Jean 10:31 - New Testament in Mitsogo

³¹ Te vane Ajuif amoomba édingôa mataé mbe amôtuma na mangô.

Jean 10:31 ပူးပေါင်းရင်းမြစ်များ

Matthieu 12:14

Apharisien amakusa gô eba aNzambé na amadigaa gétungu gôévanga gépangô gôéyôha Jésus.

Matthieu 21:35

Akeneyie ahmatsôpa ane ahmatômukuni. Ahmabômôa môvo. Ahmayôha môvo. One amôtatô amamôtuma na mataé.

Matthieu 23:35

T’ebandô éngaba mbe gésisédéô gévôni géngaba gôndé anye. Muetso ane amayôhu gébé n’ebégô, bandôa n’Abel, ône ameenanô na Nzambé ti eembe asibé n’oési, ngu na Zacharie, muana aBarachie, ône amayôhu bobo. Zacharie amayôhu andé va kaba agétumbéô sadigondoku na tsongo eadisambô édigaa Nzambé. Gésisédéô sayôhiye waô géngaba te gôndé anye.

Jean 1:19

Adeekedi adigondoku na géômbé saLévite amatômu na Ajuif agô Jérusalem gôéka na gôndé Jean. Oôkôni éne émanigôa Jean vamaviga ane amatômuni. Amamôévôa mbe: ?Ewe ndaa?

Jean 10:24

Ajuif amaseta angô na amamôtsundéda mbe: ?Nayee ôémba we mabégôme momuene? Pandôéda we na vede mônongoe woo, n’one amatôma éwe. Okô mbe éwe te Christ, ône amasevou na Nzambé, beenda we.

Jean 10:32

Jésus amanigôa ahngô mbe: Gô ényanga éaTéta, me nameenda mayanza mayekani mamisôba va miso manyô. Va gatse amangô metso, beendani me éyanzee ébévéiyô anye, éne ématumanye me na mataé.

Jean 11:8

Aneengie amavovo n’edi mbe: Môékédi, ôsabômu mbe madeo vasidinga gamabakewe mbe ôyôhu n’Ajuif na mataé. ?Yôénda mbe ôomba te énika na gône-a?

Jean 5:18

Gô mavoviame mane, Ajuif amabuta gô minongo mietso gôéyôha Jésus. Ameena gôndé angô mabégô matatô. Amookuua môge anyee edunga. Na amamema mbe: Nzambé te téta. Na amabatéda amuene mbe: Wa na Nzambé tôndé ti môvo.

Jean 8:59

Ajuif amadingôa mataé mbe amôtuma. Jésus amasomo na amakusa gô eba aNzambé.

Mayanzame 7:52

Apandôédi muetso amatasa maNzambé amakuanô na peeye yanyô. Amayôha ane ameevéda gévigéô sone amatsimamani. N’atsatsee te anye nômakaba na nômayôhéda angô, ône amatsimamani avigini.