Jean 13:10 - New Testament in Mitsogo

¹⁰ Jésus amamônigôa mbe: One amani éookéani asabutadô éôvôu, buétsé te makôdô matévo, gôébégô ôtôe ômani égôgéa. Anye nôndé nômagôgéani, ivô kaka muetso.

Jean 13:10 ပူးပေါင်းရင်းမြစ်များ

Matthieu 6:12

Singéa we kokoo gô mabégo masô mabévani mônongovo gasingéa we kokoo gôndé ane atôéndéa mabégô mabévani.

Jean 13:18

Me tsavovo gôndé anye muetso. Tsabômu ane amasevôu na me. Menyani mbe mane manigôa Matendeo MaNzambé mangeenanô. Mangô mbe: One amaa tabudé épo n’ami, te ône amagéngôga gôékékôa me.

Jean 13:9

Simon Pierre amavovo na Jésus mbe: Okô mbe éndé nane, tambô ésangakôdéa na makôdô matévo. Kumu, ôvôa me na mogome na môtsée wetso.

Jean 15:3

Gakeedu géétété mitabémie mibévani, mônongovo anye nômakeedu na mane mameekéda me anye gôénônôtôa mane mabévani.

II Corinthiens 5:17

Okô môma aka monyovo na Christ akou pepe, aka wene mônongo amôma. Metso mane mamabaka n’edi mambeego mamadimbana. Na mane mandéké n’edi te mamanza mamisôba.

II Corinthiens 5:21

Jésus‐Christ asibaké n’ebéva ivô Nzambé amakoa angô aka môbévi gô ébévee éasô n’anyô. Wa n’anyô dôta tôsibaké n’etsimama ivô Nzambé amakoa we tôka tômatsimamédu gô étsimamee éaJésus.

II Corinthiens 7:1

Wee yami, ôvangee ône ômavanga Nzambé mbeego ôndé na ngudi gôndé wa n’anyô deo noo. Tambô tôbaké n’ekena gôébusuga mane mevindô kabaga tômagônga gôébévéda ôtô na gédidi gagônga môma mbéka éambii. Tôadeekedéni wa n’anyôene na gôndé Nzambé gôédigaa monyovo n’edi na gomo gôémôgobeda.

1 Thessaloniciens 5:23

Tônyôngéô mbe Nzambé, môsumédi amitéma aaganédé anye gô mabégô mabévani gôénôkoa omedi amatsimamani. Buta mbe vangaviga Kumu Jésus‐Christ nôba gébé n’oési gô mitémamie mianyô, buéyé na gô édidié éanyô, buéyé na gô matasame manyô, buéyé na gô yôtôye yanyô.

Hébreux 9:10

Gô évambee éambeego éne, gômadenganô mabégô mamiyakô na mane manyuôni, na mane meesôga gôégôgéda môma na pingô yamige na mitôma. Oma amanyepedu va mbene aNzambé gô gékeneo samabégôme mane ngu na ndéône émaviga Christ gôétôtubéda nyene nzéa.

Jacques 3:2

We muetso tôénda ôési aminongo minongo. Okô môma asapônga gô mavovia te môma apie. Te angô atôma ôtôé wedi wetso gébé n’oési.