Jean 10:3 - New Testament in Mitsogo

³ Kumu amôgômbee amôkukuéa gôéengéa. Mandombome mookô ôgie wedi. Abambéa mangô évo évo gô miname maô gôémakeda na gô mbadi.

Jean 10:3 ပူးပေါင်းရင်းမြစ်များ

Jean 10:14

Me te môkeneyi amôsôba amandombo mami. Gandé Téta asabômu me, na me tsamôbômu, te gandé me na mandombome mami. Me tsamabômu, na mangô dôta masabômu me. Me neetsa monyoe wami gôéwa gô mandombome mami.

Jean 10:16

Me nandé na mavo mandombo madeo masiengédu gô môgômba. Nanyôngéô mbe mandombome mane makedu na me gô nzéa. Na mangookô ôgie wami. Gôngaba ôbua ôvo na môkeneyi môvo.

Jean 10:4

Vamakusédangô mandombo medi metso, amuene môkeneyi oota gô mbene. Mandombome maanda angô va ngima. Na mangô masabômu ôgi amôkenene.

Jean 10:9

Me te ômbee wanyô. Okô môma eengéa vandé me angoobou. Angeengéa na angakusa gôéaa môyakô.

Jean 6:37

Muetso eetsô me na Téta Nzambé aviga na gôndé me, tsangamôpatsa na gô mbadi ivô angeengéa na gôndé me.

Jean 6:45

Apandôédi amatasa maNzambé amatenda mbe: Muetso angeekédu mabégôme te n’amuene Nzambé. T’ebandô neendi mbe muetso ane ookiô ôgi a Téta na asinga meekédume medi asingi te me na awesea na gôndé me.

Romains 8:30

V’ebandô Nzambé amasevoa ane angaba eedi na amabambéa ahngô. Ane amabambéôni, na amaabéani, Nzambé amatsimaméda ahngô ti eembe asaba n’oési va mbene edi. Ane amatsimaméduni, Nzambé amagésangana n’ahngô g’ôbébayi ôtubéda ôndômbee wedi.

I Corinthiens 16:9

Gôébégô me éva nadii ndéô éamôsôba. Ombee ôkukuéyiô me na voo gôéyanza buéyé mbe adudeoe andéké ayekani.

Philippiens 4:3

N’ewe môsi éyanzevo n’ami ôsiaagané n’ami gô éyanzee. Wedéa kadi yoo yagô mbumu éaNambé gôébégô ahmagenya ébadi évo n’ami gôétsanzabanéda Tsangô Eamôsôba. Na Clement te mônongovo, n’avo ayekani amayanza n’ami. Mina maô mandéké mamatendu gô môganda amonyo.

Colosses 4:3

Vandé anye gôévovo na Nzambé, tetani mina masô gômbe Nzambé angatôkônzéa ndéô yakuanakue gôéékéda Mane Mama vovo angô kuku yetso. Tônyôngéô énigôa mane maChrist masinigôgéôkô oma. Nandé gô tsôgôô te gô mabégôme masinigôganéôni mane.

II Timothée 2:19

Buéyé veendahngô nane, diboboye dimavumba Nzambé gôésipéda ôbôgee amabégô medi mapie, disipa ti v’ekôdéô éasipaga. Na gô yangô gômakuétu béndaye mbe: Kumu Nzambé asabômu ane andé omedi. Na dôta dimakuétu mbe: One avovo mbe: Me te môma aNzambé aviié mane mabévani metso ngima.

I Pierre 1:12

Apandôédi amatasa maNzambé ahmamenyedu mangô kaka gôndé anguene, te na gôndé anye, buéyé mbe gamabaka ahngô eekédi amabégô mema. N’atsatsee anye nôékédiô mangô n’ane ahmeekéda Tsangô Eamôsôba gô éodo éaGédidi SaNzambé, géné gémasuma g’ôba. Buéyé asi g’ôba ayanzi aNzambé anyôngéô émenya mabégô mema.

I Jean 4:6

Géé gôndé wa n’anyô, tôndé asi Nzambé. One asabômu Nzambé, atôôkéô. Géé ône asamenya Nzambé asatôôkéô. Te gô mônongoe ône tômenya étatôa Gédidi sapie na gédidi sadiboe.

III Jean 1:14

Memuene nanyôngéô égôena pitsi yedi gô pesu andéô gôévovo n’ewe va miso moo.

Gétsutsuéô 20:15

One asangadenganô inedi ématendu gô miganda miamonyo angagunyu na gô mungu asoto.

Gétsutsuéô 3:20

Oôkôni édué. Me nandé môtie v’ombaa nabôkéda. Okô môma ookiô ôgie wami akukuéa me, me neengéa gôndé angô. Wa n’edi tôngaa vavo.

Gétsutsuéô 7:17

Gôébégô Môpaga ôndé va ngenge agédigaa sokumaka ôndéké môkeneyi aô akeda ahngô na gô gétôka sameba meetsa monyo. N’amuene Nzambé angakôbôa kebaye yetso yagô miso maô.