Jean 17:13 - New Testament in Mitsogo

¹³ N’atsatsee naviga na vandé éwe. Navovo n’ewe mabégô mema, nagébaka gô tsenge nedué. Nanyôngéô mbe mitéma miaô miyôé na genyônga sami gésaba n’okana.

Jean 17:13 ပူးပေါင်းရင်းမြစ်များ

Jean 13:3

Amuene Jésus asibômu mbe: Me namatimôga g’ôba gôndé Nzambé gôéviga na gô tsina. Me nanganika na gôndé Nzambé. Eetsô éndéké gô tsina eenyangee émeetsô me na Nzambé.

Jean 15:11

Me nanôbeendi mabégô mema gômbe ékasôgee éami éngaba gôndé anye na gényônga sanyô géngaba gésaba n’okana.

Jean 16:33

Namani énônigôa metso mane te mbe gétabége sanyô géngaba te gô évambee éndé anye n’ami. Gôgébakanye gô tsina, nôgébaka te gô panda. Ivô tsôkéakani na bôkédé. Gô ébadie égenyu gô tsengene, me namani éediia.

Jean 17:11

Me nanôtôgi tsabadô gô tsengene, géé ahngô asinôtôga, agébaka gô tsengene. Me naviga te na gôndé éwe. Nagôduka Téta Nzambé, kenea ahngô gô ényangee éainee éoo, te ane ameetsewe me. Nanyôngéô mbe ahngô abé môvo gandé wa n’oo tôndé môvo.

Jean 3:29

Muéba te amômiedi, kaka amuene môma. Buéyé nane, wee amômôgôône andé te va kôbangô edi gôéôkô ôgie edi. Na angô atsôkéa gô gényôngage sawee edi. Gényôngage géne te sami. Na géndéké gémadugani.

Jean 7:33

Jésus amapandôéda ahngô mbe: Me nagébaka n’anye ti vipesu viandéô, te me keaga na gôndé ône amatôma me.

Mayanzame 13:52

Aneengie aJésus gô Antioche amabaka mitéma miaô mimayôa na Gédidi SaNzambé na ahmatsôkéa na gényônga gévôni.

Romains 14:17

Okumu aNzambé ôsangono na môyakô na meba. Oôtéa mane. Mabégô mokumu aNzambé te metsimama, na magétabé, na magényonga meetsa Gédidi SaNzambé.

Galatie 5:22

Tambô gabôta géétété samôsôba miônda miedi miamisôba, mônongovo gaGédidi SaNzambé gébôta gô môtéma amôma ésima éedi éamisôba. Gébôta t’etondo, na gényônga, gétabé, ôbibô, tsôvé oma, ngeba, mavôma,

Hébreux 12:2

Tôboneni misome masô n’anyô na nzôô na gôndé Jésus. Bandôa v’ebandô ngu na v’ekôdéô, mitéma miasô n’anyô mindéké te gôndé angô gébé na buétsé. Jésus amasinga mbe oma abôkédé angô va gésumu sowa na amawa te vangô. Owa ava gésumu sowa, te ôwa atsoyi. Tambô Jésus asitanganédé tsoyi nene, ivô amaténdéda gô gényôngage gémakeneo gôndé angô va mbene owa. Deo noo andé digaa g’ôba gô géeyo gémôgôô sagédigaa saNzambé sokumaka.

I Jean 1:4

Tônôtendéa mabégô mema te mbe gényônga sasô n’anyô géngaba ga kaka sagétabé.

II Jean 1:12

Mabégô mandé n’ami gôénôbeenda ti mayekani tsanganôbeenda mangô gô gésangô. Memuene nanyôngéô éviga gôévovo n’anyô va miso manyô gômbe wa n’anyô tôngatsôkéa muetso.