Jean 13:34 - New Testament in Mitsogo

³⁴ Me nanôtsikéa môtômee ôdôô. Nyônganéôni anyene n’anyene. Mônongovo ganyôngéô me anye, anye dôta nyônganéôni.

Jean 13:34 ပူးပေါင်းရင်းမြစ်များ

Matthieu 5:44

Ivô me nanôbeenda mbe, nyôngéôni adudeoe wanyô. Vovoni na Nzambé mabégô mamisôba gôndé ane anôkuanani.

Jean 15:17

Môtômee ôtsikéa me anye te mbe: Nyônganéôni anyene n’anyene.

Jean 17:21

Nagôduka Téta mbe angô muetso angaba môvo na wa n’oo, gandé éwe môvo n’ami. Me dôta nandé môvo n’ewe. Nagôduka mbe anguene angaba n’evamba gômbe asi tsengene asangatsuma paga mbe me tsitômu n’ewe.

Romains 12:10

Bakani n’etondo gôndé anyene gandé ana aTétee ahndé n’enyônganéô évôni. Gobedanani anyene n’anyene na gényônga.

Romains 13:10

One anyôngéô akedi aseenda ahngô ébégô ébévani. Okô ônyôngéô akoo ômani égobeda migemie mietso.

Romains 13:8

Nômbiasombonéa mitete, buétsé te môtete asô n’anyô ôvôni gôényônganéô wa n’anyôene na wa n’anyôene na étondo éapie. One anyôngéô môkedi amani égobeda migemie na mitômamie mietso miaNzambé.

Galatie 5:22

Tambô gabôta géétété samôsôba miônda miedi miamisôba, mônongovo gaGédidi SaNzambé gébôta gô môtéma amôma ésima éedi éamisôba. Gébôta t’etondo, na gényônga, gétabé, ôbibô, tsôvé oma, ngeba, mavôma,

Galatie 5:6

Okô tôndéké na vitoo na Jésus‐Christ, tôgeetuyee, tôsageetuyee, ésaba ébégô. Ene éndéké n’ebégô te mbe tôôtéé ényôngéô Nzambé na tômôétsé mitéma miasô mietso gébé na paga.

Galatie 6:10

T’ebandô ôkô tôndé vangô kuka yetso tôena môkasô adagéô ébégô te gôndé wa n’anyô gôémôwedéa. Tôôtéé éwedanéa wa n’anyô asi mbumu éaNzambé.

Galatie 6:2

Wedanéani anyene n’anyene gô mane maditéô anye. Okô nôéndi nane nôgobeda éne émavovo Christ.

Ephésiens 5:2

Gononi ga étondoe émabaka na Christ, éne émanyôngéô angô wa n’anyô. Gô étondoe éedi ameetsa monyo edi gôéyôu ôgondoku gôndé wa n’anyô. Gabutima môtutue ogondoku ôyôani, te gabutima na va mbene aNzambé mbônga éamôsôba éetondo éaChrist na ôwedi. Na amuene anyôngéô.

Colosses 1:4

Endé te nane gôébégô we tômookô tsangô éanyô. Tômookô gameetsanye Jésus‐Christ mitémamie mianyô gémôtsumé paga. Na tômookô gandéké anye na vitoo n’asi mbumu éaNzambé muetso.

1 Thessaloniciens 3:12

Nanyôngéô mbe Kumu Jésus oomba ékôndéga anye étondoe éndé va gatse anyô na éne éôkô anye gôndé oma muetso. Nanyôngéô mbe ékôndégu gôéba mônongovo n’etondoe éôkô me anye.

II Thessaloniciens 1:3

Ana aTétee asi mbumu éaNzambé, tôsatsika ékuméda Nzambé gôndé anye. Endé kuanakue gôtôénda nane. Gôébégô anye nôôtéa éwesea gô mbene na gô mbene gô nzéa éaJésus étôkeani édué. Etondo éndé n’anyene n’anyene éndé gôékôndama ti kôndama

Hébreux 13:1

Nômbiatsika ényônganéôe éndé n’anye éavitoone, nôndé gô mbumu éaChrist.

Jacques 2:8

Mbe nôénda mitôma miokumu aNzambé mimatenduni gô Matendeo MaNzambé mbe nôénda te kuanakue. Môtômee te mbe: Nyôngéô môkoo ganyôngéô éwe ôtô omuene.

I Pierre 1:22

Nômagôgéda mitéma mianyô vamagobedanye mabégô mapie. Na nômadiia étondo éapie éana aTétee. Te vane nyônganéôni pepe anyene n’anyene na mitéma mianyô mietso.

II Pierre 1:7

Va ngongo éenanama na Nzambé, kôndégani étondo éana aTétee agô mbumu éaNzambé. Va ngongo étondo éana aTétee kôndégani tsôvé oma.

I Jean 3:11

Ekegea te nane, meekédume mamookô anye bandôa vamapanga te mbe tônyônganéôni wa n’anyôene na wa n’anyôene.

I Jean 3:23

Oôkôni éne étôma angô wa n’anyô. Nzambé angô mbe: Ombiasôôa ina aMuanami Jésus‐Christ. Christ dôta amatôma wa n’anyô mbe: Nyônganéôni anyene n’anyene.

I Jean 4:21

Nôeni môtômee ômatôma Christ gôndé wa n’anyô. Angô mbe: ône anyôngéô Nzambé anyôngéô dôta môkedi.

II Jean 1:5

N’atsatsee nagôbeenda yaa Kyria tônyônganéôni wa n’anyôene na wa n’anyôene. Môtômee ôdôô ônôtendéa me kaka atsatsee, te môtômee ôndéké n’asô n’anyô bandôa vamapanga.