Jean 12:34 - New Testament in Mitsogo

³⁴ Oma amamôsugéga mbe: Tômookô gô miganda mimatsikéô we mbe, Christ ône angatômu na Nzambé asangawa. ?Ewe voo ôénda mbe Muana Amôma angatômbu va gatse atsina n’oba nayee? ?Muana Amôma indaa?

Jean 12:34 ပူးပေါင်းရင်းမြစ်များ

Matthieu 16:13

Jésus amakea na gô tsenge édenganô mbôka étetu mbe Césarée na étômu na Philippe. Ameevôa aneengie nyivô mbe: ?Gô matasa moma, gôndé me Muana Amôma atasa nayee?

Matthieu 21:10

Vamatsiga Jésus gô Jérusalem, mitéma miasi môsenge ône mimaba gô ngongo, oma ameevôana mbe: ?Odôô vita indaa?

Matthieu 8:20

Jésus amamônikéda mbe: Ngômba dindé na makii maô. Nyoyi dindé na mebu maô. Ivô me Muana Amôma, tsaba na gédigaa seebôga na seedunda.

Jean 10:34

Jésus angô mbe: Ematendu gô Matendeo MaNzambé mandé n’anyô mbe: Anye nôndé nôneegeduni gandé amuene Nzambé.

Jean 12:32

Jésus angô mbe: Ivô me, vangatômbu me na va gatse atsina n’oba, nangaweseda oma na gôndé memuene.

Jean 15:25

Gôéndahngô me nane, éne ématendu gô Matendeo MaNzambé mandé n’ahngô éenanô. Ematendu mbe: Me namavingô te bobo gééndé ébégô.

Jean 8:28

Jésus amavovo n’ahngô mbe: Vangamananye étômba na ébanéga me Muana Amôma, te vanganigôgéô anye mbe, me tsipata gômaviga me, na gôkea me na gandéké me. Nônganigôgéô dôta mbe éne éénda me, tseenda éangô gô ényangee éamemuene. Nanônigôa te mane meekédu me na Téta matévo.

Romains 3:19

Tôsabômu mbe migemie mimakitsôni mindé te gôndé ane adigaa gô tsina amiangô. Gô mitôma na mige miaNzambé gôsaba môma angayuuéga gô miangô. Na vane oma muetso ava tsina tôésédu te gô miangô.

Romains 5:18

Géesédéô soma muetso gématsiga te gô ébévee éamôma môvo, Adam. Gékusédéô sagô môtsundu gôéba na monyo, gématsiga gô étsimama éamôma môvo asaba n’oési, te Jésus-Christ.

Hébreux 7:24

Ivô Jésus andé monyo môbô na môbô na éyanzee éedi gôétôsungéa va mbene aNzambé ésakoga na ésangeetsô muene.