Jean 1:13 - New Testament in Mitsogo

¹³ Ana aNzambé ahmabôtu n’edi. Obôtue ône kaka ône anzina, na ône otô, vo ône etondo éamôma gabôtu môma na môma n’edi.

Jean 1:13 ပူးပေါင်းရင်းမြစ်များ

Matthieu 3:9

Anye nôanyepeda anyene mbe: we te ana aAbraham. Nônatasa gô éne. Okô Nzambé anyôngéyiô ana aAbraham, andé na ngudi yekoa mataé mema maka ana aAbraham.

Jean 3:3

Jésus amasiia n’edi mbe: Nagôbeenda na gô pie mbe, ôkô môma asibôtu ôbôtu amôbaé, ône aGédidi SaNzambé, asangoongôa émenya mbe ôkumu aNzambé ôndéké.

I Corinthiens 3:6

Me Paul namagaaba mibiemie gô tsina. Apollos amamiitéa meba. Nzambé amuene amamikandéda.

Philippiens 2:13

Menyani mbe Nzambé asatsika éyanza gô mitéma mianyô. Ayanza mbe nôôkô tsôvé gôémôgobeda. Na ayanza mbe nôndéké na ngudi gôékea gô nzéane émakônzangô gôndé anye.

Tite 3:5

Amooboo wa n’anyô. Asatôoboo gô ngudi yamayanza n’esima éasô n’anyô, gôébégô éangô ésinyepeke. Amatôoboo te ti gô dimeenangô wa n’anyô. Amatôoboo gô gégôgédéô samitéma miasô n’anyô gématôôvôu na Gédidi SaNzambé. Gégôgédéôge géné te géné gétôbôtu ôbôtu amôbaé, ône aGédidi SaNzambé. Na te géne gétôétsa wene mônongo amonyo, ône amôbô na môbô.

Jacques 1:18

Angô amatôbôta gamanyôngéô amuene gô ngudi yamabégô medi mapie gômbe wa n’anyô tôngaba ana akua gô éetso émavanga Nzambé.

I Pierre 1:23

Me neetsa ndongiye gôndé anye nômabôtu ôbôtu amôbaé. Nômabôtu ôbôtu amôbaé, kaka gô monyo ôbunganani ômadiianye n’eyee na tétee. Ivô nôndé na monyo ôsabunganani te ône ôdiianye gô Ogi aNzambé ôndé na monyo na ôsakôdéani.

I Pierre 1:3

Tôkumédéni Nzambé, Tétene éaKumu éasô n’anyô Jésus‐Christ. Gô ngeba yedi Nzambé amabôta wa n’anyô g’ôbôtu amôbaé gômakundua angô Jésus g’ôwa. Tsoongone éasô n’anyô ésagôgakani éndé gôndé Jésus.

I Pierre 2:2

Ganyôngéô muana av’ebene anyôngéô ôbuba, anye nyôngéôni mônongovo mabégô maNzambé metsimama gômbe vanganyua anye mangô nôngavunda gô géôbogeo.

I Jean 3:9

One andé Muana ANzambé ag’ôbôtu, amatsika éénda mabégô mabévani gôébégô ngudi yamonyoe ômeetsô angô na Nzambé dindé n’edi. Nzambé te tétedi ?nayee angoomba éénda mabégô mabévani? Asangoongôa.

I Jean 4:7

Omami amôtéma tônyônganéôni wa n’anyôene na wa n’anyôene, gôébégô Nzambé te Kumu éetondo. One anyôngéô môkedi angô te muana aNzambé na asabômu Nzambé.

I Jean 5:1

One eendô mbe muana aNzambé to ône asatsuma paga mbe Jésus te Christ ône amakudégu na Nzambé. One anyôngéô tétee anyôngéô dôta n’anedi.

I Jean 5:18

Wa n’anyô tôsabômu mbe muana aNzambé ag’ôbôtu asangoongôa éomba éénda mabégô mabévani n’osôbedi. Gôébégô Jésus Muana ANzambé akenea angô, na amuene Môbévine asangoongôa étsôpa angô.

I Jean 5:4

Gôébégô mbe ana aNzambé muetso ag’ôbôtu andé na ngudi yediia gô ébadi égenyahngô na mane matsengene. ?Tôdiia nayee? Tôdiia te gôétsa wa n’anyô Nzambé mitéma miasô n’anyô gémôtsumé paga.