Jean 10:10 - New Testament in Mitsogo

¹⁰ Muisui aviga te gôéésua, na gôéyôa na gôébunza. Me namaviga te mbe wa na môma tôngaba monyovo. Mônongoe amonyo ône, te ône ôsoongôa môma ésupua.

Jean 10:10 ပူးပေါင်းရင်းမြစ်များ

Matthieu 18:10

Nôwema kabaga nôbévéda muana, buéyé mbe agébaka môgemôge. Muana na muana andé na môsi g’ôba môyanzi aNzambé gôésungéa angô na pitsi n’omanda va mbene aTéta, ône andé g’ôba. [

Matthieu 18:11

Gôébégô me, Muana Amôma namaviga gôéoboo ane amadimbanani.]

Matthieu 20:28

Béyé me Muana Amôma, vamaviga me tsivutéé mogo mami gôétôma oma. Ivô namatôma na namabanda na mogo mami. Nameetsa memuene monyo ami ngu na g’ôwa, te môvanô gôéoboo oma ayekani.

Matthieu 21:13

Vane Jésus amanigôa ahngô mbe: Matendeo MaNzambé matôbeenda mbe: Ebami ôngamenyanganô mbe eba ôsambédu Nzambé. Ivô anye nôkoyi eba ôdôô ôka gésoméô seesui.

Matthieu 23:13

Jésus amavovo mbe: Ti gô maguga mandé n’anye anigôi amige miaNzambé n’Apharisien nôndé ti anyepi amiônya. Anye nôkukégéa oma ôkuké ag’ôkumu aNzambé. Anyene nôseengéa gô angô, na nôsatsika ane anyôngéôni mbe eengéa. [

Marc 11:17

Vane ameekéda ahngô mbe: Matendeo maNzambé matôbeenda mbe: Ebami ôngamenyanganô mbe, eba oma muetso gôévovo na Nzambé. Ivô anye nôkoyi eba ôdôô ôka gésoméô seesui.

LUC TSANGO EAMOSOBA EMATENDA 19:10

Me Muana Amôma namaviga gôébuta na gôéoboo ane amadimbanani.

Jean 10:1

Jésus angô mbe: Me nanôbeenda na gô pie mbe ône aseengéa g’ômbaa amôgômba ôkeneo mandombo, na angô akônda môgômba kôndaga, angô te muisui na môsi môkôbé.

Jean 10:11

Me te môkeneyi amôsôba amandombo mami. Môkeneyi amôsôba eetsa monyo edi gôéwa gô mandombo medi.

Jean 12:47

Ane ookô mane mavovo me, na asagobeda mangô, kaka me nangamôesédani. Me tsivigé gôéeséda asi tsengene. Namaviga te gôéyuua ahngô gô môtsundu.

Jean 12:6

Asivove nane gô ngeba dimeenangô misuga. Amavovo nane te gômabakangô môkenene agébémbége sadode. Gôndé angô muisui ameesua éne émakuyu gô sangô.

Jean 3:17

Nzambé amatôma Muanedi na gô tsina, kaka gôéeséda oma ivô te mbe oma muetso angoobou n’edi.

Jean 5:40

Buéyé vane nôsanyôngéô éviga na gôndé me gôédiia monyoe apie.

Jean 6:33

Menyani mbe mipemba miitsa Nzambé môma, te mine miviga g’ôba na miitsa môma monyo.

Jean 6:51

Jésus amapandôéda mbe: Me te môpemba ôviga g’ôba ôétsa môma monyo. One angaa môpembee ône angaba na monyo ôsakôdéakani. Môpembee ôngamôétsa me te ôtôe wami. Nadeekeda oma ôtôe wami te mbe muetso angadiia monyo te gô angô.

Romains 2:21

Ii, éwe ôékéda akoo. ?Oseekéda dôta n’omuene nayee? Ewe ôékéda mbe: Nômbieesua. ?Na gô pie ômuene ôseesua-a?

I Timothée 1:15

Bangôa ébégô édué ésangakoga na éndéké évôni na ényepa ôkôngéda éangô gébé na paga. Ebégôe te mbe: Jésus‐Christ amaviga gôédigaa va gatse oma gôéoboo ane amadimbanani gô ébévee éaô. Va gatse ahngô me namootéa ébéva.

Hébreux 6:17

Tambô ébandô éamôsongia aNzambé ésaba nane. Nzambé amasongéa va mbene aAbraham gôémômenyeda mbe Nzambé asavovo na buembe gôékoa matasa medi.

Hébreux 7:25

T’ebandô Jésus andé na ngudi gôétôoboo deo noo, ngu na gô mbene n’okendô. Angô oboo ane aviga na gôndé Nzambé gô inedi gôébégô andé monyo môbô na môbô gôévovo na Nzambé gôésungéa omee ane.

II Pierre 1:11

Te gô éne mbe nôngaba na mitayi gôéengéa g’ôkumu amôbô na môbô aKumu asô n’anyô na Mooboyi asô n’anyô Jésus‐Christ.