Jacques 5:7 - New Testament in Mitsogo

⁷ Bakani na môvinéné ngu na vangaviga Kumu Jésus. Bononi mônongovo gandéké môgaabi. Angô eenéa na môtéma ômasumani éne éamisôba éngakandéda totone. Eenéa te môbaka ngu na gô môténa gôédenga môyakô.

Jacques 5:7 ပူးပေါင်းရင်းမြစ်များ

Matthieu 16:27

Endé te nane. Me Muana Amôma nangaviga g’ôkumaka wetso aTéta na ayanzi edi asi g’ôba. Nangeetsa môma na môma ngu na éne émeenda angô gô monyoe wedi.

Matthieu 16:28

Nanôbeenda ébégô édué éapie mbe avo va gatse anye nôndé éva, nôsangawa ta madeo nôsiena me, Muana Amôma naviga n’okumaka gôétôma.

Matthieu 24:27

Nôsabômu gakadima mikadikadi gésa na gésa bandôa gôviga kômbéne na gôpénda kômbéne. Menyani mbe génikéô sami, Muana Amôma na gô tsina géngaba te nane.

Matthieu 24:44

T’ebandô anye dôta bakani nômakoamani kuanakue gôévéngéa me, gôébégô me Muana Amôma nangaviga gô ndéône ésangatasanye.

LUC TSANGO EAMOSOBA EMATENDA 18:8

Nanôbeenda na vede mbe Nzambé asadinga ésiséda adudeoe omedi, na gôéanikéda pégôani. Buéyé nane, ti vangaviga me Muana Amôma na gô tsina ?nangadenga oma aténdéda me, asatsuma ngudi yami paga-a?

LUC TSANGO EAMOSOBA EMATENDA 21:27

Vane nôngeena me Muana Amôma natsutsuga va gatse adibôngé yag’ôba. Nangaviga na ngudi yetso n’obébayi ôtubédu ôndômbee okumakee wami.

LUC TSANGO EAMOSOBA EMATENDA 8:15

Mine mimaaga gô totone éamôsôba te ane ookô Mabégô MaNzambé na ahmakuya gô mitéma miaô miamisôba na mimavômani. Ahngô aka oma obibo na mitéma miaô mikuséda ésima éamisôba.

Jean 21:22

Jésus amavovo mbe: Okô me nanyôngéô mbe abé na monyo ngu na vanganika me, éne kaka ébégôe éoo. Ebégôe éoo te mbe, ômuene, kea nzéepo n’ami.

Jean 21:23

Bandôa nyoone ébégôe émookanô va gatse aneengie mbe: Môkasô ône asangawa. Tambô Jésus asivove na Pierre mbe: Môma nône asangawa. Amavovo na Pierre mbe: Okô me nanyôngéô mbe abé na monyo ngu na vanganika me, éne ésaba gôndé éwe.

Romains 15:4

Metso matôtanga gô Matendeo MaNzambé mamatendu mbeego gôétôékéda. Gômbe tôngaténdéda na môvinéné mane mookô we gô Matendeome. Mangô makasôgéda we.

Romains 2:7

Ane abuta ôndômbee wedi na ôkumakee wedi na monyoe wedi amôbô na môbô ayanza na môvinéné mane mamisôba manyôngéô Nzambé. Te angô angeetsô monyo ôsakôdéakani ôndé na Nzambé vavo.

I Corinthiens 1:7

Nôsivee ta na môgôô ôvo aNzambé. Tambô anye véngéani na ngudi yetso génikéô saKumu asô n’anyô Jésus‐Christ na gô tsina.

Galatie 5:5

Ivô gôndé wa n’anyô tsoongone éasô n’anyô te mbe tôngatsimamédu na Nzambé ti eembe tôsaba n’oési. Te éne étôenéani gô ngudi yaGédidi SaNzambé géne géyanza veetsa we Nzambé mitéma miasô n’anyô.

Galatie 6:9

Va tôénda mane mamisôba tômbiavovo mbe: Tôgogi. Ogani enyepanéô ômbiatsika éoko madi na tsingô. Gôébégô mbe ôkô tôbé na môvinéné tôngadiia mamisôba vangabuéa ndéône.

Colosses 1:11

We tôduka Nzambé mbe nôsipédu na noodedu na ngudi yedi dipôni dindé n’ondômba. Buta mbe nôbibéda na gényônga géniké ngima gô minongo mietso.

1 Thessaloniciens 1:3

Endé te nane. Vandé we va mbene aTétasô n’anyô Nzambé gôésambéda, tôkôngéda gameetsanye mitémamie mietso gôégobeda mane manyôngéô Nzambé. Etondoe éndé n’anyô énôtindéga gôéyanzéa Nzambé. Nôsanzeegeda éténdéda mane maKumu asô n’anyô Jésus‐Christ.

1 Thessaloniciens 2:19

?Ane andéké tsoongone yami yandaa? ?Ane andé gényôngage sami yandaa? ?Ane andéké gémbégéa sebadi émagenya me yandaa? Ka te anye. Vangaviga Kumu Jésus nanganyemôga na gényônga te gôndé anye.

1 Thessaloniciens 3:13

Vane Kumu Jésus angoodeda mitéma mianyô. Nôngaba n’etsimama gébé n’oési va mbene aTétasô n’anyô Nzambé vangaviga Kumu asô n’anyô Jésus na omedi muetso.

Hébreux 6:15

Abraham amabaka na môvinéné gôéenéa ôvangee ômavangéô angô na Nzambé. Na amoodiia.

Jacques 4:11

Ana aTéta agô mbumu éaNzambé nônatsuavana anyene n’anyene. One eeséda muana aTétee n’edi na atsuava angô, eeséda Matendeo MaNzambé na atsuava mangô. Menya mbe éwe ôtsuava Matendeome éwe ôsaba môneegedi amangô ivô éwe te môkékôyi amangô.

Jacques 5:10

Ana aTéta, bangôani apandôédi ambeego amatasa maNzambé, ahmeevéda akaô gô ina aKumu Nzambé. Bakani na tsingayi g’ôbibô ômabaka n’ahngô gô gékuanô.

Jacques 5:3

Ekôtee éanyô na dodeye yanyô éka te nyanga étévo. Te nyangane éngatsundéda éwe mbe: Ondé n’oési. Nyangane yangô éngayôéda yôtôye yanyô ga soto. Nômakôkéga ôkitie gôédiaa aakaga gô pitsiye yamôyusumédu.

II Pierre 3:4

Jésus amavanga mbe: Nanganika na gô tsina. ?Angôni? G’egudéa tétee yasô gébémi. We tôena tsengene éndé te mônongovo gamavangô yangô v’ebandô.