Jean 1:34 - New Testament in Mitsogo

³⁴ Gôeni me nane, te ganôpandôéda me mbe ôdôô te Muana ANzambé.

Jean 1:34 ပူးပေါင်းရင်းမြစ်များ

Matthieu 11:27

Jésus amavovo mbe: Tétami amani édeekeda me mabégô metso. Gôsaba môma angoongôa émenya me, Muana ANzambé, buétsé te amuene Téta. Gôsaba môma angoongôa émenya Téta, buétsé te memuene Muanedi, na dôta ane angatubédu Téta na me.

Matthieu 16:16

Simon Pierre amamôaabéa mbe: Ewe te Christ, ône amatômu na Nzambé. Ewe te Muana ANzambé, angô Kumu amonyo.

Matthieu 17:5

Agébaka gôévovo, ôbôngé obébayi ômapika ahngô muetso. Gô gatse obôngé gômookanô ôgi ômavovo mbe: Odôô te muanami amôtôma amiso. Namônyôngéô na nzoo na gô môtéma. Oôkéôni angô.

Matthieu 26:63

Jésus asibubué. Asisiié ta n’ogi. Pene amoomba évovo n’edi mbe: Gô ina aNzambé amonyo, nagôévôa mbe ti éwe ôaabéa me. ?Ewe te Christ ône amatômu na Nzambé‐a? ?Ewe te Muana ANzambé‐a?

Matthieu 27:40

mbe: Ehee. Ewe, ka te ômeendaka mbe: Me nangapanzéda eba aNzambé nasaa wene gô pitsi ditatô. Tambô ôkô mbe éwe te Muana ANzambé, yuégadôvôye gô panda yoo vandé éwe va gésumu sowa vane.

Matthieu 27:43

Môtémedi wetso ômabaka te gôndé Nzambé. Amavovo mbe: Me te Muana ANzambé. Ehee. Aanakani gangoobou angô na Nzambéne yedi.

Matthieu 27:54

Môsi Rome, môtômi amigode, na migode miedi mimabaka gôéwema Jésus, ameena gamatatéa tsinane na mavo mabégô mamabuéani. Ahmookô gomo. Ahmavovo mbe: Na gô pie, ôdôô te ti Muana ANzambé.

Matthieu 3:17

Ogi ômookanô ôvovo g’ôba mbe: Odôô te muanami amôtôma amiso. Me namônyôngéô na nzoo na gô môtéma.

Matthieu 4:3

Yabédé amawesea na gôndé Jésus na amamôkanéga mbe: Okô mbe éwe na gô pie Muana ANzambé, koa mataé mema maka mipemba.

Matthieu 4:6

Amavovo n’edi mbe: Okô mbe éwe na gô pie Muana ANzambé, tséda na gô tsina. Matendeo MaNzambé matônigôa mbe: Nzambé angavigéda asi g’ôba, ayanzi edi gôékenea éwe. Dingagôtsua gô mogo maô. Kabaga makôdô moo mooka ébaku.

Matthieu 8:29

Amôgôôe ane amaadôngana mbe: ?Ewe Muana ANzambé ôbé nayee n’asô? ?Tambô ôvigi gôésiséda we ndéône madeo ésibuéa‐a?

Marc 1:1

Edué te Tsangône Eamôsôba éaJésus‐Christ Mauna ANzambé ébandôa mbe,

Marc 1:11

Ogi ômookanô ôvovo g’ôba mbe: Ewe te Muanami amôtôma amisô. Me nagônyôngéô na nzoo na gô môtéma.

LUC TSANGO EAMOSOBA EMATENDA 1:35

Môsi g’ôba amamôaabéa mbe: Gédidi SaNzambé géngaviga na gôndé éwe na ngudi yaNzambé dingapika éwe ga ôbôngé. T’ebandô muanee angabôtewe angatetu mbe, One amatômu na Nzambé, na dota Muana ANzambé.

LUC TSANGO EAMOSOBA EMATENDA 3:22

Gédidi SaNzambé gémasuma na gôndé Jésus gô gégoni saménga. Ogi ômookanô ômavovo g’ôba mbe: Ewe te muanami amôtôma amiso. Me nagônyôngéô ti na nzoo na gô môtéma.

Jean 1:18

Gôsaba môma ameena Nzambé, ivô amuene muana ekika angô te Nzambé, na andé vavo na Tétedi amamôtsutsuéda.

Jean 1:49

Vane Nathanaël amamômekeda mbe: Môékédi, éwe te Muana ANzambé. Ewe te môtômine eongo éaIsraël.

Jean 10:30

Wa na Téta tôndé te môvo.

Jean 10:36

Tambô na me, Nzambé amasevôa me na amatôma me na gô tsina. ?Nayee nôénda me mbe neenza Nzambé? ?Te gôpandôédi me mbe me te Muana ANzambé-a?

Jean 11:27

Marthe amaabéa mbe: Ii, Kumu nookiô. Me tsatsuma éwe paga. Ewe te Christ, ône eenéôkô n’oma muetso mbe angaviga na gô tsengene. Ewe te Muana ANzambé.

Jean 19:7

Ajuif amanigôa mbe: We tôndéké na ébégôe gô matendeo masô. Gô ébégôe éne môma ayôhu te yôhgu. Ebégôe te éne émeendangô mbe: Me te Muana ANzambé.

Jean 20:28

Thomas amamôneegeda mbe: Ewe Kumu ami. Ewe te Nzambé ami.

Jean 20:31

Ivô mane mamatenduni éma, mamatendu gômbe anye nôngamenya na gô pie, mbe Jésus te Christ Muana ANzambé. Na veetsanye Jésus mitéma mianyô mietso, nôndé na monyo apie.

Jean 6:69

We tômani éena mbe éwe te ône amasevou na Nzambé na amatômu n’edi na gô tsina. We tômani égôétsa mitéma miasô.

Romains 1:4

Ivô gôndé Gédidi SaNzambé, tétedi te Nzambé. Vamakundugangô va gatse ane amawani, ngudi yaTétedi dimatubéda mbe Jésus te Muana ANzambé.

II Corinthiens 1:19

Wa na Timothée na Silas tômanigôa anye tsangône éaJésus‐Christ Muana ANzambé. Jésus asivigé na yôgi dibaé, ôô ôgi mbe: te nane, na ôvo ôgi mbe: kaka nane. Amaviga na ôgi ôvo aNzambé mbe: te nane.

Hébreux 7:3

Ebandô éaMelchisédek ésamenyanganô mbe tétedi simbe, yeedi simbe. Obôtue wedi, n’owee wedi ôsamenyanganô. Agono n’amuene Muana ANzambé, andé môdeekedi adigondoku môsungéyi amôbô na môbô.

I Jean 2:23

Ekegea te nane. One akina Muana ANzambé Jésus, akina dôta na Téta Nzambé. One asinga Muana asinga na Téta.

I Jean 3:8

One agéyanzaka mabégô mabévani angô te môma atômu na yabédé. Yabédé amapanga éénda mane mabévani v’ebandô. Muana ANzambé Jésus asivigé gô yene ébégô. Amaviga gôébunganéda mayanza mayabédé.

I Jean 4:9

Nôeni étondo éaNzambé gôndé wa n’anyô éenanô. Angô amakudéga Muanedi ékika na gô tsina gômbe wa n’anyô tôba na monyo gô ngudi yedi.

I Jean 5:20

Tôsabômu dôta mbe Jésus Muana ANzambé amaviga na gô tsina amatôétsa éodo gôémenya Nzambé, angô ône apie. Wa n’anyô tôndé môvo na Nzambé ône apie te gô ngudi yaMuanedi Jésus. Te angô Nzambé apie na Kumu amonyo amôbô na môbô.

II Jean 1:9

One asadigaa gô meekédu maChrist akôndéga na mane maamuene, agésa na génôngô te ône asamenya Nzambé. One adigaa gô meekédume asabômu Téta Nzambé na Muanedi Jésus.

Gétsutsuéô 2:18

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Thyatire. Oôkôni ndongi divovo Jésus Muana ANzambé, ône andé na miso moobébayi ga soto. Na makôdô medi mandé na ngeengeyi ga kunga émakônzuni.