Jean 1:1 - New Testament in Mitsogo

¹ Nzambé madeo asikana tsina n’oba, vamapanga vamabaka ône atetuku mbe Ogi. Ogi te ôndé na Nzambé. Ogi dôta te amuene Nzambé.

Jean 1:1 ပူးပေါင်းရင်းမြစ်များ

Matthieu 1:23

Tômbô madeo asigésangana na mômôgôô angatsua émé. Angabôta muanamômôgôô. Angamôôga mbe Emmanuel. (Evéndégéô mbe Nzambé andé n’asô n’anyô.)

LUC TSANGO EAMOSOBA EMATENDA 24:53

Amabaka gô eba aNzambé na pitsi n’omanda gôékuméda na gôéneegeda Nzambé.

Jean 1:14

Ogi ômakoga môma. Angô kumu amabégô mapie, amanyônganéô na Tétedi vamadigaangô va tsina va gatse awa n’anyô. Tômeena ôbébayi wetso ondômbee wedi, te ône ookumakee ômeetsô angô na tétedi, angô Muana ekika.

Jean 1:18

Gôsaba môma ameena Nzambé, ivô amuene muana ekika angô te Nzambé, na andé vavo na Tétedi amamôtsutsuéda.

Jean 1:2

T’ebandô tômenya mbe vamapanga na kaa ôgi ômabaka na Nzambé.

Jean 16:28

Me namaviga gôndé Téta gôétsiga na gô tsengene. N’atsatsee nanôtôgi gô tsengene gôénika na gôndé Téta.

Jean 17:5

N’atsatsee Téta gobeda me gô tungu édigaa éwe, gôéétsa me ôndômbee okumakee ômabaka n’ami v’ebandô tsinane madeo ésikanô.

Jean 20:28

Thomas amamôneegeda mbe: Ewe Kumu ami. Ewe te Nzambé ami.

Jean 8:58

Jésus amanigôa Ajuif mbe: Me nanôbeenda na gô pie mbe Abraham madeo asibôtu, te me nandéké.

Romains 9:5

Peeye yaô te Abraham na Isaac na Jacob na Moïse n’avo oma avôni. Buéyé na Jésus-Christ, ône andé gôétôma na ngudiye yetso, amabôtu gô tsengene te gô éongoe yaô. Tôkumédéni Nzambé môbô na môbô. Amen.

Ephésiens 3:9

Namasevou dôta gôémenyeda oma muetso éne éngayanza Nzambé gôédugéda étasa éedi gôékônza nzéa gôndé ane asaba Ajuif. Nzambé môkanine ayôma éetso éava tsina, amabaka n’etasa éne bandôa v’ebandô ivô oma asinigôgéô éangô. Emabaka ga émasuégu.

Philippiens 2:6

Bandôa v’ebandô, andéké ényangevo na Nzambé. Ivô asigényôga gôémenyanganô mbe Angô te môvo na Nzambé.

Colosses 1:15

Christ ameenanô, na angô te gégoni saNzambé aseenanôni. Angô te Muana akuua. Angô te andé va ngongo ametso mamavangôni na mamakanôni.

Colosses 1:17

Eômee éetso madeo ésivangô na ésikanô Christ te andéké. Eômee éetso émavangôni na émakanôni ényepa gô étungue yaô te gôndé éangô n’evamba na Christ.

I Timothée 3:16

Na gô pie gôsaba môma oongôa énigôgéô ti v’ekôdéô anigôgéô mavôni mesôga étôgobedani. Kumu éesôgee te ône amatendu mbe: Amatsutsuga vandé we ga môma. Gédidi SaNzambé gématubéda gandé angô gébé n’oési. Ameenanô n’asi g’ôba, ayanzi aNzambé. Inedi émeekédu gô mongo metso. Asi tsengeye yetso amamôétsa mitéma miaô. Na amatômbu na g’ôba gôndé Nzambé.

Tite 2:13

Ngeba yedi ditôékéda gôédigaa kuanakue gôéenéa gévigéô sanyee ôvôni agényônga ôtôténdédani. Nyee ône ôvôni ôngatsutsuga ôbébayi ôtubéda ôndômba aMooboyi asô n’anyô Jésus‐Christ, angô te Nzambéne éasô n’anyô épôni ésaba na gégoni.

Hébreux 13:8

Jésus‐Christ asakoga. Gamabakangô va mbeego, te gandé angô deo noo, na te gangaba angô gô mbene môbô na môbô.

Hébreux 7:3

Ebandô éaMelchisédek ésamenyanganô mbe tétedi simbe, yeedi simbe. Obôtue wedi, n’owee wedi ôsamenyanganô. Agono n’amuene Muana ANzambé, andé môdeekedi adigondoku môsungéyi amôbô na môbô.

II Pierre 1:1

Oô te me Simon Pierre, môyanzine amatômu na Jésus‐Christ. Natendéa ane ahmeetsô na Nzambé ngudi yeetsa angô mitéma miaô gémôtsumé paga mônongovo gameetsa me. Ngudi yedi tômeetsô yangô gô étsimama éaNzambé na éaMooboyi asô n’anyô Jésus‐Christ.

I Jean 5:20

Tôsabômu dôta mbe Jésus Muana ANzambé amaviga na gô tsina amatôétsa éodo gôémenya Nzambé, angô ône apie. Wa n’anyô tôndé môvo na Nzambé ône apie te gô ngudi yaMuanedi Jésus. Te angô Nzambé apie na Kumu amonyo amôbô na môbô.

I Jean 5:7

Gôndéké mbangi ditatô.

Gétsutsuéô 1:11

Angô mbe: Tendaka gô miganda éne éena éwe. Kudéga miangô na gôndé asi mbumu éaNzambé ahndéké gô mbôka yedi tsambué. Okudéga na gô Ephèse na Smyrne, na Pergame na Thyatire na Sardes na Philadelphie na Laodicée.

Gétsutsuéô 1:17

Vamamôena me, namagudama na va tsina ganawéyi wakaga. Amatsakéga ôgogo edi ômôgôô gôndé me na angô mbe: Ombiookô gomo. Oô te me. V’ebandô ametso te me. V’ekôdéô ametso te me.

Gétsutsuéô 1:2

Jean amatenda metso mameenangô na mamookô angô gôénigôa tsangô éamaviga gôndé Nzambé. Te mabégô mapie mamatubédu angô na Jésus‐Christ.

Gétsutsuéô 1:8

Kumu Nzambé avovo mbe: Me te Alpha na Oméga. Evéndégéô mbe v’ebandô ametso te me na v’ekôdéô ametso te me. One avovoni te Kumu angudi yetso. Angô amabakani ne te angô andékéni na te angô angavigani.

Gétsutsuéô 19:13

Amaata môkanda ômeenô gô nzina. Inedi te Ogi ANzambé.

Gétsutsuéô 2:8

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Smyrne. One andé v’ebandô ametso te angô andé v’ekôdéô ametso. Na ône amawani te angô amakundugani, andé na monyo ôsakôdéakani anôétsa ndongi yedi. Oôkéôni angô.

Gétsutsuéô 21:6

Na ôgie ômoomba évovo mbe: Eetso édimbani. Me navovoni te Alpha na Oméga, événdégéô mbe, v’ebandô ametso te me, na v’ekôdéô ametso te me. Me te mapangame. Me te môyusumédue. One ookô sôé nangamôétsa meba magéenza magô gétôka géétsa monyo.

Gétsutsuéô 22:13

Me navovoni, nandé te Alpha na Oméga, événdégéô mbe v’ebandô ametso te me na v’ekôdéô ametso te me. Me te kuane, na me makukéme. Me mapangame, na me te môyusumédue.

Gétsutsuéô 3:14

Ogi ômatôma me Jean mbe: Tendéa ndongi yedi na gondé môsi g’ôba avigédu na Nzambé gôékenea asi mbumu éedi gô mbôkane ééndô mbe Laodicée. Oôkéôni ndongiye divovo ône angayusuméda mbe: Amen. Angô mbangi éamavôma ésapatakani. Te angô mapangame mametso mamavanga Nzambé.