Jean 17:1 - New Testament in Mitsogo

¹ N’emana énigôa aneengie nane, Jésus amabôkaméa na g’ôba gôévovo na Nzambé. Angô mbe: Téta, ndéône ébuéyi. Itsa Muanoo me, géneega sondômbee woo gômbe Muanee dôta angagôneegeda.

Jean 17:1 ပူးပေါင်းရင်းမြစ်များ

Marc 14:41

Vamoomba Jésus éviga kukane éamôtatô ameevôa ahngô mbe: ?Nômbi te éeboga‐a? ?Nôdigaayi‐a? ?Nôgogi‐a? Nôeni, ndéône ébuéyi. Me Muana Amôma namani ékabô na gôndé oma abévani.

LUC TSANGO EAMOSOBA EMATENDA 18:13

Môbongi adepu asiwesea na gô mbene gô eba aNzambé. Asiyeege ébôkaméa. Ivô amadéa, amabômôa mbômedi ameeséda amuene, na amamema mbe: Ah Nzambé eena me ngeba. Me te môma môbévani.

LUC TSANGO EAMOSOBA EMATENDA 22:53

Namabaka n’anyô minya mietso gô eba aNzambé. Nôsibandé me. Ivô ndéô nedué te gôndé anye na gôndé ône anôtôma nôndé gô ngudi yedi yevitsi.

Jean 11:4

Vamookô Jésus ôgie ône amanigôa aneengi edi mbe: Beeagane éndé na Lazare, kaka éowa. Abeea nane te mbe Nzambé angakumédu gôngeenanô ngudi yedi. Muana ANzambé angakumédu gô éangô.

Jean 11:41

Etaé émakôngégu. Jésus amabôkaméa na g’ôba gôévovo na Nzambé mbe: Téta, nagôkuméda gôôkéyiô éwe me.

Jean 12:23

Jésus amasupua ahngô mbe: Ndéône ébuéyi gôndé me Muana Amôma gôéétsô ôkumakee wetso.

Jean 13:1

Emabaka te nyee ômabambana na sueti éaPâque. Jésus asibômu mbe, ndéône ébuéyi gôndé angô gôénôtôga gô tsengene na gôékea na gôndé Tétedi. Bandôa v’ebandô môtémedi ômanyôngéô omee wedi ava tsina. Gényônganéôge géné gésinôtôgé ngu na v’ekôdéô.

Jean 16:32

Oôkôni édué. Ndéône éngabuéa, na émani ébuéa, anye nôngapanzangana, môma na môma na gô wedi eba. Na nôngatsika me te memuene na koo. Eébéyée nane tsaba memuene, amuene Téta andéké n’ami.

Jean 7:30

Vane oma amanyôngéô étsôpa Jésus ivô gôsibé môma amamôbandani. Ndéône éedi éetsôpu madeo ésibuéa.

Jean 7:39

Jésus amavovo nane gôépandôéda gangaviga Gédidi SaNzambé gôéengéa na gôndé ane eetsa Nzambé mitémamie miaô. Ivô gô ndéône ématemangô gôévovo, Gédidi SaNzambé gémabaka madeo gésisuma gôébégô amuene Jésus amabaka te madeo asikea na g’ôba gôndé Nzambé.

Jean 8:20

Jésus amavovo mabégô mema andé gôéékéda gô eba aNzambé. Amabaka va kôbangô eegaa émakuyu dode yadibiia. Gôsibé môma amamôtsôpani gôébégô ndéône yedi émabaka madeo ésibuéa.

Mayanzame 3:13

Menyani mbe Nzambé, ône amaneegedu na Abraham na Isaac na Jacob, te Nzambéne émaneegedu na peeye yasô n’anyô, ameetsa ôndômbee wedi wetso gôndé môyanzi edi Jésus. Te ône amadeekeda anye na gôndé ane atômani. Nômamôtôna va mbene aPilate buéyé gamamyôngéô amuene Pilate émônzeegeda.

I Pierre 1:21

Gô ina aJésus‐Christ, mitéma mianyô misatsuma Nzambé paga, ône amakundua Jésus va gatse oma amawani. Na amamôétsa ôkumaka n’ondômba gômbe mitéma mianyô na tsoongone éanyô éngaba gôndé amuene Nzambé gébé na buétsé.