Jean 1:29 - New Testament in Mitsogo

²⁹ Ovo enyaa Jean ameena Jésus aviga na gôndé angô na amapandôéda mbe: Nôeni, ôdôô te môpaga endombo ômakudéga Nzambé gôéba ôgondoku gôéyôhu mbe anganôtôa ébévee éamitéma mioma muetso ava tsina.

Jean 1:29 ပူးပေါင်းရင်းမြစ်များ

Matthieu 1:21

Angabôta muanamômôgôô, n’ewe ômôôga te mbe Jésus. Te angô angooboo omedi gô ébévee éaô.

Matthieu 20:28

Béyé me Muana Amôma, vamaviga me tsivutéé mogo mami gôétôma oma. Ivô namatôma na namabanda na mogo mami. Nameetsa memuene monyo ami ngu na g’ôwa, te môvanô gôéoboo oma ayekani.

Jean 1:35

N’ongôngôe ône, Jean na avo aneengi edi abaé amadenganô

Jean 1:36

vamoota Jésus wangô. Jean ameena Jésus na amatubéda aneengi edi mbe: Nôéni, môpaga endombo ômakudéga Nzambé.

Jean 1:43

N’ongôngôe ône Jésus amatimôga gôékea na gô tsenge éaGalilée. Amawanya na Philippe na amavovo n’edi mbe: Oka n’ami nzéepo.

Jean 2:1

Vamoota pitsi dibaé oma amaduga gô Cana éndé gô tsenge éaGalilée gôébôngôa yômba. Yene aJésus amadenganô.

Jean 3:16

Menyani mbe Nzambé amanyôngéô oma muetso pepe. Ameetsa Muanedi ekika, gômbe ône eetsa môtémedi wetso na gôndé angô gébé na paga asangawa ivô andé na monyo amôbô na môbô.

Jean 4:42

Ahmavovo na môgeto nône mbe: Oeni we égô, tôétsi mitémamie, kaka gô mane mavovi éwe matévo, ivô te gô mane mookiô wéene. Tônigôéyiô na gô pie mbe angô te Mooboyi oma muetso.

Jean 6:51

Jésus amapandôéda mbe: Me te môpemba ôviga g’ôba ôétsa môma monyo. One angaa môpembee ône angaba na monyo ôsakôdéakani. Môpembee ôngamôétsa me te ôtôe wami. Nadeekeda oma ôtôe wami te mbe muetso angadiia monyo te gô angô.

Mayanzame 8:32

Mavovia maMatendeo MaNzambé mamatangangô mabeenda mbe: Amakedu mônongovo gakedu éndombo na gô gétsatséô sanyama. Mônongovo gandé môpaga endombo ôndé gébôbô va mbene amôgeengi amiyo miedi, Te mônongovo angô, asikukuéké mônyedi ta na pesu.

I Corinthiens 15:3

Namanôékéda bandôa v’ebandô mabégôme mavôni mameetsô me. Nameekéda anye mbe Jésus‐Christ amawa gô ébéva éasô n’anyô te gamatôévédu na Matendeo MaNzambé.

II Corinthiens 5:21

Jésus‐Christ asibaké n’ebéva ivô Nzambé amakoa angô aka môbévi gô ébévee éasô n’anyô. Wa n’anyô dôta tôsibaké n’etsimama ivô Nzambé amakoa we tôka tômatsimamédu gô étsimamee éaJésus.

Galatie 1:4

Christ amaadeekeda amuene ngu na g’ôwa gô ébévee éasô n’anyô. Te gôétôoboo na gôétôkuséda g’ôvéga ômatômuku we na tsinane éadeo noo édué éndé émayôa na mabégô mabévani. Te éne émanyôngéô Tetasô n’anyô Nzambé.

Galatie 3:13

Christ amakokou gô gévenga sasô n’anyô. T’ebandô amatôoboo na tôsaba gô tsina amôkokou amige. Matendeo MaNzambé matônigôa mbe: Môkokou ôndé gôndé môma ayôhu gô gésumu sowa.

I Timothée 2:6

Angô amadeekeda monyoe wedi amuene gôévana oma muetso mbe ahkusa g’ôvéga amane mabévani. Gô éne émeendangô gô ndéône émakônza Nzambé, tôena mbe Nzambé amanyôngéô ti na gô pie mbe akuséda oma g’ôvéga.

Tite 2:14

Amaadeekeda amuene gôéwa gôndé wa n’anyô, gôéyuua we gô mabégô metso mabévani na gôégôgéda we mbe tôngaba omedi, asi évambevo n’edi. Na mbe tôngaba na gényônga na môvinéné gôéénda mane mamisôba.

Hébreux 1:3

Jésus te gévede gévôni gétanédu n’obébayi ôtubéda ôndômba aNzambé. Gandéké Nzambé, te gandé Muanedi. Asumbéda tsina n’oba n’ogie wedi angudi. Vamamana angô égôgéda oma gô ébévee éaô amadigaa g’ôba gô géeyo gémôgôô te gésa senyanga éaNzambé, Kumu angudi yetso.

Hébreux 2:17

T’ebandô amakoga gôégono n’ana aTetee n’edi gô mabégô metso, gômbe angaba môdeekedi adigondoku, môsungéyi aô angudi na angeba vayanzangô va mbene aNzambé. Vane ébévee éamôma ésingéô kokoo.

Hébreux 9:28

Te mônongovo dôta émavangô mbe Christ amaadeekeda amuene ôgondoku kukepo gôénôtôa ébévee éoma ayekani. Na angaviga kukane éamôbaé kaka gôébusua ébévee, ivo te gôéengéda gô géobogeo ane andé gôémôenéani.

I Pierre 1:19

Ivô anye nômoobou n’osunu ôvôni anzina yaChrist. Andé ga éndombo ésaba éagékonzo na ésaba n’evisô.

I Pierre 2:24

Angô amatsua ébévee éasô n’anyô g’ôtô edi va gésumu sowa gômbe tôngagono na nzumbi géyanzédô mabévani. Ivô tôngaba na monyo gôéyanza étsimama. Gô ngudi yapôta yedi, anye nômadôngédu.

I Pierre 3:18

Christ amuene amawa ôwa ôvo gô ébévee éetso. Angô môma amatsimamani amawa gôndé oma abévani. Oweedi ôbuéda wa n’anyô na gôndé Nzambé. Oma amayôha angô g’ôtô. Nzambé amakundua angô gô ngudi yaGédidi sedi.

I Jean 2:2

Amuene Jésus‐Christ amadeekedu na Nzambé gôéwa gômbe ébévee éasô n’anyô ésingéô kokoo. Kaka éne éasô n’anyô étévo ivô te na éne éoma muetso.

I Jean 3:5

Nôsabômu mbe Jésus‐Christ amaviga gôénôtôa gôndé môma na môma ébévee éedi. Gôndé angô Jésus, gôsaba ébégô ébévani ta n’evo.

I Jean 4:10

Etondo ékegea mbe, kaka mbe wa n’anyô tômanyôngéô Nzambé ivô te Nzambé amanyôngéô wa n’anyô na amakudéga Muanedi Jésus. Mbeka nane ébévee éasô n’anyô mbe ésisingéô kokoo.

Gétsutsuéô 1:5

Nôédiia dôta te gôndé Jésus‐Christ. Angô mbangi éaNzambé ésapatakani. Angô Jésus te Muana ANzambé amapanga ébôtuni. Na angô amapanga ékunduga g’ôwa andé na monyo amôbô na môbô. Jésus te Kumu akumu yetso ditôma va tsina. Angô atônyôngéô. Amawa gôétôoboo gô ébévee éasô n’anyô.

Gétsutsuéô 12:11

Na ana a Tétee n’asô n’anyô ahmadiia gô ébadie émagenyahngô. Ahmadiia te gô ngudi yanzina yaMôpaga Endombo na gô ngudi yamabégô mapie mameekédangô. N’ahngô asikiné éétsa mionyo miaô gôéwa.

Gétsutsuéô 13:8

Oma muetso ava tsina anganeegeda te Genyamanyamage géne. Ekegea mbe, muetso te ane ahsaba na mina maô mamatendu v’ebandô atsina n’oba gô miganda miamonyo. Migandamie te mine miaMôpaga ômayôhuni.

Gétsutsuéô 14:1

Vane me Jean namabono. Nameena Môpaga Endombo va ngongo amôkôdi ôtetu mbe Sion. Vamadenganô n’edi môkama amitônisa na nzima dinayi na mitônisa minayi mioma mimatendu gô diôsô yaô inedi na ina aTétedi.

Gétsutsuéô 14:10

Anye nônganyua gébungu géyôa n’opisa aNzambé ôsigésu na sôma gôésusua ôbagee. Anye muetso nômasinga Gényamanyama na gégonige sedi nôngabisa gô soto géyôa na mbônga ébévani, géndé va mbene asi g’ôba ayanzie aNzambé na Môpaga.

Gétsutsuéô 14:4

Yôtô yaô disigésangané n’ageto ahmadeekeda yangô na gôndé Nzambé. Ahmakea nzéepo na Môpagee na gô tunguye yetso dimakeangô. Te ahngô ahmapanga éobouni va gatse omee gôédeekedu na gôndé Nzambé na Môpagee.

Gétsutsuéô 15:3

Ahmatôa imbô ématuba môyanzi aNzambé, Moïse na émbô étôa Môpaga. Ahmatôa mbe: Ah Kumu Nzambé, éwe Kumu angudi yetso. Mane mayanzewe mootéa ényepa na mootéa ékasôgéda môma. Ewe Môtômi atsengeye yetso, matasa moo mapie masakoga.

Gétsutsuéô 17:14

Dingagenya na Môpagee Endombo na te Môpagee ôngadiiani gôébégô angô te Kumu akumu yetso na angô te môtômi aatômie muetso. Môpagee ôngadiia, angô n’ane andé n’edi. Ane andé n’edi te ane ahmasevouni na ahmabambéôni na amamôétsa mitéma miaô.

Gétsutsuéô 19:7

Tôtsôkékéni. Tôenéni gényônga. Tôkumédéni ôndômbedi. Ndéône ébuéyi éne éayômba dingabaa Môpaga Endombo. Môgetone angabaaôni amani ékôkéga.

Gétsutsuéô 19:9

Môsi g’ôba amatôma me mbe: Otenda te édué. Tenda mbe: Tsôkéakani anye nôkôviô gô môambô ayômba yaMôpaga. Na môsi g’ôba amoomba évovo mbe: Ogie ône te ône apie ômavovo amuene Nzambé.

Gétsutsuéô 21:14

Môgômbee amôsengee ône ômadigédu gô ngongo obôgee ômasaaô na nzima adibobo na dibobo dibaé. Gô yangô gômatendu nzima amina na mina mabaé maane amasevouni na amatômukuni n’amuene Môpaga Endombo.

Gétsutsuéô 21:27

Ivô gô môsengee ône gôsangeengéa ta na sôma gévo sevindô, ta na môma môvo andé n’esima éasagô na éadiboe. Ane angeengéani te ane andé na mine maô mamatendu gô miganda miamonyo, te migandamie mikeneo na Môpagee.

Gétsutsuéô 21:9

Môvo va gatse asi g’ôba tsambué amasimbéda ébungue tsambué émayôa na panda yevunga tsambué yamôyusumédue, amabambéa me Jean mbe: Vigaka. Nagôtubéda muéba ôbayiô na Môpaga Endombo.

Gétsutsuéô 5:6

Nameena Môpaga Endombo ôndé môtie va mbene agédigaa sokumaka. Na ômasetu na éôma énayi évégumani na peeye. Môpagee ône ômabaka eembe ômayôhuni. Omabaka na tséba tsambué na miso tsambué te édidi tsambué éaNzambé émakudégu ne gô tsenge yetso yagô tsina.

Gétsutsuéô 5:8

Eôma énayi évégumani na nzima dibaé yapayi na payi dinayi muetso ahmasiba mabongo maô va mbene aMôpagee vamabongo angô migandamie. Ahngô muetso amabaka na ngombi yaô. Amabaka na ébungu éaô étumbu sôma sambônga éamôsôba te disambô yasi mbumu éaNzambé.

Gétsutsuéô 6:1

Na vane me Jean nameena Môpaga Endombo ômapaba môkatékôe amapanga. Va gatse éoma énayi évégumani namookô gévo gévovo. Ogie wedi ômakunga ga môdumu na ômabambéa mbe: Vigaka.

Gétsutsuéô 6:16

Ahmeenda mikôdimine na diboboye mbe: Pikani we. Somedani we kabaga tôenanô na ône andé digaa gô gédigaa sokumaka. Somedani we kabaga tôdenganô n’opisa aMôpaga.

Gétsutsuéô 7:14

Me namamôaabéa mbe: Me tsamenya téta, ômuene ôsabômu beenda me. Na payi nene amanigôa me mbe: Ahngô te ane amabaka gô tsina agékuanô gévôni. Ahmoovôa mikanda miaô gôéminyepeda na vee te gô nzina yaMôpaga.

Gétsutsuéô 7:17

Gôébégô Môpaga ôndé va ngenge agédigaa sokumaka ôndéké môkeneyi aô akeda ahngô na gô gétôka sameba meetsa monyo. N’amuene Nzambé angakôbôa kebaye yetso yagô miso maô.