Jean 10:5 - New Testament in Mitsogo

⁵ Ivô masangaanda môgenda, môma asiikaganô na mangô. Mangamôbusuga te busuga. Gôébégô ôgie wedi ôsamenyanganô na mangô.

Jean 10:5 ပူးပေါင်းရင်းမြစ်များ

Marc 4:24

Jésus amoomba ébeenda ahngô mbe: Keneani mane mookô anye mane. Nôngeetsô te ôkanee ôétsanye, yénôombu ti nôombugu.

LUC TSANGO EAMOSOBA EMATENDA 8:18

Wemani keneani mane mookiô anye mane. Gôébégô ône andé na sôma te ône angoomba éétsôni. Ivô ône asabani, abéyee na vipesu, vingasuméa te watôgô.

Jean 10:16

Me nandé na mavo mandombo madeo masiengédu gô môgômba. Nanyôngéô mbe mandombome mane makedu na me gô nzéa. Na mangookô ôgie wami. Gôngaba ôbua ôvo na môkeneyi môvo.

Jean 10:4

Vamakusédangô mandombo medi metso, amuene môkeneyi oota gô mbene. Mandombome maanda angô va ngima. Na mangô masabômu ôgi amôkenene.

II Timothée 4:3

Menya mbe ndéône éwesea, éne éngakina oma éôkô meekédu mapie. Matô maô manganyôngéô éôkô mabégô masapengana na tsôvé yayôtô yaô. Angakénga gôéévôa eekédi ayekani ngu na vangadenga ahngô môékédi anigôa mane manyôngéô matô maô éôkô.

I Jean 2:19

Omeaa asibaké avo n’asô n’anyô t’ebandô amanôtôga gôndé we. Mbe amabaka avô n’asô n’anyô ahngô mbe andéké asô n’anyô. Ivô ahngô ahmanôtôga môvo na môvo anguene gôndé wa n’anyô gôémenyanganô mbe angô asaba wasô n’anyô.

I Jean 2:21

Me nanôtendéa kaka mbe nôsamenya mane mapie, te gôébégô anye nômamenya. Anye nôsabômu mbe gô mane mapie gôsakusa ébégô éoboe ta n’evo.

Gétsutsuéô 2:2

Angô mbe: Me tsabômu metso mane mameendanye. Tsabômu dôta gamatsogo anye na ngudi gôéyanza na môvinéné ôndé n’anye. Na gô pie, nôsasinga ane abévani aba va gatse anyô. Nômakanéga ane avovo mbe: Me te namatômu na Christ, géé na gô pie, géé kaka na gô pie anye nômeena. Vane nômamenya mbe te asi diboe.