, te gôéyanzéa Jésus‐Christ. Tômamôyanzéa gô minongo mibaé. Oô mônongo te gôémôétsa mitémamie gébé na paga. Oô mônongo dôta, te gôétubédu gékuanô gô inedi.

Colosses 1:24

Deo noo natsôkéa magugame meena me gôndé anye. Menyani mbe gô magugame meena ôtô ami, me nadugéda magugame mameena Christ gôéoboo ôtô edi. Otô edi te mbumu éaNzambé.

I Jean 1:3

One ômeena we na ône ômookô we te angô ôtsuéa we anye. Te mbe nôngagésangana môvo n’asô na vitoone éndé n’asô na Téta Nzambé na Muanedi Jésus‐Christ.

I Jean 3:24

One agobeda mitôma na mige miaNzambé andé na vitoo na Nzambé, na Nzambé andé na vitoo n’edi. Ndémbone émeembô wa n’anyô étubéda mbe Nzambé andé na vitoo na wa n’anyô, te Gédidi sedi gémeengédangô na gôndé wa n’anyô.

I Jean 4:17

Nôeni éne étubéda mbe étondoe éndé gôndé wa n’anyô éndé gébé n’okana, te mbe gô nyaa amôtsundu wa n’anyô tôbaké n’ekasôga na mitéma mimasumani gétsumé Nzambé paga. Nyoone tôngaba n’ekasôga gôébégô mônongoe ômabaka Jésus‐Christ gô tsenge nedué te ône ôndé na wa n’anyô.

Gétsutsuéô 21:14

Môgômbee amôsengee ône ômadigédu gô ngongo obôgee ômasaaô na nzima adibobo na dibobo dibaé. Gô yangô gômatendu nzima amina na mina mabaé maane amasevouni na amatômukuni n’amuene Môpaga Endombo.