Jean 13:8 - New Testament in Mitsogo

⁸ Pierre amakina mbe: Aé, kaka éwe ôngoovôa makôdôme mami. Jésus amamônikéda mbe: Okô ôsisinga me gôégôôvôa ôsabadô n’evamba n’ami.

Jean 13:8 ပူးပေါင်းရင်းမြစ်များ

Matthieu 16:22

Na Pierre amabambéa Jésus na v’anguene. Amasungéa Jésus mbe: Ah Kumu ésangaba nane. Nzambé angagôkenea.

Matthieu 21:29

Muanee amakékôa mbe: Tsakea. Tsanyôngéô éyanzee éne. Ivô gô pesu andéô amakoa matasa medi na amakea gôéyanza gô tsaga.

Matthieu 26:33

Pierre angô mbe: Béyé mbe akasô agôtsikéké, gôndé me tsangagôtsika.

Matthieu 26:35

Pierre amoomba évovo mbe: Ti me gôégôtôna, viaa. Buéyé mbe ayôhéyee na me muetso, tsangoongôa égôtôna. N’akedi muetso amaabéa te mônongovo.

Jean 13:6

Jésus amabuéa na vandé Simon Pierre gôémôôvôa makôdôme. Simon angô mbe: ?Kumu, na gô pie ôngoovôa me makôdôme, ti éwe-a?

Jean 13:9

Simon Pierre amavovo na Jésus mbe: Okô mbe éndé nane, tambô ésangakôdéa na makôdô matévo. Kumu, ôvôa me na mogome na môtsée wetso.

Jean 3:5

Jésus amamônikéda mbe: Me nagôbeenda na gô pie mbe: ôkô môma asibôtu na meba, na Gédidi SaNzambé, asangatsôkéa ôtômue aNzambé na mateme medi.

Mayanzame 22:16

Tambô ômbiadinga. ?Oenéa ndé? Timôga. Buedi mbe ôétsô bateme na ôbambéa ina aKumu Jésus gôégôgédu ébévee éoo.

I Corinthiens 6:11

Nôeni minongomie mimabaka avo va gatse anyô. Ivô nômagôgédu ébévee éanyô na nômasevou na nômayuu gôéba oma aNzambé. Gô ina aKumu Jésus‐Christ na gô ngudi yaGédidi SaNzambé nômatsimamédu ti eembe nôsabadô n’oési va mbene aNzambé.

Ephésiens 5:26

Christ ameenda nane gôékoa mbumune yedi mbe éviia mane matsengene ngima gôéba môvo n’amuene Nzambé. Amamigôgéda na meba na ôgie wedi.

Colosses 2:18

Nômbiasinga mbe nôétsô ôési na pati môma andé môtémedi gô ésôgee gôéneegeda asi g’ôba ayanzi aNzambé. Môma nône akanéga mbe asugéda amuene tambô anyôngéô ékumédu n’oma. Angô dôta eetsa môtémedi gô miôtô mienangô. Môma nône andé na nyemo éabobo gô mônongoe wedi ôtasangô atsengene.

Colosses 2:23

Na gô pie, mangô meenanô na oma mbe mandé na tsoongo, na mawanya n’esôgee ényôngéô ahngô égobeda. Mangô makumédu mbe manyepa, te gôsugéda mangô môma mbe kabaga aba na nyemo. Na mangô makasôgéda ôtô amôma mbe aka ti pidi môma gô éne ééndi angô. Ivô mige na meekédume mane masaba na tsoongo va mbene aNzambé na masaba na ngudi yenôtôa manyima mabévani magô ôtô amôma.

Tite 3:5

Amooboo wa n’anyô. Asatôoboo gô ngudi yamayanza n’esima éasô n’anyô, gôébégô éangô ésinyepeke. Amatôoboo te ti gô dimeenangô wa n’anyô. Amatôoboo gô gégôgédéô samitéma miasô n’anyô gématôôvôu na Gédidi SaNzambé. Gégôgédéôge géné te géné gétôbôtu ôbôtu amôbaé, ône aGédidi SaNzambé. Na te géne gétôétsa wene mônongo amonyo, ône amôbô na môbô.

Hébreux 10:22

Tambô tôweséni na gôndé Nzambé na mitéma miamavôma. Na tômôétsa mitéma gébé na paga gô mabégô medi metso. Buedi mbe mitéma miasô n’anyô mibaké mimagôgéani kabaga mianga miamitéma miasô mibéva. Na buéyé na yôtô yasô n’anyô diôvôu na meba masaba na mbugé na tsengesenge.

Gétsutsuéô 1:5

Nôédiia dôta te gôndé Jésus‐Christ. Angô mbangi éaNzambé ésapatakani. Angô Jésus te Muana ANzambé amapanga ébôtuni. Na angô amapanga ékunduga g’ôwa andé na monyo amôbô na môbô. Jésus te Kumu akumu yetso ditôma va tsina. Angô atônyôngéô. Amawa gôétôoboo gô ébévee éasô n’anyô.

Gétsutsuéô 7:14

Me namamôaabéa mbe: Me tsamenya téta, ômuene ôsabômu beenda me. Na payi nene amanigôa me mbe: Ahngô te ane amabaka gô tsina agékuanô gévôni. Ahmoovôa mikanda miaô gôéminyepeda na vee te gô nzina yaMôpaga.