Jean 1:10 - New Testament in Mitsogo

¹⁰ Ogi ômabaka gô tsina, Nzambé amakana tsinane te gô ngudi yOgie, ivô asi tsinane asiôkéô aangô ta na pesu.

Jean 1:10 ပူးပေါင်းရင်းမြစ်များ

Matthieu 11:27

Jésus amavovo mbe: Tétami amani édeekeda me mabégô metso. Gôsaba môma angoongôa émenya me, Muana ANzambé, buétsé te amuene Téta. Gôsaba môma angoongôa émenya Téta, buétsé te memuene Muanedi, na dôta ane angatubédu Téta na me.

Jean 1:11

Ogi ômatsiga gô tsengene na ôsisingô n’ane andé gô yangô, tambô amuene te kumu atsengene.

Jean 1:18

Gôsaba môma ameena Nzambé, ivô amuene muana ekika angô te Nzambé, na andé vavo na Tétedi amamôtsutsuéda.

Jean 1:3

Gô ngudi yone ameendô mbe Ogi, Nzambé amakana na amavanga éetso. Gôsaba ta na sôma gévo gésikanô na gésivangô gô ngudi yOgi.

Jean 1:5

Gévedege géne gétana gôépatsa évitsie ésaba na ngudi yeéma gévedege géne.

Jean 17:25

Téta, kumu éetsimama, asi tsengene asamenya éneegeda éwe, géé me tsabômu égôneegeda. Omee woo adua asabômu mbe te éwe ômatôma me.

Jean 5:17

Ivô Jésus amanikéda ahngô mbe: Téta, ône andé g’ôba ayanza kuka yetso. Na me te mônongovo. Nayanza te kuka yetso.

Mayanzame 14:17

Eébéyée nane, amatubéda amuene gôndé môma gô mane mamisôba mamayanza angô gôndé môma nône. Anônyôgédéa mbuua éviga g’ôba. Anôkandédéa mbôtô mbe nôngaa môyakô gô ndéôye yetso. Mitéma mianyô mitsôkéa mane mamisôba meetsô anye n’edi.

I Corinthiens 1:21

Ekegea te nane, oma atsengene na éodo n’ebagé éaô ahsiôngôé émenya Nzambé. Asiôngôé émenya na mane matsutsua éodo éamuene Nzambé. T’ebandô Nzambé amatasa gôéoboo ane eetsa angô mitémamie gô meekédume matôékédani éma maseka môma mbe matsôga.

I Corinthiens 2:8

Va gatse aditômu yetso yava tsina gôsaba ta n’ovo ômenya ône mônongo eodo. Mbe dimabaka n’eangô, yangô mbe disitômé oma gôébôkéda Kumu éondômbee wetso gô gésumu sowa.

I Corinthiens 8:6

Buéyé nane gôndé wa n’anyô Nzambéne te épo. Te Nzambé Téta amakana éôma éetso na monyoe wasô n’anyô te gôndé angô. Na Kumu asô n’anyô dôta te môvo na koo, te Jésus‐Christ. Te angô asumbéda éôma éetso. Asumbéda na monyoe asô n’anyô.

Colosses 1:16

Te gô ngudi yedi mbe Nzambé amakana na amavanga éetso éndé g’ôba na éetso éndé gô tsina. Eetso, ékegea mbe éne éenanôni na éne éseenanôni. Ngudi yeedidie te yedi. Na ditômuye na ényangee, na ngudi yetso te yaChrist. Nzambé amavanga na amakana éetso gô ngudi yaChrist na éetso te éedi.

Hébreux 11:3

Wa n’anyô gôétsa Nzambé mitémamie gébé na paga vanigôgéô we mbe Nzambé amakana tsina n’oba te na ôgi ôtévo. Ene éenanôni émakanô gô ngudi yene éseenanôni.

I Jean 3:1

Eenakani ganyôngéô Téta Nzambé wa n’anyô. Angô atônyôngéô ti v’ekôdéô éenyôngéô, t’ebandô tôtetu mbe ana aNzambé ag’ôbôtu. Na tôndéké anedi apie. Asi tsengene asamenya Nzambé ?nayee angamenya wa n’anyô gôénigôgéô mônongoe wasô n’anyô tôndé anedi? Asangamenya.