Jean 1:16 - New Testament in Mitsogo

¹⁶ Wa n’anyô muetso tômani édiia ôkabô okitie ôndé n’edi. Tômadiia te mate makôndamani.

Jean 1:16 ပူးပေါင်းရင်းမြစ်များ

Matthieu 13:12

Menyani mbe ône andé na sôma angoomba ékôndégu, na asangabutadô sôma. Géé ône asaba na sôma angawatô buéyé na vipesuvie vindéké n’edi.

Matthieu 3:11

Me nanôbatésa na meba gôétubéda mbe anye nôkoi mitéma mianyô. Ivô gô ngimami gôviga muene anganôbatésa na Gédidi SaNzambé na soto. Ngudi yedi diôtéa dine yami. Gétôkôtôkô ôgoeyee, géôté môtsé. Me te gétôkôtôkô. Angô te môtsé. Ivô tsaba pengo gétôkôtôkô. Nandé ti gô tsina asangô.

Matthieu 3:14

Ivô Jean amakanéga émôkina mbe: Me nandé na ngudi yeviga gôébatésu n’ewe. ?Ivô éwe yôviga gôébatésu n’ami‐a?

LUC TSANGO EAMOSOBA EMATENDA 21:15

Menyani mbe memuene nanganôétsa éodo évôni na mavovia mangudi. Vane buéyé n’adudeoe wanyô asangamenya ékitsanganéa anye na asangoongôa ésiia.

Jean 3:34

One amatômu na Nzambé avovo te mane maNzambé gôébégô Nzambé, ône asaba na guma eetsa oma Gédidi sedi gésaba n’okana.

Romains 5:17

Ekegea te mbe ébéva éamôma môvo, Adam ématsigéda ôwa gôétôma oma muetso. Ivô te môvo, Jésus-Christ amatsigéda monyo mbe ôtôma we. Okô tôsingi éetsô n’edi ngeba n’etsimama éaNzambé te monyoe ôtôtômani.

Romains 5:2

Gô ngudi yaJésus, ône ameetsa wa n’anyô mitémamie, tôndé tômasipéduni gô nzéane éedi na tôwesea gôédiia mate maNzambé. Tsoongone éasô n’anyô étôtsôkéani te mbe tôngaba vavo n’edi g’ôndômbedi.

Romains 5:20

Mige miaNzambé mimakitsô gômbe ébévee éamôma éngeenanô mbe émaata évanga. Ivô vayeka ébévee, menyani mbe na ngeba yaNzambé dingootéa éaata évanga.

Romains 8:9

Ivô anye, nôsadigaa gô ngudi yaanyene na gô manyima mayôtô yanyô. Gédidi SaNzambé géndéké gô mitéma minayô. N’anye nôdigaa ganyôngéô sangô. One asaba na Gédidi SaChrist gô môtémedi, angô asamenyanganô na Nzambé.

Ephésiens 1:23

Mbumu éaNzambé te ôtô aChrist. Christ te ébandô na ékôdéô éatsinane nyetso. Na angô andéké gô mbumu éedi na eenanô va gatse ayangô.

Ephésiens 3:19

Anye mbe ti nômenya étondo éaNzambé, buéyé mbe gôsaba môma oongôa émenya ébandôe n’ekôdéôé éangô. Ivô nôngoongôa émenya éangô gôyuésédu mitéma mianyô n’amuene Nzambé.

Colosses 1:19

Gôébégô Nzambé amanyôngéô édigaa na éenanô gô ôtô aMuanedi.

Colosses 2:3

Gôndé Christ gômasuégu ôkiti ôvôni agétangégegé na angô te éodo n’ebagé éviga gôndé Nzambé.

I Pierre 1:11

Apandôédi ahmabaka na géviôviô gôébuta éménya éyénza éngavigani na mônongoe ôngaba mabégô metso gô ndéôye yangô. Ahmabuta émenya gamabendu ahngô na Gédidi SaChrist géne gémabaka gô mitéma miaô. Gédidi SaChrist gémamenyeda ahngô maguga mangeena Jésus, na ôkumakee ôngaanda mangô gô ngima.

I Pierre 1:2

Anye madeo nôsibôtu nômasevou na Téta Nzambé gamavanganô mbe eenda te nane. Nzambé amakoa anye omedi gô ngudi yaGédidi sedi gômbe anye nôngagobeda Jésus‐Christ. Te nzina yedi dimeetama gôndé oma muetso digôgéda anye mitéma. Te mbe mate maNzambé na gétabé sedi géyekegee gôndé anye.