Jean 17:11 - New Testament in Mitsogo

¹¹ Me nanôtôgi tsabadô gô tsengene, géé ahngô asinôtôga, agébaka gô tsengene. Me naviga te na gôndé éwe. Nagôduka Téta Nzambé, kenea ahngô gô ényangee éainee éoo, te ane ameetsewe me. Nanyôngéô mbe ahngô abé môvo gandé wa n’oo tôndé môvo.

Jean 17:11 ပူးပေါင်းရင်းမြစ်များ

Matthieu 10:16

Jésus angô mbe: Oôkôni buedi. Me nanôkeda mônongovo ga mandombo mandé va gatse anzego. Tambô banaki n’ekena ga nyogo. Bakani dôta ga ménga gébé na mangônzô.

Matthieu 5:48

Tétanyô ône andé g’ôba andé ti gébé n’oési gô mabégô metso. Tambô bakani gandé angô.

Matthieu 6:9

Nôeni mônongoe ônyepa évovo na Nzambé. Nôvovo te mbe: Tétasô ôndé g’ôba Nanyôngéô mbe inoo éneegedu.

Jean 13:1

Emabaka te nyee ômabambana na sueti éaPâque. Jésus asibômu mbe, ndéône ébuéyi gôndé angô gôénôtôga gô tsengene na gôékea na gôndé Tétedi. Bandôa v’ebandô môtémedi ômanyôngéô omee wedi ava tsina. Gényônganéôge géné gésinôtôgé ngu na v’ekôdéô.

Jean 13:3

Amuene Jésus asibômu mbe: Me namatimôga g’ôba gôndé Nzambé gôéviga na gô tsina. Me nanganika na gôndé Nzambé. Eetsô éndéké gô tsina eenyangee émeetsô me na Nzambé.

Jean 14:20

Gô nyaa ôvigani ône, anye nônganigôgéô mbe me Jésus nandé gôndé Téta. Na anye nôndé gôndé me. Me dôta nandé gôndé anye.

Jean 16:28

Me namaviga gôndé Téta gôétsiga na gô tsengene. N’atsatsee nanôtôgi gô tsengene gôénika na gôndé Téta.

Jean 16:33

Namani énônigôa metso mane te mbe gétabége sanyô géngaba te gô évambee éndé anye n’ami. Gôgébakanye gô tsina, nôgébaka te gô panda. Ivô tsôkéakani na bôkédé. Gô ébadie égenyu gô tsengene, me namani éediia.

Jean 17:23

Me nandé gôndé ahngô. Ewe ôndé gôndé me. Vane gô évambee éne éavitoo, asi tsengene angeena na vede mbe te éwe ômatôma me na éwe ônyôngéô omee woo ganyôngéô éwe me.

Jean 17:25

Téta, kumu éetsimama, asi tsengene asamenya éneegeda éwe, géé me tsabômu égôneegeda. Omee woo adua asabômu mbe te éwe ômatôma me.

Jean 17:6

Me namamenyeda éwe gôndé oma amayuua éwe va gatse asi tsengene. Omaweseda ahngô na gôndé me. Omeaa te woo. N’ewe ômeetsa me ahngô. N’ahngô amagobeda ôgie woo.

Jean 7:33

Jésus amapandôéda ahngô mbe: Me nagébaka n’anye ti vipesu viandéô, te me keaga na gôndé ône amatôma me.

Mayanzame 3:21

Gô ndéô nedué Jésus-Christ andé digaa g’ôba. Asanganôtôga gône ngu na vangabuéa ndéône éngakou éetso éka wene mônongo. Amuene Nzambé amatôevéda mbeego mbe éngaba te nane. Te gamavovo apandôédi amatasa medi.

Romains 12:5

Endé te nane. Wa n’anyô tôndé ôtô ôvo na Christ. Tôndéké éeme éyekani tômagésangana gôéduga ôtô ôvo. Na tôndé gôéyanza ngudi dipo.

Romains 9:17

Tôtanga gô Matendeo MaNzambé mane mamavovo Nzambé na môtômi atsenge éEgypte. Nzambé angô mbe: Me namagôsevoa gôéba môtômi atsenge gômbe ngudi yami dingeenanô na inami éngookanô gô tsinane nyetso.

I Corinthiens 1:10

Ana aTéta gô ina aKumu asô n’anyô Jésus‐Christ me nanôongô mbe: Bakani na ésinganéa gébé na tatô. Bakani n’évambevo n’etasevo gôékea nzéepo.

Galatie 3:28

Tambô gôsabadô ôkabô va gatse Ajuif n’ane ahsaba Ajuif, va gatse avéga n’ane asaba avéga, va gatse amôgôô n’ageto. Muetso tôndé môvo na vitoo na Jésus‐Christ.

Ephésiens 4:4

Tôndé muetso gô ôtô ôvo. Na gédidige sasô n’anyô SaNzambé te gévo. Tsoongone éasô n’anyô étôétsô na Nzambé te épo.

Philippiens 2:9

T’ebandô Nzambé amamôsangéga gôéba gô ngongo amuetso. Na amamôétsa ina éôtéa na miname metso mookanôni.

Hébreux 1:3

Jésus te gévede gévôni gétanédu n’obébayi ôtubéda ôndômba aNzambé. Gandéké Nzambé, te gandé Muanedi. Asumbéda tsina n’oba n’ogie wedi angudi. Vamamana angô égôgéda oma gô ébévee éaô amadigaa g’ôba gô géeyo gémôgôô te gésa senyanga éaNzambé, Kumu angudi yetso.

Hébreux 9:24

Gôébégô Christ asiengéé gô tsongo éadisambô édigaa Nzambé émasaaô na môma mbe Christ adeekeda amuene gône. Eba ôsaa môma gôéneegeda Nzambé te makanégéda mone apie ag’ôba. Jésus ameengéa na g’ôba gôéadeekeda amuene te gôétôsungéa va mbene aNzambé deo noo.

Jacques 4:4

Anye nôvamba mavamba mabaé. ?Nôsamenya mbe ône andé n’evamba n’esima éatsengene asaba n’evamba na Nzambé? One andé na vitoo n’esima éatsange nedué akoga te môdudeo aNzambé.

I Pierre 1:5

N’anye nôngamidiiani nôkeneo na ngudi yaNzambé gômamôétsanye mitémamie mianyô gémôtsumé paga. Nôkeneo ngu na ndéône éamôyusumédu éngadiia anye géobogeo. Sangô gémamana ékônzu na gématsutsuu gô ndéône éamôyusumédu.

I Jean 3:12

Tômbiaba gamabaka Caïn, angô amabaka môma atômu na yabédé, amayôha muanayeedi. ?Amamôyôha gôndé? Te gôébégô mane mameendaka Caïn mamabaka mabévani, géé mane mamuanayeedi mamabaka manyepani meetsimama.

I Jean 5:19

Tôsabômu mbe tôndéké ana aNzambé na tsengene nyetso éndéké gô tsina otômu aMôbévine.

Jude 1:1

O te me Jude, môyanzi aJésus‐Christ. Me te muanayaa aJacques. Natendéa anye nômaabéa gômabambéô anye na Nzambé na nôdigaa évambevo n’edi anye nôkeneo na Jésus‐Christ.

Jude 1:24

Kumédani Nzambé, ône andé na ngudi gôénôsipéda gô ékôbee éetso. Andé na ngudi gôénôtsigéda vandé amuene, ti eembe nôsaba n’oési. Anganôtsigéda na gényônga gémootéani gôéengéa na g’ôndômbee wedi wetso.

Gétsutsuéô 15:4

?One asookô éwe gomo indaa? ?One akina éneegeda éwe indaa? Ewe te Kumu éetsimama, gôsaba muene. Asi tsengeye yetso ahngaviga gôékotomo va mbene oo gôégobeda éwe. Géesédéôge soo gésapenganani gémeenanô va vede.

Gétsutsuéô 19:12

Miso medi moobébayi ga soto. Gô môtsé amaata épôkôdô éyekani éokumaka. Gôndé angô gômatendu ina ésoongôa môma émenya buétsé te amuene.

Gétsutsuéô 4:8

Eômee énayi éne évégumani émabaka éetso na papa môtôba môtôba. Na yôtô yaô yetso te miso matévo na gô gatse na va ngongo. Eangô ésigogeke étôa émbô na pitsi n’omanda. Ematôa mbe: Amatsimamani. Amatsimamani. Amatsimamani. Te angô Nzambé Amôbô na Môbô, Kumu angudi yetso. Te ône amabakani na andékéni, na angavigani.