Jean 1:17 - New Testament in Mitsogo

¹⁷ Mige na mitôma miaNzambé mimaviga na tétasô Moïse. Mate mapie metso mamaviga na Jésus-Christ. Môétsine te Nzambé.

Jean 1:17 ပူးပေါင်းရင်းမြစ်များ

Jean 1:14

Ogi ômakoga môma. Angô kumu amabégô mapie, amanyônganéô na Tétedi vamadigaangô va tsina va gatse awa n’anyô. Tômeena ôbébayi wetso ondômbee wedi, te ône ookumakee ômeetsô angô na tétedi, angô Muana ekika.

Jean 14:6

Jésus amapandôéda ahngô mbe: Me te nzéane éanyô. Me te kumu amabégô metso mapie. Me te monyoe wanyô. Gôsaba nyene nzéa éôta môma na gôndé Téta, buétsé te vandé me.

Jean 18:37

Pilate amamôévôa mbe: ?Tambô éwe te môtômine-a? Jésus amamônikéda mbe: Otsimi. Me te môtômine. Namabôtu na namaviga na gô tsengene me te mbangine éaKumu amabégô mapie. Muetso andé gô mabégô mapie ookéô ôgie wami.

Jean 5:45

Kaka me nanganôsunda va mbene aTéta. One anganôsundani te Moïse, ône atanganédanye mbe tsoongone éasô te angô.

Jean 7:19

Nômatsikéô na Moïse ndongi na mitôma na mige miaNzambé ?kaka nane-a? Ivô gôndé anye, ta na môvo agobeda miangô. ?Anye nônyôngéô éyôha me gôndé?

Jean 8:32

Vane nôngeekaganô na mane mapie, na te mangô mangooboo anye g’ôvéga ôdigaanye.

Jean 9:29

We tôsabômu mbe Nzambé amavovo na Moïse, géé mômôgôô nône gômatimôgangô tôsamenya.

Mayanzame 28:23

Amasevoa inya gôévovo na Paul. Nyoone amaviga ti ayekani na gô eba ômadigaa Paul. Bandôa vamaagiia nyee ngu na vameedangô, te andé wangô. Paul amasupua ahngô mabégôme mokumu aNzambé gômanigôa angô ômbanza aJésus. Amatanga mane mamatenda Moïse na mane mamatenda apandôédi amatasa maNzambé va mbeego gôénigôa mane maJésus. Paul amanyôngéô ékoa ahngô matasame mbe asinga Jésus.

Mayanzame 7:38

Bangôani mbe Moïse te ône amakénga na omee asô n’anyô gô tsenge émagasani. Amabaka na peeye yasô n’anyô. Amabaka gékambi va gatse ana aIsraël na môsi g’ôba amavovo n’edi gô ngongo amôkôdi aSinaï. Ameetsô na Nzambé mabégô mavôni matôétsa monyo, na amatsika mangô gôndé wa n’anyô.

Romains 6:14

Mabégô mabévani masatômadô anye gôébégô nôsabadô gô tsina otômu amige miaNzambé, ivô nôndé gô tsina angeba yaNzambé gôétômu na yangô.

II Corinthiens 1:20

Na gô pie divanga yetso dimavanga Nzambé gôndé wa n’anyô te Jésus atôtubéda mbe Nzambé asapata. Te gô ina aJésus‐Christ tôkuméda Nzambé vatôaabéa mbe: Amen, ébaké te nane.

Galatie 3:17

Oôkôni éne évovo me. Nzambé ameetsa évamba na ameenda mbe: Esangaagana. Vamoota mikama minayi na nzima ditatô yema te Nzambé amakitsa migemie. ?Miangô mingaaganéda évamba éaNzambé nayee? ?Minganôtôa ôvangee aNzambé nayee?

Hébreux 9:22

Gô mitôma miaNzambé, éetso égôgédu te na nzina. Ebévee éamôma ésasingéô kokoo, buétsé te gô ngudi yanzina dimaagani.