Jean 14:2 - New Testament in Mitsogo

² Gô eba aTéta gôndéké édigaa éyekani. Me nakea gôénôkônzéa tungu. Mbe gôsaba nane, mbe tsinôbeenda nane.

Jean 14:2 ပူးပေါင်းရင်းမြစ်များ

LUC TSANGO EAMOSOBA EMATENDA 14:22

Môyanzine amabeenda kumu éamôambôe mbe: Ane abambéyi éwe gô mikii ahnguaa. Gôgébaka gétungu.

Jean 13:33

Anami, nagébaka vavo n’anye te vipesu viandéô. Ene émanigôa me Ajuif, nanônigôa éangô te mônongovo. Nôngabuta me ivô gôkea me anye nôsangagôbuéa.

Jean 13:36

Simon Pierre ameevôa Jésus mbe: ?Kumu ôkea na gôni? Jésus amamônigôa mbe: Gôkea me, éwe ôsangabuéa n’atsatsee. Ivô ôngaanda me gô ngima.

Jean 14:28

Nômani éôkô éne émavovo me n’anye mbe me nakeyi, ivô nangoomba éviga na gôndé anye. Anye mbe nômanyôngéô me na gô pie, anye mbe nômatsôkéa na gényônga setso vookô anye mbe Jésus akea na gôndé Téta, gôébégô ngudi ya Téta diôtéa dine yami.

Jean 16:4

Me nanôévéda mabégô mema te mbe vangeenanô mangô mabuéa, nôsangatsapéô. Nôngabangôa mbe: Ii, tômookô mangô. Jésus amatôévéda te nane. V’ebandô tsinônigôé metso mane, gôébégô memuene namabaka vavo n’anyô.

Jean 17:24

Téta, éwe ômeetsa me ahngô. Me nanyôngéô mbe gôngaba me, n’ahngô dôta ahngaba wangô. Gômbe angeena ôbébayi ondômbee wami. Te ôndômbee ômeetsô me n’ewe gamootéa éwe ényôngéô me, bandôa v’ebandô tsinane madeo ésikanô.

Mayanzame 9:16

Memuene nangamôtubéda éetso éngeenangô maguga gô inami.

II Corinthiens 5:1

Tôsabômu mbe yôtôye yasô n’anyô te yeba yebandé didigaa we va tsina. Vangapanzô yebaye yebandé éedi, tôndé na yene yag’ôba dikenea Nzambé gôndé wa n’anyô. Amuene amayanza yangô na mogo medi na disangadôboo.

1 Thessaloniciens 5:9

Endé te nane. Nzambé asivangé gôndé wa n’anyô mbe tôngeena ôpisedi. Amavangéa wa n’anyô géobogeo gô ngudi yaKumu Jésus‐Christ mbe sangô gétôyuua g’ôpisa.

Tite 1:2

Nzambé anyôngéô mbe abé na tsoongo gô monyo ôsakôdéakani. Angô te Nzambé asapatani na amavangéa wa n’anyô monyoe ône, tsinane madeo ésikanô.

Hébreux 11:10

Abraham amaténdéda gôéengéa gô môsenge ôvôni ômasaaô g’ôbôga amôsôba. Amuene Nzambé amatasa gamanyôngéô angô môsenge ône. Na môsééne te amuene Nzambé.

Hébreux 13:14

Tsenge nedué, kaka gévôgiméô sasô n’anyô. Tôndé gôéenéa môsenge ag’ôba amôbô na môbô gôngavôgima wa n’anyô.

Hébreux 6:20

Tsongo nene éndé gô ngima amôkanda ôvôni émeengéa Jésus gôndé wa n’anyô, we madeo tôsiengédu. Amakoga môdeekedi adigondoku, môsungéyi môvôni amôbô na môbô, gamabandôa Melchisédek.

Hébreux 9:8

Vane Gédidi SaNzambé gétôtubéda mbe, vagébaka ebee ôvôni amapanga, gôsaba nzéa gôndé oma abobo gôéengéa na gô tsongo éadisambô édigaa Nzambé gô eba ava ngenge.

Gétsutsuéô 1:5

Nôédiia dôta te gôndé Jésus‐Christ. Angô mbangi éaNzambé ésapatakani. Angô Jésus te Muana ANzambé amapanga ébôtuni. Na angô amapanga ékunduga g’ôwa andé na monyo amôbô na môbô. Jésus te Kumu akumu yetso ditôma va tsina. Angô atônyôngéô. Amawa gôétôoboo gô ébévee éasô n’anyô.

Gétsutsuéô 21:2

Nameena môsenge aNzambé, te Jérusalemene éamanza, éne émasutuméa g’ôba émabaka va kôbangô aNzambé. Emasutuméa ényepani ganyepa muéba akea gôéwanyédu na mômi edi.

Gétsutsuéô 3:12

Gôndé ône adiiani gô ébadie angaba éengô ésipa ebee wetso aNzambé éami, n’angô asangakusa wangô. Nangatenda g’ôtô edi ina aNzambé éasô n’edi na ina amôsenge aNzambé. Môsenge ône te nyene Jérusalem atsatsee ôndé va kôbangô amuene Nzambé na ôngasuma g’ôba. Nangatenda g’ôtô edi dôta inami éatsatsee éndé n’ami.

Gétsutsuéô 3:21

Gôndé ane adiia gô ébadi égenyuni, nangeetsa ényanga mbe ahdigaa n’ami gô gédigaa sami sokumaka. Mônongovo gamadiia me gô ébadi na me nadigaa vavo na Téta Nzambé gô gédigaa sedi sokumaka.