Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jean 1:14 - New Testament in Mitsogo

14 Ogi ômakoga môma. Angô kumu amabégô mapie, amanyônganéô na Tétedi vamadigaangô va tsina va gatse awa n’anyô. Tômeena ôbébayi wetso ondômbee wedi, te ône ookumakee ômeetsô angô na tétedi, angô Muana ekika.

အခန်းကိုကြည့်ပါ။ ကော်ပီ




Jean 1:14
60 ပူးပေါင်းရင်းမြစ်များ  

Jacob amabôta Joseph. Joseph amabaka môméne aMarie. Marie amabôta Jésus, ône atetuku mbe Christ, événdégéô mbe One amasevôu na Nzambé.


Te deo noo, Mooboyi abôtiô gôndé anye gô môsenge aDavid. Angô te Christ, ône amatômu na Nzambé. Angô te Kumu.


Amabôta muanee akuua amômôgôô. Amamôdipa na mikanda na amamôyaméda gô gésô gévôni gémaaka nyamaye. Gôébégô gôndé ahngô gôsibaké tungu gô eba agenda.


Pierre n’akedi amabaka ti gô vio, ivô amatimôga na ameena ôndômbee ag’ôba ômabaka na Jésus n’omee abaé ane.


Nzambé madeo asikana tsina n’oba, vamapanga vamabaka ône atetuku mbe Ogi. Ogi te ôndé na Nzambé. Ogi dôta te amuene Nzambé.


Jésus amavovo n’edi mbe: Me tsigômanaka égôbeenda mbe ?ôkô ôsitsuma ngudi yami paga ôngeena ôndômba aNzambé ôsutuméa?


Jésus amapandôéda ahngô mbe: Me te nzéane éanyô. Me te kumu amabégô metso mapie. Me te monyoe wanyô. Gôsaba nyene nzéa éôta môma na gôndé Téta, buétsé te vandé me.


Jésus amanigôa angô mbe: G’eedigéa me n’anye, vadingi. ?Ewe Philippe madeo ôsimenya me-a? One ameena me, ameena na Téta. ?Nayee ôôngôa éénda me mbe tubéda we gandé Téta Nzambé?


Me nameetsa ahngô ôndômbee okumakee ômeetsô me n’ewe, te mbe angaba môtémovo gandé wa n’oo tôndé môtémovo.


Téta, éwe ômeetsa me ahngô. Me nanyôngéô mbe gôngaba me, n’ahngô dôta ahngaba wangô. Gômbe angeena ôbébayi ondômbee wami. Te ôndômbee ômeetsô me n’ewe gamootéa éwe ényôngéô me, bandôa v’ebandô tsinane madeo ésikanô.


Pilate amamôévôa mbe: ?Tambô éwe te môtômine-a? Jésus amamônikéda mbe: Otsimi. Me te môtômine. Namabôtu na namaviga na gô tsengene me te mbangine éaKumu amabégô mapie. Muetso andé gô mabégô mapie ookéô ôgie wami.


Géne te gémbégéage samapanga gématubéda Jésus oma ondômbedi. Amayanza ébégôé évôni éne ématsapéô oma na ésiôngôé môma ésupua te gô mbôkane ééndô mbe Cana gô tsenge éaGalilée. Aneengi edi asitsumédô ôtômue wedi paga.


Menyani mbe Nzambé amanyôngéô oma muetso pepe. Ameetsa Muanedi ekika, gômbe ône eetsa môtémedi wetso na gôndé angô gébé na paga asangawa ivô andé na monyo amôbô na môbô.


One eetsa Muana ANzambé môtémedi wetso aseetsô ôési. Ivô ône aseetsa Muana ANzambé môtémedi wetso amani éétso ôési te gôtsumangô mane maMuana ekika ANzambé paga.


Jésus amapandôéda mbe: Me te môpemba ôviga g’ôba ôétsa môma monyo. One angaa môpembee ône angaba na monyo ôsakôdéakani. Môpembee ôngamôétsa me te ôtôe wami. Nadeekeda oma ôtôe wami te mbe muetso angadiia monyo te gô angô.


Vane nôngeekaganô na mane mapie, na te mangô mangooboo anye g’ôvéga ôdigaanye.


Nzambé amakundua Jésus g’ôwa gamatendu gô Embô éamôbaé mbe: Ewe te Muanami. Deo noo naka tétoo.


Migemie mimatsikéô we na Moïse misibé na ngudi gôndé oma gamabôtu angô gôébégô ébéva éamitéma mioma émamiyungéda. Ene ésiôngôé mige éyanza, amuene Nzambé amayanza éangô. Amakudéga Muanedi amagono na wa n’anyô oma abévani gôétônôtôa ébévee éamitéma miasô n’anyô émabôtu na môma. Na ameeséda éangô.


Peeye yaô te Abraham na Isaac na Jacob na Moïse n’avo oma avôni. Buéyé na Jésus-Christ, ône andé gôétôma na ngudiye yetso, amabôtu gô tsengene te gô éongoe yaô. Tôkumédéni Nzambé môbô na môbô. Amen.


Adamene amapanga amavangô na toto. Adamene amôbaé te Kumu amaviga g’ôba.


Kumu amaabéa me mbe: Aé. Tsagônôtôa tséndé nene. Ivô gô tsina ebégô édagani éne, nandéké n’ewe gôégôsipéda. Ombiabuta sene sôma. Okô vasaba éwe na ngudi, dine yami dingeenanô na vede gôndé éwe. Kumu amavovo te nane. Me Paul nanôbeenda mbe nootéa étsôkéa g’ôpôpée wami buta mbe ngudi yaChrist dingeengéa pepe na gôndé me.


Ivô vamabuéa ndéône, Nzambé amavovo mbe: Muanami kiaka. Ongabôtu na môgeto. Ongagobeda mige migobeda Ajuif.


Va gatse asi mbumu éaNzambé muetso gô omee abobo, môyusumédue te me. Buéyé mbe nane, Nzambé amasevoa me gôénigôa Tsangô Eamôsôba gôndé ane asaba Ajuif. Tsangône te éokiti agétangégé ôtôdiia gôndé Jésus‐Christ.


Gôébégô Nzambé amanyôngéô édigaa na éenanô gô ôtô aMuanedi.


Gôndé Christ gômasuégu ôkiti ôvôni agétangégegé na angô te éodo n’ebagé éviga gôndé Nzambé.


Menyani mbe Christ te ôtô ômeengéa Nzambé gôéenanô na vede gôndé angô.


Na gô pie gôsaba môma oongôa énigôgéô ti v’ekôdéô anigôgéô mavôni mesôga étôgobedani. Kumu éesôgee te ône amatendu mbe: Amatsutsuga vandé we ga môma. Gédidi SaNzambé gématubéda gandé angô gébé n’oési. Ameenanô n’asi g’ôba, ayanzi aNzambé. Inedi émeekédu gô mongo metso. Asi tsengeye yetso amamôétsa mitéma miaô. Na amatômbu na g’ôba gôndé Nzambé.


Jésus te gévede gévôni gétanédu n’obébayi ôtubéda ôndômba aNzambé. Gandéké Nzambé, te gandé Muanedi. Asumbéda tsina n’oba n’ogie wedi angudi. Vamamana angô égôgéda oma gô ébévee éaô amadigaa g’ôba gô géeyo gémôgôô te gésa senyanga éaNzambé, Kumu angudi yetso.


Na gô pie Nzambé asivovo n’ayanzi edi asi g’ôba éne émavovo angô na Muanedi mbe: Ewe te Muanami. Deo noo naka Tétoo. Na Nzambé madeo asinigôé muene mbe: Oeni môyanzi ami, môsi g’ôba Me nangaba Tétedi N’angô angaba muanami.


T’ebandô gô ndéône émabaka Jésus mbe aviga na gô tsina, amavovo na Nzambé mbe: Ewe ôsabuta éétsô ôgondoku, na ôsabuta éétsô ôbiia. Ivô ômakônzéa me ôtô.


Jésus agôgéda oma ébévee éaô. Na amuene môgôgédine, na ane agôgéduni andé ana aTétee épo. T’ebandô Jésus aseena tsoyi gôémema mbe: Adua te ana aTétee n’ami.


Gôndé Christ émabaka te mônongovo. Asitômé amuene mbe: Nangaba môdeekedi adigondoku môsungéyi va gatse oma na Nzambé. Menyani mbe te amuene Nzambé amamôsevoa vamavovo angô mbe: Ewe te Muanami Deo noo naka Tétoo.


We tômamôenani tôtsua tsangône mbe: Téta Nzambé amakudéga Muanedi Jésus gôéba Mooboyi oma muetso.


Nôeni étondo éaNzambé gôndé wa n’anyô éenanô. Angô amakudéga Muanedi ékika na gô tsina gômbe wa n’anyô tôba na monyo gô ngudi yedi.


Gôndéké eekédi ayekani adiboe aka gô tsengeye yetso. Ahngô asangoongôa ésinga mbe: Jésus‐Christ te na gô pie amakoga môma. One asoongôa ésinga nane te môsi oboe na te Môvingi aChrist.


Amaata môkanda ômeenô gô nzina. Inedi te Ogi ANzambé.


Namookô ôgi angudi ôvovo gô gédigaa sokumaka Omavovo mbe: Bandôa n’atsatsee gédigaa saNzambé géndéké va gatse oma. Amuene angadigaa n’ahngô. Na omee dôta ahngaba aNzambé. Nzambé amuene angeenanô n’oma na amuene angaba Nzambé aô.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ