Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jean 1:51 - New Testament in Mitsogo

51 Jésus amoomba énigôa mbe: Nôngeena ôba ôkukuga. Asi g’ôba angavigédu na Nzambé, angabata na angasuma vandé me, Muana Amôma.

အခန်းကိုကြည့်ပါ။ ကော်ပီ




Jean 1:51
55 ပူးပေါင်းရင်းမြစ်များ  

Vangaviga Jésus Muana Amôma n’obébayi ondômbedi aviga n’asi gôba ayanzi aNzambé muetso, Muana Amôma angadigaa gô gédigaa sedi sokumaka.


Na gô pie me, Muana Amôma nangawa mônongovo gamabeenda Matendeo MaNzambé mbe nangawa. Ivô ngeba épôni gô maguga mangeena ône angamôkabani. Mbe amabaka madeo asibôtu mbe émanyepa.


Vamabatésu Jésus, amakusa gô mbéyi. Na vane, ôbee ômatatôga na Jean ameena Gédidi SaNzambé gésuma ga ménga na vandé Jésus.


Vane yabédé amanôtôga vandé Jésus. Asi g’ôba amavigédu na Nzambé na va kôbangô aJésus gôémôwedéa.


Jésus amamônikéda mbe: Ngômba dindé na makii maô. Nyoyi dindé na mebu maô. Ivô me Muana Amôma, tsaba na gédigaa seebôga na seedunda.


Ivô nanyôngéô étubéda anye mbe me, Muana Amôma nandé n’enyanga va tsina gôésinga oma kokoo gô ébévee éaô. Vane Jésus amatôma môbeene mbe: Timôga. Bongo gétava soo. Kiaka na gô eboo.


Vameenôga Jésus gô mbéyi, oma ameena ôbee ôtatôga, na Gédidi SaNzambé gémasuma ga ménga na vande Jésus.


Jésus amaabéa angô mbe: Ii, te me. Anye muetso nôngeena Muana Amôma andé digaa gô géeyo gémôgôô saNzambé, Kumu angudi yetso. Nôngeena dôta Muana Amôma aviga va gatse adibôngé yag’ôba.


Tsina na tsina gômaviga géômbé gévôni sasi g’ôba amavigédu na Nzambé gôédenga môkaô. Amakuméda Nzambé mbe:


Vamabakahngô vane, môsi g’ôba amavigédu na Kumu Nzambé, amatsutsuga na vandé ahngô. Gévede gévôni saKumu gématana n’obébayi ôtubéda ôndômba aNzambé vandé ahngô. Ahmatsôpu na mangongo.


Na vane môsi g’ôba amavigédu na Nzambé na vandé angô gôémôodeda.


Mene na ngima amene, me Muana Amôma nangadigaa gô géeyo gémôgôô saNzambé, Kumu angudi yetso.


Ahmatsapéô gô ébégôe éangô. Te vane oma abaé amaata maduani mobébayi amatsiga gôndé agetoe.


Jean amabatésa muetso amadenganôni. Na Jésus muetso, amabatésu n’edi. Vamabakangô gôévovo na Nzambé, ôbee ômakukuga.


Jésus amabika n’edi mbe: Ewe ôyavôga éétsa môtémee gôéndi me mbe nagôeni gô tsina ofiguier. Te buedi. Ivô ôngeena na mavo mabégô mavôni madeo masienewe.


Jésus angô mbe: Me nanôbeenda na gô pie mbe ône aseengéa g’ômbaa amôgômba ôkeneo mandombo, na angô akônda môgômba kôndaga, angô te muisui na môsi môkôbé.


Jésus amatimbôanéda tsavane mbe: Me nanôbeenda na gô pie mbe me te ôkuké av’ombaa amôgômba ôkeneo mandombo.


Nanôbeenda na gô pie mbe: Gôsaba môyanzi ootéa kumune yedi. Na ône atômuni asootéa ône amôtômani.


Jésus amavovo na Pierre mbe: ?Na gô pie ônyôngéô éwa gôndé me-a? Nagôbeenda na gô pie mbe tsôsône n’egékôkaka, éwe Pierre ôngatôna me kuka ditatô mbe: Me tsamenya angô.


Me nanôbeenda na gô pie mbe, ône eetsa me môtémedi wetso, angeenda mane mamisôba meenda me. Angeenda na mavo mabégô mangootéa mane mami na ngudi gôkea me na gôndé Téta.


Nanôbeenda na gô pie mbe nôngadéa na gégeba, na nôngadigaa na gésiganinga. Ivô asi tsengene angaba gôétsôkéa. Vane gésiganingage sanyô géngakoga géka gényônga.


Nyoone, anye nôsangadôtsapéô ébégô gôéévôa me nyivô. Nanôbeenda na gô pie mbe Téta Nzambé anganôétsa metso mangamôdukanye gô inami.


Jésus ameevéda Pierre mbe: Vamabakewe ôgébaka mônzambu ômakata ômuene édata éoo v’oningé gôékea pati tungu émanyôngéô éwe ékea. Ivô vangadombéa éwe, ôngatômba mogome moo gôéaatédu na muene môma. Ongakedu gô tunguye disangatékewe ékea.


Jésus amasiia n’edi mbe: Nagôbeenda na gô pie mbe, ôkô môma asibôtu ôbôtu amôbaé, ône aGédidi SaNzambé, asangoongôa émenya mbe ôkumu aNzambé ôndéké.


Jésus amamônikéda mbe: Me nagôbeenda na gô pie mbe: ôkô môma asibôtu na meba, na Gédidi SaNzambé, asangatsôkéa ôtômue aNzambé na mateme medi.


Jésus amanigôa Ajuif mbe: Me nanôbeenda na gô pie mbe Muana ANzambé asoongôa éyanza gô ngudi yamuene. Ayanza te éne éenangô Tétedi éénda. Metso meenda Tétee, te mane mangeenda dôta Muanee.


Téta ameetsa Muanee ényanga gôétsundéda oma gôébégô angô te Muana Amôma.


Jésus amabika n’ahngô mbe: Nanôbeenda na gô pie mbe anye nôbuta me te gôngutédi me anye na mipembamie. Nôsabuta me gôeni anye ngudi yaNzambé.


Jésus amavovo n’ahngo mbe: Me nanôbeenda na gô pie mbe ône ameetsa anye mipembamie mimaviga g’ôba kaka Moïse. Te Téta Nzambé amaagéda miangô g’ôba na miangô te mipemba miapie miitsô anye.


Me nanôbeenda ébégôé éapie édué mbe, ône eetsa me môtémedi wetso andé na monyo amôbô na môbô.


Jésus amanigôa ahngô mbe: Nanôbeenda na gô pie mbe, ône akina éaa ôtôe wami me Muana Amôma, na akina ényua nzina yami, asangaba na monyo gô môtémedi.


Jésus amavovo n’ahngô mbe: Nanôbeenda na gô pie mbe ône eenda mabégô mabévani andé g’ôvéga amangô.


Nanôbeenda ébégôe édué éapie mbe, ône agobeda mane mavovo me asangatsiga gô tsenge éowa.


Jésus amanigôa Ajuif mbe: Me nanôbeenda na gô pie mbe Abraham madeo asibôtu, te me nandéké.


Ameena g’ôba ômakukuu na sôma gémasuma wangô. Sômage géne te gandé môkanda ôpikô tabudé. Môkandee ône ômasumbédu gô mapandakame manayi na ômasuma na va tsina.


Etienne amavovo mbe: Oôkôni édué. Me neeni ôbee ôkukugi. Neeni Jésus, Muana Amôma andé môtie gô géeyo gémôgôô saNzambé.


Na angeetsa gévôgiméô gôndé anye nôndé gô maguga. Na gôndé we te mônongovo. Tôngaba na gévôgiméô te vangaviga Kumu Jésus g’ôba na ngudi yetso, angô n’asi g’ôba ane avigédu na Nzambé.


Gésisédéôge géngeetsô ahngô te gébunganéô gésakôdéakani géngadigaahngô gôdagôda na Kumu. Asangavamba na ngudi yedi. Asangeena ôbébayi ôtubéda ôndômba aNzambé.


Na gô pie gôsaba môma oongôa énigôgéô ti v’ekôdéô anigôgéô mavôni mesôga étôgobedani. Kumu éesôgee te ône amatendu mbe: Amatsutsuga vandé we ga môma. Gédidi SaNzambé gématubéda gandé angô gébé n’oési. Ameenanô n’asi g’ôba, ayanzi aNzambé. Inedi émeekédu gô mongo metso. Asi tsengeye yetso amamôétsa mitéma miaô. Na amatômbu na g’ôba gôndé Nzambé.


?Tambô asi g’ôba, ayanzie aNzambé andaa? Asi g’ôba te édidie éyanzéa Nzambé. Na yangô dimakudégu n’edi gôéwedéa oma ava tsina angadiia géobogeo.


Hénoch te muana aAdam. Bandôa n’Adam ngu na ndéô éaHénoch vamabaka mbumu tsambué. Hénoch amavovo va mbeego gôépandôéda mônongo ôbévani ôngaba n’eekédi adiboe. Angô mbe: Oôkôni édué. Kumu Nzambé angaviga n’asi g’ôba ayanzi edi gô nzima na nzima yamitônisa miagétangégé.


Vane nameena ôba ômakukua na cheval éavembo émakusa. One amadigaa gô nyama nene, inedi te Mavôma na évo ina, Môma Apie. Angô atsundéda gépénganédé. Na agenya kuka yetso gétsaé.


Oô te me Jean navovoni. Nanigôa na mavo mabégô mamatubédu me na Nzambé te nandé nani gébé gô vio. Nameena ôkuké ag’ôba ômakukuuni. Namoomba éôkô ôgie ômatongo ga gémbômba te ône ômookô me v’ebandô. Angô mbe: Bata n’eva. Nangagôtubéda mane mangabuéani va mbene éene.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ