Jean 14:12 - New Testament in Mitsogo

¹² Me nanôbeenda na gô pie mbe, ône eetsa me môtémedi wetso, angeenda mane mamisôba meenda me. Angeenda na mavo mabégô mangootéa mane mami na ngudi gôkea me na gôndé Téta.

Jean 14:12 ပူးပေါင်းရင်းမြစ်များ

Matthieu 21:21

Jésus amanigôa ahngô mbe: Nanôbeenda na gô pie mbe ôkô anye nôétsa mitémamie mietso, gétsumé ngudi yaNzambé paga, nôngeenda éne ééndi me na géététége, na nôngeenda mavo mabégô mootéa mavôni. Nôôngôa évova na môkôdi ôdôô mbe: Môtôga na gô mubu. Na angô ôôngôa énôtôga na gô mubu.

Marc 11:13

Ameena aviga gôdagôda géétété gétetu mbe ôfiguier. Géététége géne gémabaka na yabiye na tsaguma. Jésus amakea gôéseta mbe buétsé angadenga miônda. Vamabuéangô va sangô ameena te yabi ditévo gôébégô ndéô nene kaka éne ébôtaka sango.

Marc 16:17

Menyani mbe ane eetsa Nzambé mitéma miaô ahngayanza émbégéa évôni étubéda ngudi yaNzambé. Embégéa te mbe ahngakuséda édidi ébévani gôndé oma gô inami. Ahngavovo gô yaanga yôgi disiikédu ahngô.

Jean 14:28

Nômani éôkô éne émavovo me n’anye mbe me nakeyi, ivô nangoomba éviga na gôndé anye. Anye mbe nômanyôngéô me na gô pie, anye mbe nômatsôkéa na gényônga setso vookô anye mbe Jésus akea na gôndé Téta, gôébégô ngudi ya Téta diôtéa dine yami.

Jean 16:7

Me nanônigôa ébégô éapie édué. Bangôani éangô. Gébatéô sami na g’ôba te ébégô éamôsôba gôndé anye. Okô tsibata, Môwedi mbe asangaviga na gôndé anye. Okô vakea me, nanganôkudégéa Môwedi.

Jean 4:37

Peeye yasô asibômu gamavovo ahngô mbe: Môgabine agaaba na môvo akôkéga.

Jean 5:20

Menyani mbe Tétee anyôngéô Muanedi. Na amôtubéda metso meendangô. Angamôtubéda dôta na mavo mayanza mootéa na mane mamapanga éenanôni. Na anye nôngatsapéô ti tsapéô.

Jean 7:33

Jésus amapandôéda ahngô mbe: Me nagébaka n’anye ti vipesu viandéô, te me keaga na gôndé ône amatôma me.

Jean 7:39

Jésus amavovo nane gôépandôéda gangaviga Gédidi SaNzambé gôéengéa na gôndé ane eetsa Nzambé mitémamie miaô. Ivô gô ndéône ématemangô gôévovo, Gédidi SaNzambé gémabaka madeo gésisuma gôébégô amuene Jésus amabaka te madeo asikea na g’ôba gôndé Nzambé.

Mayanzame 10:46

Amatsapéô nane te vamookô ahngô géômbé saCorneille avovo yaanga yôgi disiikédu ahngô gôéneegeda Nzambé n’okumakedi wetso. Vane Pierre amavovo mbe:

Mayanzame 16:18

Môgeto nône ameenda nane ti pitsi diyekani. Na Paul amabévéô. Nyovo amagéngôga na amavovo na Gédidi gébévani mbe: Gô ina aJésus-Christ, nagôtôma mbe kusa gôndé môgeto nône. Tsina na tsina gédidige géne gémakusa na gémanôtôga gôndé môgeto nône.

Mayanzame 19:12

Oma amabanda ôtô aPaul na mibôtô na mikanda miaô. Vane amakea gôébanda abeeyie na miangô na ahmadôngédu mabeeame maô. Edidi ébévani dôta émakusa gôndé oma.

Mayanzame 2:33

Jésus amadigédu gô géeyo gémôgôô SaNzambé. Gôndé Tétedi amadiia Gédidi SaNzambé géne gémamemeoko angô na Nzambé. Jésus amatsanzabanéda sangô na gôndé wa n’anyô mônongoe ôenanye na mônongoe ôôkô anye sangô deo noo.

Mayanzame 2:41

Tambô ane amasingaka mabégô mamavovo Pierre ameetsô bateme. Gô nyoone, mbumu éaNzambé émoomba ékôndama mitônisa mitatô mioma.

Mayanzame 4:16

Ahmavovo anguene n’anguene mbe: ?Tôngeenda nayee na amôgôô adua-a? Asi Jérusalem muetso amani éôkô ébégô évôni étubéda ngudi yaNzambé éyanzi amôgôôe abaé adua adôngédi gékonzoge. Tôsoongôa éékékôa.

Mayanzame 4:33

Ane amasevouni na amatômukuni amanigôa n’enyangee évôni gamakunduga Kumu Jésus g’ôwa. Na Nzambé ameetsa ahngô muetso mate mavôni.

Mayanzame 4:4

Ivô ayekani ane amookô meekédume mane ameetsa Jésus mitémamie gémôtsumé paga. Otangôe asi mbumu éaNzambé ômakôndama ômabaka ôkana amitônisa mitayi mioma.

Mayanzame 5:15

Oma amatsua abeeyi aô na gô kôbangô anzéa. Amayaméda ahngô gô ékaka na gô étava gômbe vangoota Pierre gô nzéane n’omanda, gédinadina sedi géngagônga avo abeeyie.

Mayanzame 6:7

Mabégô maNzambé mamoomba étsanzabana pepe. Otangôe aneengie ômakôndama pepe gô Jérusalem. Adeekedi ayekani adigondoku ameetsa Jésus mitéma miaô gémôtsumédô paga.

Mayanzame 8:7

Buéyé na édidi ébévani émaamugana na émakusa gôndé oma amatsôpu na mbeego na éangô. Pingô oma amabeeani, na ane amakataka yôtôye, n’ane amabaka ékonzo, amadôngédu.

Mayanzame 9:34

Pierre amavovo n’edi mbe: Enée, menya mbe Jésus-Christ agôdôngédi. Timôgaka. Kônzaka ékokoe ébaki éwe. Tsina na tsina Enée amatimôga.

Mayanzame 9:40

Pierre amapatsa oma muetso mbe: Kusani. Amasiba mabongo medi gôévovo na Nzambé. Amagéngôga gôébono nzumbine na amamôénda mbe: Tabitha, timôgaka. Môgetone amapôa misome. Vameenangô Pierre, amadigaa.

Romains 15:19

Amayanza na me gôétubéda émbégéa éangudi yedi, na gô mabégô manyônganéôni masoongôa môma ésupua, na gô ngudi yaGédidi SaNzambé. Te gameekéda me Tsangô Eamôsôba éaJésus-Christ, bandôa gô Jérusalem na nzéaye yetso dine ngu na gô tsenge éaIllyrie.