Jean 15:10 - New Testament in Mitsogo

¹⁰ Okô anye nôénda mane manôtôma me, nôndéké évambevo n’ami. Mônongovo gameenda me mane mamatôma Téta, na me nandé évambevo n’edi.

Jean 15:10 ပူးပေါင်းရင်းမြစ်များ

Jean 10:18

Gôsaba môma anôtôa me monyoe wami gôéyôhu. Ivô naadeekeda memuene gôéwa. Nandé n’enyanga gôéadeekeda memuene gôéwa. Nandé n’enyanga dôta éomba éba na monyo. Te éne ématômu me na Téta.

Jean 12:49

Menyani mbe me tsavovo gô ényangee éamemuene. Te Téta, ône amatôma me ameetsa me mabégôme mavovo me na meekéda me anye.

Jean 14:15

Okô nônyôngéyiô me, nôngeenda te éne étôma me anye.

Jean 14:21

Okô môma atanganéda mane mamatôma me, na amagobeda, vane namenya mbe môma nône anyôngéô me na avamba n’ami. Vanyôngéô angô me, anganyônganéô dôta na Téta. Na me nangamônyôngéô te mônongovo. Na nangatsutsuga te gôndé angô.

Jean 14:23

Jésus amanigôa mbe: Okô môma anyôngéyiô me angagobeda éne évovo me. Téta angamônyôngéô. Vane wa na Téta tôngaviga na gôndé angô gôédigaa gô môtémedi.

Jean 14:31

Eébéyée nane, buedi mbe asi tsinane muetso eena ganyôngéô me Téta gôgobeda me éne ématômu me na Téta. Timôgani. Tônôtôgéni éva.

Jean 17:4

Namatsutsuéda gô tsina géneegage sondômbee woo. Eyanzee évôni émeetsô me n’ewe, namani éedugéda.

Jean 4:34

Jésus amanigôa ahngô mbe: Môyakôe wami te gôégobeda ône amatôma me. Môyakôé wami dôta te gôémana éyanza ématômu me n’edi.

Jean 8:29

One amatôma me andéké n’ami. Menyani mbe asatsika me tsani gôénda me mane manyôngéô amuene.

Jean 8:55

Tambô anye nôsamômenya. Me tsamôbômu. Okô me neendi mbe tsamômenya tambô me te môpati g’anye. Me tsamôbômu. Nagobeda ôgie wedi.

I Corinthiens 7:19

Ogeetuye, ôsageetuyee ésaba ébégô. Ene éndéké ébégô évôni te gôégobeda mitôma miaNzambé.

1 Thessaloniciens 4:1

Ana aTétee asi mbumu éaNzambé, nômani émenya môdigédi na ésima éamisôba ényôngéô Nzambé. Na gô pie nôdigaa te gô angô. Ivô deo noo nanôtôma, na nanôgondo gô ina aKumu Jésus mbe, ombani ényepeda mônongoe wanyô.

Hébreux 7:26

Jésus te môdeekedi môvôni adigondoku. Mbeka angô, wa n’anyô oma mbe tôsaba na tsoongo. Andé n’etsimama éetso. Asaba n’ebéva. Asaba na ébégô ébévani ta n’evo. Amaaganédu n’oma abévani gôétômbu na gô ngongo gômadigédu angô.

II Pierre 2:21

Mbe ahsimenyeke nzéane éetsimama mbe teamôsôba. Géé ti vamamenyahngô yangô na mitômamie na migemie mietsimama mimakitséô ahngô, na gôéoma émitsika te édagani.

I Jean 2:3

Okô tôkenea mitôma na mige miaNzambé vane tôtubéda mbe tôsabômu Nzambé.

I Jean 2:5

Géé, gôndé ône akenea mane matôma Nzambé, angô te môma ootéa ényôngéô Nzambé na môtémedi wetso. Na vane tômenya mbe tôndé môvo na Nzambé.

I Jean 2:6

One avovo mbe: Me te môvo na Nzambé, adigéké gamabaka Jésus.

I Jean 5:3

Menyani mbe éne étubéda mbe wa n’anyô tônyôngéô Nzambé te gôtôkenea mitôma na mige miedi. Na miangô misaba mbe midaga pepe gôndé wa n’anyô.

Gétsutsuéô 22:14

Ti gô gényônga géndé n’anye nôndé gôéôvôa mikanda mianyô, te anye nôndé ngu gôéaa miônda miagéétété géétsa monyo na te anye nôngeengéa gô diômbaa yamôsenge.