Jean 1:18 - New Testament in Mitsogo

¹⁸ Gôsaba môma ameena Nzambé, ivô amuene muana ekika angô te Nzambé, na andé vavo na Tétedi amamôtsutsuéda.

Jean 1:18 ပူးပေါင်းရင်းမြစ်များ

Matthieu 11:27

Jésus amavovo mbe: Tétami amani édeekeda me mabégô metso. Gôsaba môma angoongôa émenya me, Muana ANzambé, buétsé te amuene Téta. Gôsaba môma angoongôa émenya Téta, buétsé te memuene Muanedi, na dôta ane angatubédu Téta na me.

LUC TSANGO EAMOSOBA EMATENDA 10:22

Jésus amavovo mbe: Téta amani édeekeda me mabégô metso. Gôsaba môma angoongôa émenya Muana ANzambé, buétsé te amuene Téta. Gôsaba môma angoongôa émenya Téta, buétsé te memuene Muanedi, na dôta ane angeena Téta gô ngudi yami.

Jean 1:14

Ogi ômakoga môma. Angô kumu amabégô mapie, amanyônganéô na Tétedi vamadigaangô va tsina va gatse awa n’anyô. Tômeena ôbébayi wetso ondômbee wedi, te ône ookumakee ômeetsô angô na tétedi, angô Muana ekika.

Jean 12:41

Esaïe amapandôéda mabégôme mane te gômeenangô ôbébayi ôtubéda ôndômbee aNzambé na amanyôngéô émôkuméda.

Jean 13:23

Môneengi môvo, ône amootéa Jésus ényôngéô, amabaka digaa va kôbangô aJésus.

Jean 14:9

Jésus amanigôa angô mbe: G’eedigéa me n’anye, vadingi. ?Ewe Philippe madeo ôsimenya me-a? One ameena me, ameena na Téta. ?Nayee ôôngôa éénda me mbe tubéda we gandé Téta Nzambé?

Jean 17:26

Me namagômenyeda gôndé ahngô. Na nangoomba éahmenyeda gandé éwe. Vane étondoe éndé n’ewe gôndé me, éngaba gôndé ahngô. Na me dôta nangaba gôndé ahngô.

Jean 17:6

Me namamenyeda éwe gôndé oma amayuua éwe va gatse asi tsengene. Omaweseda ahngô na gôndé me. Omeaa te woo. N’ewe ômeetsa me ahngô. N’ahngô amagobeda ôgie woo.

Jean 3:11

Me nagôbeenda na gô pie mbe tôvovo te éne ésabômu we. Tônigôa te éne émeena we, n’anye nôsasinga ômbangie wasô.

Jean 6:46

Kaka mbe môma oongôa éena Téta. One ameena Téta te môvo na koo, ône amaviga g’ôba gôndé Nzambé.

II Corinthiens 4:4

Asangoongôa ésinga mangô gôébégô Môtômine môbévani atsinane édué amakukéga yôkiia yamitéma miaô n’okutue. Te Môtômine ône iméda ahngô misome mbe kabaga eena gévedege gétanédu na Tsangô Eamôsôba étôtubéda ôndômba ôndé na Jésus‐Christ. Na étônigôa mbe Jésus te gégoni saNzambé.

Colosses 1:15

Christ ameenanô, na angô te gégoni saNzambé aseenanôni. Angô te Muana akuua. Angô te andé va ngongo ametso mamavangôni na mamakanôni.

I Timothée 1:17

Tôkumédéni, na tôneegedeni gédundé Kumu asô n’anyô amôbô na môbô, ône amawani, na aseenanôni, angô Nzambé ésaba na gégoni. Amen.

I Timothée 6:16

One asangawani te angô. Amuene te gévede gévôni gésoongôa môma éwesea. Gôsaba môma amamôenani. Na gôsaba môma oongôa émôbononi. Ondômbee wetso na ngudi yetso éndéké gôndé angô môbô na môbô. Amen.

I Jean 4:12

Gôsaba môma ameena Nzambé. Tambô tônyônganéôni wa n’anyôene na wa n’anyôene. Na angô andé môvo n’asô, étondoe éedi éngeenanô gô mônongoe wasô n’anyô.

I Jean 4:20

Okô môma avovo mbe: Me nanyôngéô Nzambé na angô adudu môkedi, angô te môpati. Bononi. ?Angô gényôngéô môkedi eena angô na miso, anganyôngéô Nzambé aseenanôni‐a?

I Jean 4:9

Nôeni étondo éaNzambé gôndé wa n’anyô éenanô. Angô amakudéga Muanedi ékika na gô tsina gômbe wa n’anyô tôba na monyo gô ngudi yedi.

I Jean 5:20

Tôsabômu dôta mbe Jésus Muana ANzambé amaviga na gô tsina amatôétsa éodo gôémenya Nzambé, angô ône apie. Wa n’anyô tôndé môvo na Nzambé ône apie te gô ngudi yaMuanedi Jésus. Te angô Nzambé apie na Kumu amonyo amôbô na môbô.