Jean 10:12 - New Testament in Mitsogo

¹² Gôndéké môma ayanza te gôédiia dode ditévo, angô kaka môkeneyi amandombo, n’angô kaka kumu amandombo. Vangaviga émbengie, môyanzine angabusuga gôétsikéa émbengie mandombome. Mavo mangapanzanganédu na mavo mangaaô.

Jean 10:12 ပူးပေါင်းရင်းမြစ်များ

Matthieu 10:16

Jésus angô mbe: Oôkôni buedi. Me nanôkeda mônongovo ga mandombo mandé va gatse anzego. Tambô banaki n’ekena ga nyogo. Bakani dôta ga ménga gébé na mangônzô.

Matthieu 7:15

Wemai gôndé eekédi adiboe. Aviga na va gatse anyô ga mandombo, tambô gô mitéma miaô te ga nzego.

Jean 10:13

Môyanzine atsika mandombo te gôndé angô môyanzi adode ditévo na asaba na môkebanganô na ngeba gô mandombome te gôsaba mangô medi.

Jean 10:2

One eengéa v’ombee amôgômba, angô te môkeneyi amandombo.

Jean 10:3

Kumu amôgômbee amôkukuéa gôéengéa. Mandombome mookô ôgie wedi. Abambéa mangô évo évo gô miname maô gôémakeda na gô mbadi.

Mayanzame 20:29

Me tsabômu éne éngabuéa gô ngimami. Gôngaviga avo amôgôô agono na émbungu étsongono va gatse amandombo. Na éangô éseena mandombo ngeba.

I Timothée 3:3

Môma nône, abaké gébé na gésima senyua maduku, na gébé na masaganéda. Abaké môma amavôma na môtéma ômasumani. Abaké gébé n’onzôô okiti.

I Timothée 3:8

Gôndé ane ameetsô ényangee gôéwedéa asi mbumu éaNzambé te mônongovo. Abaké oma esima éamisôba, kaka na miônya mibaé. Abaké gébé na gésima senyua maduku mayekani. Abaké môma asayanza na buembe gôédiia dode.

II Timothée 4:10

Gôébégô Démas amatsika me. Angô amootéa ényôngéô mabégô matsengene, te gamakeangô na gô Thessalonique. Crescens dôta amakea na gô Galatie. Na Tite amakea na gô Dalmatie.

Tite 1:7

Endé te nane. Pene étôma mbumu éaNzambé andé n’eyanza évôni gôéweseda gésaô saNzambé gô mbene na gô mbene na gétabé. T’ebandô gôndé angô ésanyepa mbe gôôkanô ta na vibégô vianzongodi. Te buedi mbe môma nône abaka gébé na bôpeeo, na gébé na ôpisa, na gébé na gésima senyua maduku. Abaké gébé môgenyi na gébé n’onzôô adode gôédidiia gô divooti na gô diboe.

I Pierre 5:2

Me nabeenda anye payi mbe: Bôngôani mandombo maNzambé mameetsô anye n’edi. Kaka n’ogomu. Ivô na mitéma mimasumani mônongovo ganyôngéô Nzambé. Kaka gôédiia môvanô, ivô te gôédeekeda mitémamie mietso gô éyanzee.

II Pierre 2:3

G’ônzôô waô adiiaga ahngavooto anye na meekédu maô mooboe mavakangô, buta mbe ahngô ahtsôbôga vakambi ahngô. Môtsundédi aô andé va magô bandôa va mbeego. Môbunganédi aô andé ti gôévéngéa ahngô.