Jean 13:1 - New Testament in Mitsogo

¹ Emabaka te nyee ômabambana na sueti éaPâque. Jésus asibômu mbe, ndéône ébuéyi gôndé angô gôénôtôga gô tsengene na gôékea na gôndé Tétedi. Bandôa v’ebandô môtémedi ômanyôngéô omee wedi ava tsina. Gényônganéôge géné gésinôtôgé ngu na v’ekôdéô.

Jean 13:1 ပူးပေါင်းရင်းမြစ်များ

Matthieu 26:45

Vane amanika na vandé aneengie na amavovo mbe: ?Nôombi te éebogaa? ?Nôdigééi‐a? ?Nôgogi‐a? Nôeni, ndéône ébuéyi. Me Muana Amôma namani ékabô na gôndé oma abévani.

Matthieu 28:20

Nôékédaka ahngô gôégobeda mabégô metso mamatôma me anye. Bangôani ébégôé édué. Me nandéké n’anye pitsiye yetso ngu na vangakôdéa tsengene.

LUC TSANGO EAMOSOBA EMATENDA 22:53

Namabaka n’anyô minya mietso gô eba aNzambé. Nôsibandé me. Ivô ndéô nedué te gôndé anye na gôndé ône anôtôma nôndé gô ngudi yedi yevitsi.

LUC TSANGO EAMOSOBA EMATENDA 9:51

Gédingéô saJésus sava tsina gémabaka géka gôégôga. Jésus amavanga môtôôe wedi gôékea na gô môsenge aJérusalem.

Jean 11:55

Suetine éaPâque étsôkéa Ajuif émabaka éka gôpégôpé. Oma ayekani amaviga gô tsengene nyetso na gô Jérusalem gô gésôga segôgéda yôtôye yaô, Pâque madeo ésibandôu.

Jean 12:23

Jésus amasupua ahngô mbe: Ndéône ébuéyi gôndé me Muana Amôma gôéétsô ôkumakee wetso.

Jean 13:29

Amamenya mbe Jésus amatôma Judas, môkenene adode mbe: Kiaka ôkésômba éne ébuta we éaa gô suetine. Avo dôta amamenya mbe atômi Judas, môkenene adode mbe: Kabé misuga yangô.)

Jean 13:3

Amuene Jésus asibômu mbe: Me namatimôga g’ôba gôndé Nzambé gôéviga na gô tsina. Me nanganika na gôndé Nzambé. Eetsô éndéké gô tsina eenyangee émeetsô me na Nzambé.

Jean 13:34

Me nanôtsikéa môtômee ôdôô. Nyônganéôni anyene n’anyene. Mônongovo ganyôngéô me anye, anye dôta nyônganéôni.

Jean 14:28

Nômani éôkô éne émavovo me n’anye mbe me nakeyi, ivô nangoomba éviga na gôndé anye. Anye mbe nômanyôngéô me na gô pie, anye mbe nômatsôkéa na gényônga setso vookô anye mbe Jésus akea na gôndé Téta, gôébégô ngudi ya Téta diôtéa dine yami.

Jean 14:31

Eébéyée nane, buedi mbe asi tsinane muetso eena ganyôngéô me Téta gôgobeda me éne ématômu me na Téta. Timôgani. Tônôtôgéni éva.

Jean 16:28

Me namaviga gôndé Téta gôétsiga na gô tsengene. N’atsatsee nanôtôgi gô tsengene gôénika na gôndé Téta.

Jean 17:1

N’emana énigôa aneengie nane, Jésus amabôkaméa na g’ôba gôévovo na Nzambé. Angô mbe: Téta, ndéône ébuéyi. Itsa Muanoo me, géneega sondômbee woo gômbe Muanee dôta angagôneegeda.

Jean 17:16

Ahsaba n’evamba na mabégô matsenge te mônongovo gandé me gébé n’evamba na mabégô matsengene.

Jean 17:26

Me namagômenyeda gôndé ahngô. Na nangoomba éahmenyeda gandé éwe. Vane étondoe éndé n’ewe gôndé me, éngaba gôndé ahngô. Na me dôta nangaba gôndé ahngô.

Jean 17:5

N’atsatsee Téta gobeda me gô tungu édigaa éwe, gôéétsa me ôndômbee okumakee ômabaka n’ami v’ebandô tsinane madeo ésikanô.

Jean 18:4

Jésus asibômu mbe: panda yedi yetso dingabuéa te gôndé me. Amawesea na vandé géômbége samigode na ameevôa ahngô mbe: ?Anye nôbuta nda?

Jean 19:28

Va mbenene vane, Jésus asibômu mbe mabégô metso magôgi na amaadôngana mbe: Nookô sôé. G’ôgie ône ômeenanô éne émeevéda Matendeo MaNzambé.

Jean 2:13

Vamabaka ndéône éasuetine éaPâque émawesea, Jésus amakea na gô Jérusalem.

Jean 6:4

Sueti éAjuif ééndô mbe Pâque émaba éka gôpégôpé.

Jean 7:30

Vane oma amanyôngéô étsôpa Jésus ivô gôsibé môma amamôbandani. Ndéône éedi éetsôpu madeo ésibuéa.

Jean 7:6

Jésus amanigôa ahngô mbe: Ndéône éamôsôba gôndé me madeo ésibuéa. Géé gôndé anye, ndéô yetso dindé te kuanakue.

Jean 8:20

Jésus amavovo mabégô mema andé gôéékéda gô eba aNzambé. Amabaka va kôbangô eegaa émakuyu dode yadibiia. Gôsibé môma amamôtsôpani gôébégô ndéône yedi émabaka madeo ésibuéa.

Romains 8:37

Ivô mabégôme mane mandé g’ebadi égenyuni. Gô mangô tôdiia te diiaga gô ndugi yone atônyôngéôni.

I Corinthiens 1:8

Te amuene anôsipéda gébé n’oési ngu na v’ekôdéô. Kabaga môma anôtsundéda nyee ôngaviga Kumu Jésus‐Christ mbe: Nôsindé kuanakue.

Hébreux 3:14

Endé te nane. V’ebandô wa n’anyô tômavamba na Christ gébé na paga. Okô tôbé nane ngu na v’ekôdéô, tambô tôndé na gô pie n’evamba na vitoo na Christ.

Hébreux 3:6

Ivô Jésus‐Christ amabaka na môvinéné gô éyanzee éedi. Angô Muana, ameetsô ôtômu na Tétedi gôétôma eba aNzambé wetso. Wa n’anyô te ebedi ôkô tôsamôtsuma paga na tôétsa mitémamie gôndé ône atôténdédani.

Hébreux 6:11

We eekédi tônyôngéô mbe anye, môma na môma nôsanganzeegeda géviôviôge géne ngu na v’ekôdéô éamionyo mianyô. Buta mbe mane maténdéda anye nômadiia.

I Pierre 1:13

Mônongovo goodeda môma édatedi, oodedani édidi éanyô gôévéngéa éne évigani. Bakani misiki. Bakani na môténdéda ôvôni gô mane mangeetsô anye ôbiia vangatsutsuga Jésus‐Christ.

I Jean 4:19

Enyônganéô éndé n’asô n’anyô, mapangame te Nzambé amapanga ényôngéô wa n’anyô.

Gétsutsuéô 1:5

Nôédiia dôta te gôndé Jésus‐Christ. Angô mbangi éaNzambé ésapatakani. Angô Jésus te Muana ANzambé amapanga ébôtuni. Na angô amapanga ékunduga g’ôwa andé na monyo amôbô na môbô. Jésus te Kumu akumu yetso ditôma va tsina. Angô atônyôngéô. Amawa gôétôoboo gô ébévee éasô n’anyô.